MAZMUR 51:14 - Allah Wene Fano Wene Hupla Inane

¹⁴ Attak telnafiginmo nendawimo nagaiyek hikhi lagagi mene, yogondak nendawimo weak welagi yi nambotkwe fano hilingisogo nobagain o. An nendawimo nagaiyek oba, hane hologo hilingiti logoigen he, nobabut ket mene hilingisogo nobagain o.

MAZMUR 51:14 ပူးပေါင်းရင်းမြစ်များ

KEJADIAN 42:22

Andi isukwama at Ruben a'nogo nen ikhi logolik: ”An nen attak aremnogo abo andiba wene yi'nogo ti'nogo hilingisugun lek iluk yagahisasigi oba nen he, hit an nane holhi'legengge hilingitigip a'nogo re yogondak nit ninagot wasugun iluk isugu a'nogo nen wene ninoba fili'lago ari,” isikhe.

KEJADIAN 9:6

Nen, afuni inebe re, An nebe hangge elalinafigi andi nen he, afuni inoasugun mene andi, it afuni ekhe nen it inoasugun aro.

2 SAMUEL 12:9

Mene re, an nen, yi'nogo hilingi'no, ti'nogo hilingi'no, iluk yagaheti lagi mene andi, nane hendawimo seramet fegendik an neilhanem weak hilingiten andi nenahalok? Nenahalok haren weak mene andi hilingiten? At Uria a'nogo re aben weim ambisangma nen wasuageluk miminginafen. Haren he at agwe helikhi logolik he at ebere ap Amon mene nen wasuageluk herakfisegen andi!

2 SAMUEL 21:1

At Daud ebe raja logolik ferinarek were'ma andem he sumburu ouwak mondok elo'lekhogo lagasikhesik tahun henagan inukhogo welagaikhe. A'nogo hilingik were'ma re at Daud en he a'nogo agaikhe mene andi faget Tuhan nen yi'nogo ti'nogo yaganesuageluk kinotikhemo, At Tuhan nen ikhi logolik he, ”Sumburu ouwak lagaikhe andi erore at Saul inom at eisok erokwe mene inom weak hilingitaba o, iren he ap Gibeon mene mondogat inoata andi nen,” iluk yagatikhe.

2 SAMUEL 3:28

Aringinhukwa mene a'nogo at Daud esanggo holhikhesik he, aren ikhi logolik, ”An inom, it an nagainafuri halinafi lagi mene inom, Abner warek andi faget niren weak mene hilingito legenggere we At Tuhan mondogat elu o.

EZRA 9:13

Nineisena Allah, niren Hat Hawene melalek a'nogo sagalogo herakfuluk hilingiti logolik, nit mondogat weak hilingitunem, Haren wene ninoba fegen. Oba nen he nineisena, wene ninoba fegen mene andi re niren wanu aple andi re mondok hogoenggin oba nen he we horok serogo ninoba fegendigen nit ninagap telogo ninobagegen mene andi ninelurek.

NEHEMIA 9:33

Niren weak mondok hilingitu kwelek meneat he, hat hebe ninoba lombokhogo mondok logolik, nit weak hilingitorek mene faget higithogoat wene ninoba figik, kotik, egendek andi.

MAZMUR 25:5

An nebe Hat hendawimo anggikhi lagen mene higithogo nek hilingiti logouwageluk yaganetik, yanggulnafik, in o. Allah an nebe telnafi lagen mene re we Hat hamu welagenma re, an nen Hat hoba nek nendawinggen eberek mondok welagi o.

MAZMUR 26:9

An he it afuni weak hilingiri'lagwi mene ninom ambine noasu fuk, nen it afuni inenggi nen inamep wulagaisogo inoatarek mene andoma ninom nareagun wo'nabu fuk.

MAZMUR 35:28

Andiba re an nen Haren katokhogo nek hilingiti lagen mene omanogo faget fagesi lagik, nen lingge inukhogo Harenek fogethafu welagik, ikhi logogin o,” iluk samban isikhe.

MAZMUR 38:22

Tuhan neisena, an nobagaluk la fugo, neisena Allah an welagiba yoma nen Hat hebe yatma asi la fugo.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

MAZMUR 68:20

At Allah andi re nit telninaferek mene hilingi'mo re, Tuhan andi nek fogerati logouwok! yi sambul ti sambul andoma re nit ninoba enggin werek mene omanogo hatu mondok werek.

MAZMUR 88:1

Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

YEHEZKIEL 33:8

An nen yagaisikhi logolik ap kwanirogo hilingiri'lagwi mene andoma hobuk wa'lasugun ili'lagwi oba nen, haren at obabut agaum esi laga logolik agap teluageluk yagati'le'ma at wa'lasigin halok, at aweak elekwe wa'lasigin. Oba nen he at wa'lasigin mene andi faget he An nen hat hoba onggo kino igin.

DANIEL 9:16

Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

DANIEL 9:7

A'nogo hilingiti lagagu andiba, Haren higithogoat hilingninafendek meneat he, nit ninebe afuni Israel mene mondogat, o yogondak ninenggali hikhi lago yi o. Afuni o Yehuda mene inom, Yerusalem mene inom, nit ninebe Hat hoba lombokhogo welagi'lek hilingiti lagagu andiba, Haren pugulogo o yatkwe la'ninobagai wagaginmo o ekhema-ekhema welago mene ninomat ninenggali hikhi lago, neisena.

HOSEA 4:2

Iren hilingiti logogun anggaluk hombuk pali'lagwi oba nen, ili'lagwi mene higithogo hilingiri'lagwi mondok lek, it he ineranen wene igik, ap inoatik, yogot wanhik, pabi lagik, hilingitunem weak mene omanogo ekhe inom hilinglarik laga logolik, ap watu aple nek ekhe inom inoarik lagu mondok werek.

HABAKUK 3:18

an telnaferek mene re neisena Tuhan Allah werego, iluk, nendawimo nagaiyek hikhi logolik wuniba Allah fogerati logogin.

KISAH PARA RASUL 18:6

A'nogo yagaisugunem iren he, ”Weak ikhi lagen o,” iluk abok weak palhi lagaukwama re, at Paulus nen he, ”An wene noba lego,” iluk u hak, asu endakwe mene ololong horogo pelakfisikhi logolik he, mel yagaisasikhe: ”Hit hinonggwaregen nong akhegep halok he, hinoba lombogo. An noba lego. Huli yogondak huli nen, an afuni endakwe mene wene yagaisa lagain o,” iluk yagaisasikhesik,

KISAH PARA RASUL 20:26

A'nogo Allah endawimo anggasikhe wene andi, an nendawimo kamo igi'lek mondogat fakhogo yagahisigi andi nen, hit ekhe hobuk nongagep halok he, wene an noba lego, iluk yagahisigi.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.