MAZMUR 50:7 - Allah Wene Fano Wene Hupla Inane

⁷ Yago, hit An nagainafuri mene yi sani, An nane ikhi lagi mene hinesanggo fanorogo holini o, Hit Israel hinap yi hineilhanem fageti logolik he, Hit hineisena Allah re An nebe aro, An he hit hineisena Allah welagi.

MAZMUR 50:7 ပူးပေါင်းရင်းမြစ်များ

1RAJA-RAJA 18:39

A'nogo nunggunem, afuni omanogo ineilenggen hasukwasik he, inailo nen inebe kweangma si-sogoum isukwasik, mel isukwa: ”Tuhan andi re Allah eberogo mene o. Tuhan andi re Allah eberogo mene o,” iluk fogeratukwa.

2 RAJA-RAJA 17:13

It a'nogo nek hilingitunem en he Tuhan en ap nabi bene nen Allah aneba yagaisugunem ikhi lagaukwa mene inom, wene afuni Israel mene inom Yehuda mene inom inoba lakfei waga logolik yi'nogo yagaisasikhe, ”Hiren weak mondok hilingiti lagep andi herakfisambik he, An nen namingmingengge nabi bene wene melalek inom, yi'nogo hilingiti logoino ti'nogo hilingiti logoino iluk inom hit hinombawi yagaisasigi mene andoma hologo mondok hilingiti logoino o,” iluk yagaisasikhe.

2 TAWARIKH 28:5

It afuni Yehuda mene nen he Tuhan awene melalek a'nogo fut figi'lek engge hilingitik, it inambu inombalak ineisena Tuhan Allah a'nogo herakfuluk hilingitik, hilingitu aple nen he, At Tuhan nen hun Pekah Ramalya amlogo raja Israel mene a'nogo nen mabenet fisoageluk eilenggen fesikhemo re, linggene misik sambul enek he, tentara Yehuda inap inailo mondok lek mene nek inebe 120.000 nen mene inoatukwa. Nen at raja Ahas a'nogo re weak mondok kwanirek mene nek hilingitu nen he, raja Siria mene nen mabenet fouwageluk Tuhan nen herakfesikhemo re, at a'nogo mebenet fuluk he afuni Yehuda mene mondok hokho-pokhorogo tok ambisangma mene iluk felelenghogo woginarek he o Damsyik lagaukwa.

MAZMUR 49:1

It ekhe nen wuni wati logouwagaluk Ap Korah werekwe mene nen wuni felalogo watukwa wuni.

MAZMUR 81:8

Hat hebe mondok wiik-weakhogo logolik hane kwetu were'ma re, An nenat hagap telogo hobagasigi. An nebe hinago welagirek oba nen he unggunggu subukhogo hane onggo yagahetigi aro, nen i Meriba elesimo aremnogo nen he An nenat hat hobabut palheasigi.

MAZMUR 81:9

Hit Israel hinap yi, An nen yagahisikhi lagi mene yi hinesanggo holugun hinamolo halok he fanorogo holini o. Yago hit An nagainafuri mene re, An nen hinendawi wenggelogo iluk yagahisikhi lagi mene yi hinesanggo holini o!

YESAYA 1:18

Tuhan en ikhi logolik he, ”Hit weak hilingitu mene hinenggiba mep yuguli'mo unggum hinoba werek oba nen ogore An nen sue yanggwi esi eil kut andi higit pugunet hinobagagin o, nen hiren weak hokhorogo hilingitik, enggin mene hinoba welagik, hilingik welagep oba nen ogore, An nen mondogat sagalogo legetfisagain aro. Ma re, wene hinoba werek mene andi An nen korogo wokhagain enggere noba we'ni o.

YEREMIA 2:9

Tuhan nen a'nogo ikhesik, wene ekhe againafuri faget mel ikhe: ”Yogondak he An nen wene hit hinoba ekhe fikhi lagi o. Nen hiren tagomangge mene hinombalak andoma inom wene inoba mene ayo wurinabigin aro.

YEHEZKIEL 20:5

An nen yagaheti lagi mene yi re it inoba yagaisan. An nen Israel mene wenaginafigisik, it faget hombuk palogo legeisogo fisasigi. O Mesir en he An nebe it inoba weinam agagisik nane it inoba yagaisikhi logolik, ”Hit hineisena Tuhan Allah re An aro,” iluk yagaisasigi.

YEHEZKIEL 20:7

An nen it inandugwi kembu elalhigik werek mene mondogat hebak nafe mene omanogoba nen inagaiyekhogo hilingiri'lagwi mene omanogo hugisoageluk yagaisasigi, nen ekhe re An nebe it ineisena Tuhan Allah welagimo re, iren kembu Mesir mene fogerati logolik inebe emetfakhaga hanogo, iluk yagaisasigi.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.