MAZMUR 51:16 - Allah Wene Fano Wene Hupla Inane

¹⁶ Neisena Allah telnafendek mene, an nendawimo nagaiyek hikhi logolik, haren higithogo hilingiti lagen wene andi, an nen yagaisilik laga logoigen he, noati'lek heraknobagain o.

MAZMUR 51:16 ပူးပေါင်းရင်းမြစ်များ

2 SAMUEL 12:9

Mene re, an nen, yi'nogo hilingi'no, ti'nogo hilingi'no, iluk yagaheti lagi mene andi, nane hendawimo seramet fegendik an neilhanem weak hilingiten andi nenahalok? Nenahalok haren weak mene andi hilingiten? At Uria a'nogo re aben weim ambisangma nen wasuageluk miminginafen. Haren he at agwe helikhi logolik he at ebere ap Amon mene nen wasuageluk herakfisegen andi!

MAZMUR 40:6

Tuhan neisena, Haren elalin mene hokhorogo hilingninafi lagen. Neisena Tuhan Allah, Hat hinom higit mene re ekhe werek lego. Haren yi'nogo ti'nogo elalin mene nit faget hilingninobagagin mene mondok hokhorogo melalogo fegenma werek. Niren wene andoma mondogat pilingisumo re, elo'lego.

MAZMUR 50:8

Hiren yi mene ti mene waluk we'luk noli waga lagep mene andi faget An nen hinoba hikhip hisikhi lagi fuk, lego, hiren waluk noli wagalagep mene andoma re hundik-hundik An nelokhoma fikhi lagep mene mondogat werek hilingi'mo re,

MAZMUR 51:6

Hat hane sagalogo weak hilingiti o, Hane sagalogo figirik Hat helokhoma weak hilingiti o. Hat hendawimo weak anggikhi lagen meneat, heilhanem weak hilingitimo aro. Haren wene noba fegen andi re, fou higit obaat noba fegen o.

MAZMUR 71:15

Haren katokhogo nek hilingiti lagen mene faget inom, inenggi wenasu elo'lekhogo telninafi lagen mene faget inom, an nen linggene inukhogo tindelhu mondok welagirego.

KELUARAN 21:14

Oba nen he, ap misik ekhe nen endawimo heren ailo asimek eranen ap ekhe watfembik oba nen, ebe telagain iluk mezbah An faget hilingiri'lagwi mene a'nogoba lagain oba nen he, andoma nen lisogo wulak fembik ebe pinggi wasugun fano.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 21:27

Tuhan he afuni weak hilingitarek mene nen At obaget fagarek mene andi re apsiri inoba fikherek, ap andi endawimo nen weagasuak anggikhi logolik hilingisigin halok andi re ebenagaik.

YEREMIA 7:27

Andi nen Tuhan nen ikhi logolik, ”Ariginik enggere Yeremia ahwi, haren mondogat andoma re An nagainafuri inoba yagaisikhi logogin oba nen he iren hat hane yagaisikhi lagen mene andoma futfikhi logogun lego. Nen, haren it wolinafi logogin oba nen he iren inane onggo ikhi logogun legaro.

HOSEA 6:6

Hiren wam, yi mene ti mene An nobaget warogo nolneti lagep andi nabit hangge. Oba nen he, An nebe tukhumhogo hinelu agik, hinendawinggen hundik mondok welagik, ikhi logogun andi nek he, an namolo re andi o,” iluk yagaisasikhe.

BILANGAN 15:27

We ap misik ekhe nen wenggelek le'ma nen ferekhogo weak hilingitu halok he, at andi aweak lek hilingisogo fugu mene faget he kambing helou mene misik ekhe umur satu tahun oba mene halok warogo fikhi logogin.

BILANGAN 35:31

Ap ekhe nen ap wasigin mene andi re at ebe pinggi wasugun. Aren unggum wanigin mene andi re uang oba onggo palogo agap teligin lek.

ULANGAN 22:22

Ap misik ekhe nen ogo ap amu mene agwe inom hilingitunem isaga halok he, iren hilingisugun onggo inebe pirenet pinggi inoasugun. Hiren a'nogo hilingisugun andiba re weak mene a'nogo leget fisogoin andi.

1 SAMUEL 15:22

A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.