MAZMUR 52:1 - Allah Wene Fano Wene Hupla Inane

¹ Afuni nen wuni wulak fuluk inebe seberogo ugunem yanggulinafu mene faget, at Daud en yanggulinafikhe awuni.

MAZMUR 52:1 ပူးပေါင်းရင်းမြစ်များ

MAZMUR 10:7

A'nogo anggikhi logolik he, iren afuni homan fisigik, inailo mene kwelafik, ineranen wene lalinafik, agarek. It inane agarek mene andoma re mondok weak mene afuni inoba wusu fuk mene nek agarek.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 107:1

Tuhan obabut fano andi nen, hai wati logouwogo o. Aren endawitninafu mondok welagarek andi nen, fogeratu mondok logouwogo.

MAZMUR 54:3

Neisena Allah, Hat homameba an nagap telnabin o, nen Hat hareagun lebetnikhi lagen mene andiba re an nawene katokhogo palnabin o.

MAZMUR 59:7

O hu'mo asi lagunem he it omanogo nekhengge lagokhogo we'luk, o kota kwe omanogo maserik nikhi logolik he mene nen hakhogo kouwarik nikho.

MAZMUR 94:4

Iren he inaneba mondok weak mene nek wulabi wagik, nen iren weak hilingiri'lagwi mene a'nogo faget foget fakhigik hilingitu werek.

KELUARAN 22:9

Wam sapi hea, keledai hea, domba hea athe su labetu mene hea, longgo ugunem herasugun mene faget inane sagalek pilili ikhi logolik halok he, ap ekhe nen andi an nangge iluk igin mene andi re hondo'luk he, wene kabogetunem omanogo fisa waga logogun. Fisa wagunem Allah nen ikhi logolik: ’Ap yi nen weak hilingite,’ igin mene andi re, aren onggo altap pireba angge eisewerek mene a'nogo wogeti logogin.

AMSAL 6:14

At endawimo wenggelherek mene ero mondogat fili agaresik, aren wene weak mene felalogo fikhi logolik werek andiba yikwe tikwe omanogo yei wene nek palharek.

YESAYA 59:4

Hiren wene ero lek kwelek hinane hokho a'luk katokhogo hilingiti'legengge aiyo wurogo eneti lagep. Hiren he, hineranhogo wene ikhi logolik, ebe lek mene omanogoba himbirik welagep, hiren ap amu mene alomarogo fisogoin iluk wenggelogo figik, hinaniniba nek hilingitik, hilingitu welagep.

YEREMIA 41:4

Inenggi ekhe ombo'ne meneba re at Gedalya wata mene a'nogo afuni nen inelu agi'lek werek kwelek he,

YEREMIA 9:8

It inane ili'lagwi mene re tok wei lambelegengge nen ap inoaterek hak ugunem he, inali'lip mondok ambik. It inambelema nen wiliferek mene re ineranhogo wene nek hoporek. It inane ugunem he mit-mirengge hilingi'mo ap endawinggen literek, oba nen inonggwaregen hele yebet fakhagarek oba nen hilingik.

MIKHA 7:3

It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.

ROMA 1:30

weinam igik, Allah ebe inabit welagik, inawulagam weak hilingitik, inonggwaregen fogerakhigik, sewirakhigik, weak hilingisuogeluk inambelal weak felalhik, ineisena inagaisa inane holhi'lek hilingitik, agarek andi.

2 TIMOTIUS 3:2

Afuni inendawinggen tulem he, inonggwarek inebe faget inom, uang faget inom, esinet figik, inonggwaregen fogerakhigik, sewirakhigik, inane puk weak wenagisigik, ineisugwi inagaisawi inane holhi'lek herakfisigik, hai warinafi'lek inobabut lagi-lagorek hilingitik, Allah faget hilingiti'lek inabit welagik,

1 SAMUEL 21:7

(A'nogo hilingitunem fanoasuak andem sambul he at hun Doeg awi Edom agun andi it at Saul en anggo konharek mene inoe a'nogo aren afuni nen wene melalek oba hilingiti logolik obaget hilingitu aple hilingisigin iluk wagaikhesik andoma welagaikhe.)