MAZMUR 51:13 - Allah Wene Fano Wene Hupla Inane

¹³ Hat hareagun fano horek mene an nendawimo werek mene andi wulakfisigik, Nen Hat hebe an heraknobagaluk lagik ugun o.

MAZMUR 51:13 ပူးပေါင်းရင်းမြစ်များ

2 RAJA-RAJA 17:18

andiba re, Tuhan a'makwe mondok het-pet isikhesik it inoba ekhe ebeti lagaikhe lek. Aren it inanggweang wogisasikhe mene omanogoba nen waganogo huginabi lagaikhemo re we afuni inunggul enu Yehuda mene nek he andoma welagaukwa.

2 RAJA-RAJA 17:20

Andiba re Tuhan nen it afuni Israel mene inebe mondogat he At againafuri mene iluk anggikhi lagaikhe lek. Aren it inoba wene fuluk ap it inaselei mene inanini mondok mene inenggiba fisikhi lagaikhe. Aren it inoba ebeti'lek enggere kweang it inebe logouwageluk wogisasikheba omanogo nen waganogo huginabi lagaikhe.

2 RAJA-RAJA 17:23

andiba ambisangma re Tuhan en it ekhe halfisikhi lagaikhe mondok lek. Aren he it inebe kweang wogisasikhe mene omanogoba nen huginabi lagaikhe. A'nogo hilingitikhe andi re At Tuhan nen wene futfouwageluk amingmingengge nabi bene nen yagaisikhi lagaikhe mene a'nogo higithogo hilingitikhe andi. A'nogo hilingitikhemo re, afuni Asyur mene nen it Israel mene huginabi lagunem omanogo woginapluk lagaukwama re o yogondak huli nen ogo andoma werek.

MAZMUR 19:7

Pogot eroma nen yarik-yarik pogot elugunmo lagarek. yi mene ti mene mo oba kwikherek lek mene ekhe werek lek, mondogat oba kwikherek enek, iluk wuni watikhe.

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

MAZMUR 25:4

Tuhan neisena, Hat hendawimo anggikhi lagen mene andi re an noba inuk nean o, an nen hilingisigin mene andi re Haren weinamet fein o.

MAZMUR 25:8

At Tuhan andi obabut he fano logolik higithogo nek hilingiterek mene hilingi'mo re, afuni inendawinggen nonghong ugunem, kwe logoinkwe yagaisikherek.

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

YESAYA 2:3

A'nogo waga logolik iren he mel ikhi logogun, ”Nit he afuni Israel mene nineisena Tuhan Allah awi wuri'mo, louwogen we'ni o. At Tuhan ebe Andom Sion oba awi kota Yerusalem logolik, ane ili'logo andi nen he Aren nit komotninafunem he niren At ane furogo hologo hilingitu mene faget yanggul ninabuakhogo re louwogen we'ni o,” iluk ikhi logogun.

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

YEREMIA 31:18

Hobuk an nesanggo holhunemen he afuni Israel mene re inendawimo heiselogo, inane ikhi logolik he, ”Tuhan nineisena, nit he wam maro eil oan wati'lek mene hangge hilingik welagagu o, oba nen he niren futfuluk hilingisuageluk he Haren yaganisasigin, nen yogondak he nit sugulogo Hat hoba wesuogeluk hilingiti lago, nineisena. Ma re, Tuhan Allah nineisena, Haren nit nekhengge wo'ninabin o.

MATIUS 18:3

”Hit afuni yi re, hinebe hebelasimbik hinobabut yenggerugwi yi inobabut hangge hilinglasugun lek halok he, Allah nen awe a'ma fisikhere'ma andoma kugun mondok lego, iluk eberogoat yagahisigi.

LUKAS 22:32

hat hendawinggen noba himbiret fuluk welagen mene andi maben asinogo iluk he, hat faget an Allah ayonggo arat figimo o. Hafe hebelagen halok he, hagaila'lak yoma haren inendawinggen ago watfisikhi logoino,” iluk yagatikhe.

KISAH PARA RASUL 13:10

mel yagatikhe: ”Hat hebe Iblis amlogo o. Afuni lalinafik, nongerinafik, ugu mondok logolik, yi mene ti mene higit hilingisuogeluk ugunem he, haren legetfisageluk hilingitu mondok welagen yi ri! Tuhan Allah nen, afuni telninabigeluk kwe higithogo yakninobagasikhe mene, haren kamo igi'lek weaget inobagaigeluk ugu mondok welagen andi nahalok.

KISAH PARA RASUL 15:3

It Allah againafuri nen a'nogo isukwasik lakfisasukwama re, o andoma nen he, Fenisia nen, Samaria nen, laga logolik he, mel yagaisilik lagaukwa: ”It afuni endakwe mene inobabut hebelarik inelokhe Allah wogotama o,” iluk yagaisilik lagunem, it Allah againafuri andoma mene inendawimo inagaiyek hokhorogoat agaukwa.

KISAH PARA RASUL 3:19

Andi nen he, hit weak hilingiti lagep mene andi, nineisena Tuhan Allah nen sebelogo legetfisaluk, hinendawinggen faget hineilenggen fanorogo hilinghinabi wagik, aren he, Kristus hinebe telhinaferek mene hinoba lakfei wesigin, iluk wene warisasikhe a'nogo ebe Yesus andiat hinoba hobuk lakfei wagik, uagen he, hinobabut hebelasimbik hinelokhe Allah wogo'no o.