MAZMUR 51:11 - Allah Wene Fano Wene Hupla Inane

¹¹ An weak hilingiti mene andi faget Hat helokhe kwanirogo logogun o. Yi weak ti weak hilingiti lagi mene andi re, sebelogo legetfisaluk horogo nobagain o.

MAZMUR 51:11 ပူးပေါင်းရင်းမြစ်များ

KEJADIAN 4:14

An Hat helokhoma yoma nen o yatmaat laknobagagin andi re, an nanggweang yoma legen a, heise o yi awi ti awi lagunem, afuni ekhe ninom ambi a'luk nebe noasugun andi mondok lego, neisena,” iluk yagatikhe.

KEJADIAN 6:3

A'nogo woginafukwama, At Tuhan Allah nen ikhi logolik, ”It afuni andi inebe ineluk mondok logogun andi re nabit. Inebe we elama mene hilingi'mo, wa'lasugun nen werek. Andi halok he yogondak huli nen he inebe ineluk uanhogo ekhe logogun lek, we umur 120 tahun huli nek logogun,” iluk isikhe.

2 SAMUEL 7:15

A'nogo meneat he, An nen, yi'nogo hilinghinafu logogin, iluk wene watheti andi hagat, at andi fanotfugu mondok logogin o. At faget wene watheti mene andi, at Saul menhobagagi raja were'ma An nen at futfuluk hat hebe raja logoinogoluk menfagagi andi hak hilingisigin mondok lego. We, nenggi ninghogo fisogo logogin o.

2 RAJA-RAJA 13:23

Oba nen he Tuhan en At againafuri inobaget endawi hundigen endawirinafikhesik, Aren wene it Abraham inom Ishak inom Yakub inom inoba warisasikhe mene a'nogo ebethikhi logolik a'luk he Aren it inebe mondogat leget fisoageluk herakfisasikhe lek, oba nen he, leberisagain iluk hilingitikhesik yogondak huli nen inom Aren againafuri inoba onggorari'logo mondok lek.

2 RAJA-RAJA 23:27

Andi nen he At Tuhan nen ikhi logolik mel yagaisasikhe: ”An nen it afuni Israel mene wene inoba figi andi hak, hit Yehuda mene ogo a'nogo hinoba fagain aro. Hinoba a'nogo fikhi logolik he, afuni Yehuda mene re An nen hit hinaiba wokhisasigiba yoma nen hukhinabi lagain o. Nen, An nen hit yagahisikhi logolik he, o Yerusalem yi An nobaget hilingiti logogun oba o, iluk nonggwaregen wenagaisogo fakhasigi mene inom, An nawi wurik yi inom, herakfisagain aro,” iluk yagaisasikhe.

2 RAJA-RAJA 24:20

It afuni Yerusalem welagaukwa mene inom, Yehuda welagaukwa mene inom, Tuhan a'mage inoba fikhi lagaikhe andi nen, Aren it faget ekhe ebeti lagaikhe lek andi.

MAZMUR 43:2

Neisena Allah, hawe a'ma fetnarek welagen mene, nenahalok haren herak nobagakhi lagen? An naselei mene nen he, yi enggin ti enggin noba fugunem, nendawimo le agu logouwagaluk, nenahalok it inenggiba nobagakhi lagen?

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

MAZMUR 71:9

It naselei mene nen nabok palhu welagik, nen an nebe noasuogeluk inane seberogo mati logolik werek enggere, An nebe yaman agi halok he, neisena Haren hu'nea fugo, nen nomame mondogat legagi halok he an nebe oboget nea fugaro.

YEREMIA 7:15

An nen hit hinagaila'lak hinerugwi Israel mene mugusogo wulaginafigi hak, hit ogo An nelokhoma nen mugusogo wulak hinobagagin aro,” iluk ikhe o, isikhe.

LUKAS 11:13

Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.

ROMA 8:9

A'nogo meneat he, hit enek he, Allah Areagun eberogoat hinendawimo werek halok he, hinobabut afuni inobabut inetogat logolik hilingitarek hak hilingiti'lek. We, Allah Areagun obabut waganogo hilingiti lagep andi. Nen, sa nen Kristus Areagun endawimo lek halok he, at andi ebe Kristus mene lego.

EFESUS 4:30

Allah nen hobuk hinebe fanothinabigeluk attagat Areagun wokhisasikhemo hinendawimo werek andi nen endawimo weagetfugubo.

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.

HAKIM–HAKIM 13:25

A'nogo werek kwelek, at ebe afuni inunggulenu Dan mene inaiba tenda meneba salogo o kota Zora honggolek, Esytaol honggolek, tulem andoma were'ma, At Tuhan Areagun nen omalik a'nogo omamet fikhi lagaikhe.

HAKIM–HAKIM 15:14

At Simson ebe a'nogo hele homagaisogo waluk o Lehi wagaukwama, afuni Filisitin mene at oba kwikhi logolik, inane a'mit sup isukwasik kwisukwa. A'nogo kwisukwama, aremnogoat Tuhan omame at Simson wogotikhemo omame agaikhesik, enggi hele homatukwa mene a'nogo hele, we, halinonggo mene hakhogo tekhogo lagaikhe.

HAKIM–HAKIM 16:20

A'nogo hilingfuluk ane hokhoba re, ”Simson! ap Filistin mene wagaikha o,” iluk isikhemo, at Simson menlagaikhesik Tuhan nen at herak fesikhe a'nogo onggothogo re endawimo nen enek he, an nen attak hilingiti aremnogo hakhogo wulibigin anggasikhe.

1 SAMUEL 10:10

A'nogo hilinglagaikhe andi, at Saul amingmingengge a'nogo emberek o Gibea wagaukwa hak he, it ap Allah ane yagaisagarek mene esa logalek a'nogo inom ambi agaukwa. A'nogo ambi agunem, Allah Areagun at Saul endawimo peterogo kwisikhesik, it ap Allah ane yagaisagarek mene inom inane ami'mit suphogo wuni lagik-wagik watukwa.

1 SAMUEL 16:14

At Saul Allah Areagun nen herakfisaluk wulifikhemo re, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, oba yi enggin ti enggin hugu mondok welagaikhe.