MAZMUR 54:4 - Allah Wene Fano Wene Hupla Inane

⁴ Neisena Allah an nen kino yagaheti lagi mene andi re nane hesanggo holnobagakhi logoin o, Hendawimo fanoba an nane ikhi lagi mene andi fut nobagakhi logoin.

MAZMUR 54:4 ပူးပေါင်းရင်းမြစ်များ

1 TAWARIKH 12:18

A'nogo yagaisasikhemo it inanggele'ma aremnogo nen ap misik enu Amasai, hun andi hobuk it ap esa Tridasawira inoe kepala asigin mene a'nogo nen re, Allah areagun oba louk isikhesik aren ikhi logolik he, ”Daud hun Isai amlogo yi! Nit he hat hebikhit mene wago o! At Allah hat hebikhit werek andi nen he, hat hebe inom, hat hagoromi lebethiili'lagwi mene andoma inomen hilingiti lagep mene andoma re ambisangma fano mene nek aga logouwago,” iluk yagatikhe. A'nogo yagatikhemo re, at Daud en it a'nogo woginafikhesik agoromi perwira weim yafu mene faget inogogwi logouwageluk menfisilik lagaikhe.

MAZMUR 118:13

An noasuogoluk inomamerogo wagunem, nalekwe togarogo heise wulifunem an nebe noa'lep mene, neisena Tuhan nen fano telnaferek.

MAZMUR 17:1

Wene eberogo mene nek hilingnobagain, iluk henu hombuk palhi lagi mene andi hesanggo holnafi logoin o, Neisena Tuhan, an nendawinggen mondok pikhithogo hilingik logolik samban hoba kino yagaheti lagi mene andi re futnobagakhi logoin o.

MAZMUR 41:12

Nen an nebe it naselei mene nen mabenet nobagagu lek halok he, andiba Haren an hendawi hundik hilingnarek welagen mene a'nogo nelu asigin o.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

IBRANI 13:6

A'nogo anggikhi logolik, hinendawimo nen, Allah nen he, ”Henggi obokhogo herakhobagagin lego,” isikhe andi nen he, ninendawinggen hambukhogo logolik mel ikhi logogun, ”Neisena Enupogot he, an lebetniikherek mene o. Halok he, afuni nen an ninggi'nogo hilingnabugun nogo, An nailo lego,” iluk ikhi logogun andi.