MAZMUR 50:6 - Allah Wene Fano Wene Hupla Inane

⁶ Pogoren fageti logolik he, At Allah ebe afuni wene inoba figik kotik ugu mene logolik, Aren it againafuri omanogo inawene katokhogo tegeterek.

MAZMUR 50:6 ပူးပေါင်းရင်းမြစ်များ

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

MAZMUR 75:7

Afuni inawene pilingisogo ayo wurinafu mene andi re abel timur fikhiren ogo barat fikhiren ogo, selatan fikhiren ogo wesigin lek enggere.

MAZMUR 89:5

Hat hebe kain henupogot logolik ferinarek logogin oba andi re, inenggi mondok-mondok andoma faget An nen nenggi omamerogo fisogo logogin o, nen mo lagagik-pigik andomaba re hat hagainafuri tagomangge mene nen ferinarek logogun,” iluk yagati, isigin a'nogo.

MAZMUR 9:16

Yi afuni ti afuni inunggulenu lombok Hat hebe inonggot mene re, it inonggwaregen kweang habul fakhagarek oba andoma pilagik, nen hele webet fakhagarek oba omanogo ke'nok igik, agarek.

MAZMUR 97:6

Pogoren he Aren katokhogo hilingiterek mene a'nogo faget fagetunem he, At Aselek welagarek mene a'nogo it afuni kweangma mene mondogaren ineilenggen hagarek.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

WAHYU 19:2

Haren wene inoba figik, kotik, Eberogoat enek egendek, Higithogo nek egendek a'nogo nen, Afuni o Babel mene inobabut, He yanani hilingirik nikherek mene hangge omanogo nen, Afuni o yi awi ti awi welagaikharek mene, Weak hilinginafarek andi nen, Wene inoba fegendik weagerinafen, Iren hamingmingengge mene inamep wulagaisogo inoatukwa mene faget, Inunggulmo inoaten andi nen, Fogethafi lago,” iluk wuni wati lagaikha.