MAZMUR 53:2 - Allah Wene Fano Wene Hupla Inane

² Afuni morue mene inendawimo nen anggikhi logolik he, ”Allah re werek lek,” iluk anggagarek. It inobabut he fano mene ekhe hilingitarek lek, we mondok weak mene inom, kwanirek mene inom enek hilingitarek.

MAZMUR 53:2 ပူးပေါင်းရင်းမြစ်များ

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

2 TAWARIKH 15:2

hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.

2 TAWARIKH 19:3

A'nogo meneat he, hun haren fano mene hilingiti lagen mene ekhe weregat. A'nogo andi re neisena haren dewi Asyera afuni nen fogerati lagaikha mene omanogo mondogat waganogo wulak fisegendik, hat hebe Allah endawimo anggikherek mene a'nogo higithogo hilingitu mondok welagen o,” iluk yagatikhe.

AYUB 28:28

At Allah nen afuni inoba ikhi logolik he, ”Inendawinggen kagalek mene andi wo'nisoageluk he, Allah andiat legeisogo fikhi logoni. Nen, futfikhi logouwogeluk he, weak mene andi agaiserogo yatma lakfuluk logoni,” iluk isikhe.

MAZMUR 10:4

It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 102:19

It ap inunggulenu oan ta'lagi'lek werek mene nen, Arenek fogerati logouwagen he, it inebe hobuk logogun mene andoma inobaget, At Tuhan nen hilingite mene inom, hilingiri'lago mene inom, andoma mondogat lisu palogo feino o.

MAZMUR 11:4

Tuhan he awi fanoma horek oba omanogo werek, o Sorga andoma re At ebe hurek werek oba. A'nogo logolik he afuni mondogaren hilingitarek mene omanogo faget eilenggen penetu werek, andi nen he it inobabut yinik-hunik hilingitarek mene andoma mondogat he At elu mondok welagarek.

MAZMUR 111:10

Ap sa nen obabut hebelek mene logogin amolo halok he, aren Tuhan oba along anggaluk legeisogo fikhi logogin fano. Nen, afuni At ane hologo nek hilingitarek mene inoba re fanorogo wenggelharek mene wogisikherek. Inenggi mondok-mondok andoma re Tuhan nek fogerati logogun.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

YESAYA 55:6

Hilingisu higiroba andemat Tuhan oba sugulogo waga logoni o, At ebe horokhogo were'ma andemat enu hombuk palhi logoni o.

YEREMIA 16:17

Iren yi'nogo ti'nogo hilingiri'lagwi mene andoma An neilenggen mondogat isikhi lagi. An nelokhoma re hinago mene ekhe werek lek. Nen, it inaweak hilingiri'lagwi mene ogore An nen neilenggen mondogat isikhi lagi nego.

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.

ULANGAN 4:6

Wene andi hinaberali agi'legat hologo higithogo hilingiti logoino o. Hiren a'nogo hilingiti logogun halok, hit hinendawinggen kagalek mene were'ma awene andi futfuluk hilingitunem afuni inunggulenu hunogoat mene nen enegat futhinobagakhi logolik, egi! It inunggulenu hokho mene yi nen, wene inelu mondok, inendawimo kagalek logolik futfuluk hilingiri'lagwi andi nailo e, iluk fogethinabugun o.