MAZMUR 52:2 - Allah Wene Fano Wene Hupla Inane

² At Daud ebe hun Abimelekh were'ma oba lagaikhemo, hun Doeg aiba Edom mene a'nogo nen Saul oba yagasi lagaikhemo isikhe awuni.

MAZMUR 52:2 ပူးပေါင်းရင်းမြစ်များ

MAZMUR 109:2

It afuni ina'mage weak mene omanogo inom, ineranen wene lalinafarek mene omanogo inom, wene an hilingik welagi mene faget sagari'lagwi mene omanogo inomen he, an noasuogeluk sali weri'lagwinggere.

MAZMUR 120:2

Tuhan neisena, it afuni ineranen wene igik, inane nen weregaphogo igik, agarek mene andoma inoba nen telnabin o.

MAZMUR 50:19

Hit hinambeba nen he wene weak mene nek ugu mondok welagebo. Nen hinamelinggen obare hineranhogo wene ugun mene nek laboksek werek.

MAZMUR 57:4

At ebe pogoroba nen an nane onggo yaganetik, nen nagap telnafik, ikherek. It afuni an noba enggin-fenggin fagarek mene omanogo re Aren enek leget fisikherek. At Allah nen an noba tiphogo nek hilingiterek mene inom, nen hundik-handik endawit naferek mene inom inuk neagain logou hago.

MAZMUR 59:7

O hu'mo asi lagunem he it omanogo nekhengge lagokhogo we'luk, o kota kwe omanogo maserik nikhi logolik he mene nen hakhogo kouwarik nikho.

AMSAL 12:18

Ap inane we yugunat agarek oba re weim en semele kuluthugunem hak afuni inendawimo wat fisagarek, inane fano mene agarek andi re obat ou inoba were'ma fanorinaferek higit werek.

AMSAL 18:21

Inamelinggen andi nenat afuni weagerinafik, fanorinafik ikherek afuni inane ambisangma nek enggin mene helagarek.

AMSAL 30:14

It ekhe nen he inangge nunggu mene herakhikhi logolik ina'mageba ninghogo mondok hilingitarek, a'nogo hilingiti logolik afuni sebelek mene inom, inenggi lek mene inom inabiret fisaluk inenggi omamerogo sebelinarek welagaikharek.

YEREMIA 18:18

Afuni nen ikhi logolik, ”Nit he ninebe seberogo nenat Yeremia pelabuogen he awene paluogen we'ni o. Allah ane andi re at amu nen yagaisoageluk werek fuk. Lego, At ane yaganisugu mene re it ap imam werek hilingi'mo re iren yanggulninafik, it ap inendawinggen wenggelek mene nen komo wene yaganisigik, ikhi logogun o, nen it ap nabi nen he Allah ane ugu mene omanogo yaganisikhi logogun aro. Andi nen he niren at ane ugunem holhi logogun lek enggere, wene katokhogo palharek oba omanogo hele warogo waluk louwogo,” iluk isukwa.

MATIUS 26:59

Hurek werek kwelek, it ap Allah eisewerek inogogwi kaindek inom, wene ero pilingitarek mene mondogat inomen, at Yesus wasuogeluk, mel isukwa: ”Afuni at weak hilingitunem ineilenggen haga mene uagen heraginabini,” iluk, ineranenat wene oba fouwageluk heraginafukwa mene re,

KISAH PARA RASUL 24:1

A'nogo yagaisasikhesik, inenggi 5 nen welagaukwasik ekhe were'ma, it ap Allah eisewerek mene inoe kain Ananias inom, inaluendek omanogo ekhe inom, ap ekhe wene fano nek ikhi lagaikhe mene enu Tertulus inom o Kaisarea wagaukwa. Wagaukwasik he, ap kain gubernur Feliks a'nogoba kwisukwasik, wene Paulus oba fouwogeluk yagatukwa.

KISAH PARA RASUL 24:5

Ap yi nen he, afuni weagerinabik nugunem, obabut palho. It afuni ap Nasaret mene a'nogo ombo'ne lili'lagwi mene inoe kain logolik he, afuni Yahudi mene o yi awi ti awi welagaikharek mene mondogat inendawimo kagalik nikho.

2 KORINTUS 11:13

It andi re, Kristus nen inayonggo fuluk lakfisa wagaikhe mene fuk. We, aren lakfisa wagarek mene hak hilingisogo we'luk afuni lalinabi'lagwi mene aro.

2 KORINTUS 4:2

Nit he, afuni nen yi mene ti mene hinagaisogo weak hilingitaresik inenggali agarek andi mene herakfisasugu. A'nogo herakfisaluk, afuni lalinafik, Allah ane wene ekhe mene oba mangorogo yagaisigik, ogorek lek. Afuni yoma inendawimo lombogen futninobagauwageluk he, wene ebe wene Allah eilhanem fakhogoat yagaisilik nikhi lago.

WAHYU 12:10

A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.

1 SAMUEL 22:9

A'nogo yagaisasikhe sambul andi re, at Doeg hun Saul anggo halharek mene inoe kepala a'nogo ogo re, it Saul agoromi sikhe fisogo mene inogogwi perwira omanogo inom andem welagaikhe. At Doeg a'nogo nen ikhi logolik he, ”An hamingmingengge nen he Daud a'nogo hun Ahimelekh Ahitub amlogo awi Nob mene a'nogo ambit wagunem higi o.