MAZMUR 51:7 - Allah Wene Fano Wene Hupla Inane

⁷ Eberogo nenat he an nagaisa alabutmo nenat weak ero noba agaikhemo re, nobabut weagat ta'nafikhe o.

MAZMUR 51:7 ပူးပေါင်းရင်းမြစ်များ

AYUB 14:4

Afuni weak hilingitarek mene nen fano katokhogo ekhe hilingitarek nogo? Mondok elo'lego.

MAZMUR 58:4

Ap weak hilingitarek mene andi re it inebe inagaisawi inalabutmo ta'lagaukwa huli nen inebe mondogat nonghong agarek, nen it he inebe ta'lagaikha huli nen he ineranen wene nek agarek.

KELUARAN 12:22

Wani laluk warogo re, amep loyang elema keralogo fuluk he, musan hangge mene enu hisop engga misigenek keralek mene mep andiba yugul haluk he, kwe esanggo fena-fena e telogo liabek meneba watik, e nunggulik mene kwe ambe ambolkwe meneba watik, ino o. A'nogo hilingfuluk hubanggo o wei igi'lek werek kwelek hit ekhe hinaiba andoma nen wulibugun mondok lego.

YESAYA 1:18

Tuhan en ikhi logolik he, ”Hit weak hilingitu mene hinenggiba mep yuguli'mo unggum hinoba werek oba nen ogore An nen sue yanggwi esi eil kut andi higit pugunet hinobagagin o, nen hiren weak hokhorogo hilingitik, enggin mene hinoba welagik, hilingik welagep oba nen ogore, An nen mondogat sagalogo legetfisagain aro. Ma re, wene hinoba werek mene andi An nen korogo wokhagain enggere noba we'ni o.

YOHANES 13:9

at Simon Petrus nen he, mel yagatikhe: ”Andi halok he, noe. Neisok ebene nek sobalnafun o. Nenggi inom, nunggul ebenebinom, mondogat sobalnabin o,” iluk yagatikhemo re,

IBRANI 9:19

Allah nen, ”Yi'nogo hilingisugun, ti'nogo hilingisugun,” iluk, komotninafikhe wene andi mondogat, at Musa nen it afuni Israel mene yagaisasikhesik he, hobuk sapi amep inom, kambing amep inom, i inom mulelogo nanggelek-hanggelek fesukwasigen, domba esi elokhonggen mep hangge mene esunggwat wurep oba folokhogo fesukwasik, musan engga mep watarek andi hak, mep yugulogo Allah nen wene komotninafikhe wene lisu palek andiba watfigik, afuni Israel mene inebene kweisalfigik, watfisigik, isikhe.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.