MAZMUR 50:5 - Allah Wene Fano Wene Hupla Inane

⁵ Aren ikhi logolik he, ”It An nagainafuri mondogat ninom wene watugusik, wam warogo omameap etugu mene andoma mondogat andogerinabini o,” iluk ikherek.

MAZMUR 50:5 ပူးပေါင်းရင်းမြစ်များ

MAZMUR 30:4

Afuni wa'la'luk lagaikharek oba omanogo nen Harenat an ogalogo nobagakhi lagen, it afuni warek mene omanogo inanggele'ma nen Haren enek neluget nobagakhi lagen.

MAZMUR 97:10

At Tuhan nen he it afuni At againafuri mene omanogo At awea'ma ferinarek logolik werek, nen Aren he it andi afuni wene melalek sagalogo fuluk hilingitarek mene inenggimo nen lologo wulak fisikherek. Ariginik enggere, hit afuni Tuhan hinendawirogo welagep mene nen he, weak hilingitarek mene andi faget hinabiret fisikhi logoni o.

AMSAL 2:8

Tuhan nen he afuni higithogo hilingitarek mene ferinarek welagik, nen At oba inendawi hundik welagaikharek mene awe a'ma ferinarek welagik, ikherek.

YESAYA 13:3

Tuhan nen ap At obaget inomamerogo hilingisuageluk ap Aren wenagaisogo inayonggo fesikhe. It inebe andoma re inomame werek mene logolik inendawinggen pukse'ma re Aren ogo it faget agaiyek werek. Tuhan nen a'mage inoba fikherek mene andoma unggum inoba fuluk leget fisoageluk inayonggo fesikhe.

ZAKHARIA 14:5

Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

1 TESALONIKA 3:13

A'nogo hilinghinafi logombik he, ninoe Enupogot Yesus onggwarek agoromi inom at wagunem he, hinebe nineisena Allah onggwarek faget fisaluk, at eilhanem wene hinoba lek fano tegelek were'ma hisa wesuagen, hinendawinggen wurigethinafi logouwago.

2 TESALONIKA 2:1

Nerugwi nagaila'lak. Ninoe Enupogot Yesus Kristus ebe wesimbik he, at ninom misi'mo logouwogeluk andogetninabi wesigin andi faget, ekhe inom komothinabik.

IBRANI 12:24

Yogondak Allah nen nit ninom hunesuogeluk wene ket mene warogo wo'ninafikhesik, Yesus ebe wo'nisasikhemo hulisanem werek andi inom were'ma wagebo. Andi re, Habel oe nen watikhemo amep wene weak mene hilinglagaikhe mene andi oba wagep fuk. We, Yesus ebe watukwama amep oba legeisogo figik warogo fano wene hilinglagaikhe mene oba wagebo.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

YUDAS 1:14

Omanggum Adam huliba nen ta'larik waga lagaukwasik, huli 7 ba mene huli, at Henokh ta'lagaikhe mene nen, it afuni andi wene inoba fagain mene faget mel isikhe: ”Yethani. Ninoe Enupogot a'nogo nen agoromi at onggwaregen yonggo pelakfisa wagarek mene inebe mondok hokhorogoat woginarek pi wesigin o.