MAZMUR 54:7 - Allah Wene Fano Wene Hupla Inane

⁷ At he an noba tiphogo nek hilingnaferek andi nen he, Arenat it an naselei mene andoma inonggwarek inaweak oba wene inoba fuluk inebe mondok leget fisagain o.

MAZMUR 54:7 ပူးပေါင်းရင်းမြစ်များ

KEJADIAN 48:16

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.

2 SAMUEL 4:9

A'nogo yagatukwaba nen he at Daud en onggo ikhi logolik he, ”Tuhan eluk mondok welagarek mene nen he, an nebe yi mene ti mene ambisangma a'luk noasu hagenek agunem nagap telnaferek mene a'nogo nen he, an nen igin mene yi re eberogo mene ikhe iluk eluat logogin.

MAZMUR 112:8

It aselei mene omanogo mabenet fisagain iluk endawimo anggikhi logolik he, aren endawimo ailo anggigik, endawi hokho mene fitik, hilingiti logogin mondok lek.

MAZMUR 118:7

At Tuhan he an lebetneageluk an nebikhit welagarek andi nen he, it naselei mene mabenet fisugunem andoma re, neilenggen isagain.

MAZMUR 143:12

Hat hendawi hundigen hilingnafi lagen mene andiba it naselei mene andoma mondok warogo lakfisan o, an he Hat hamingmingengge hilingik welagimo re it an sebelogo nobagali'lagwi mene andoma mondok legetfisano.

MAZMUR 34:19

Tuhan he, it ekhe inendawenggen eak a'luk, inendawimo mondok weakhogo welagaikharek mene andi, inera'lu we'luk inebe telinaferek.

MAZMUR 34:6

Afuni weak hilingisogo fisagarek mene andi re, it At oba eberek logolik inagaiyekhogo logogun, It yi enggin ti enggin hili'lagwi mene andi re, inenggali agi'lek inoba heanerogo logogun.

MAZMUR 37:34

Hiren, Tuhan nen telninabigin iluk oba eberek logolik, Aren komotninafikhe wene andi hologo higithogo hilingiti logoino. A'nogo hilingiti logogun halok, Aren hit o abok yagahisasikhe mene andoma eise logouwagaluk agaugwet hinabimbik wokhisagain o. Nen it afuni inobabut weak hilingitarek mene andi re, inebe legetfisugunem hineilenggen hogoin aro.

MAZMUR 59:10

An nebe nomame re we Hat hamu welagenma re, an he Hat hoba nek eberek mondok welagi, Neisena Allah Hat he an naleget waganek welagen.

MAZMUR 91:8

A'nogo hilinglagunem hera'lu heilenggen kwelagisagain he, Allah nen afuni weak hilingitarek mene inobabut oba onggo weagerinafunem heilenggen hagain o.

MAZMUR 92:11

Haren he an nebe no banteng eil polok mene omame welagarek hakhogo hilingnobagasigin, nen an nebeba nagaiyek mene nek fanotnobagagik isigin.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.

1 SAMUEL 26:24

Arigini'mo re, yogondak yiba an nen neisena hebe hoasigin lek iluk heluk hobagagi andi hakhogo an hamingmingengge yi ogo a'nogoat Tuhan nen nili waganogo fetnarek logolik enggin noba werek mene fikhalogo wulak nobagakhi logouwago!” iluk isikhe.