MAZMUR 50:3 - Allah Wene Fano Wene Hupla Inane

³ Nit nineisena Allah andi ebe waga logolik he At ane legengge wagarek lek, At waga logolik elokhoma re endu amulok kulung-kulung wagarek, nen sogoi sielu hokho mene re At ebe huli'liphogo wagarek.

MAZMUR 50:3 ပူးပေါင်းရင်းမြစ်များ

MAZMUR 48:14

Hiren tagomangge mene inoba tindelogo yagaisikhi logobagaigen he, leget pa'leget ebe waganek mene fanorogo futfigik, himbirengge hineilenggen fanorogo kogolhik, ino. Andi nen hiren yi'nogo ikhi logoino:

MAZMUR 50:21

Andi mene nek hilingitu welagep andiba re, An alokhogo welagi andi faget hiren anggikhi logolik he, At he nit ninom higit anggikhi lagep. Oba nen he, hit hilingik welagep mene faget yogondak An nen yagahisikhi lagi andi, nen andoma mondogat he hiren enek hobagaigiluk An nen weinamet fikhi lagi o.

MAZMUR 68:20

At Allah andi re nit telninaferek mene hilingi'mo re, Tuhan andi nek fogerati logouwok! yi sambul ti sambul andoma re nit ninoba enggin werek mene omanogo hatu mondok werek.

MAZMUR 83:1

Wuni misik ekhe hun Asaf Awuni re yi.

MAZMUR 96:13

At Tuhan ebe o kweangma melalinabigiluk wagunem, Aren he afuni kweangma werek mene katokhogo nek endawi fanoba inawene pilinget fuluk higithogo ayo wurinabigin o, isikhe.

KELUARAN 19:18

Were'ma, Tuhan ebe endu amuilok elema tom Sinai oba pi wagaikhe andi nen, tom Sinai oba mondogat he endu so'le nen salogo fesikhe. Endu so'le andi lei fatunem so'le mondok hokhorogo mon-mon lagaikherek andi hak lagakhi logolik, tom ebeet lang-fanget hasikhe.

YESAYA 35:4

Inendawinggen eak a'luk werek mene inoba yagaisikhi logolik he, ”Hit hineisena Allah nen he it selei mene unggum wogisagaluk wesigin o. Nen hit he telhinabigiluk wesigin, enggere hinendawinggen hambukhogo hinailo legengge logoni o,” iluk yagaisikhi logoino.

YEHEZKIEL 1:4

A'nogo nunggul legeisogo liakhasigi re, sogoi hokho mene o abel utara fikhiren funha waga laga. A'nogo funha wagunem he, ohena hokho logoumsek meneba nen, eilabut hobugalep yararet hugunem he, o pogot esanggo-esanggo mondogat lia-fiarogo hilinglagunem higi. Nen eilabut yararet hikhi laga mene andi ebe re endu hangge mene re, elonggoma re, elokhonggen tembaga hangge ombak-bak hokho mene were'ma hasigi.

DANIEL 7:10

Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.

IMAMAT 10:2

A'nogo hilingitukwama Tuhan nen ferekhogo it inebe noageluk lakfei wagaikhemo it aremnogo o Tuhan Awi Sabu sale'ma aremnogo nen wa'lagaukwa.

HABAKUK 3:5

Harenat, ou weak mene Hat helokhoma attak loageluk lakfigik, nen wa'lagaikharek mene hombo'ne wesuageluk hilingitik, ikhi lagenat.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

BILANGAN 16:35

A'nogo hilingitukwasik it ap inebe 250 nen a'nogo amben engge dupa nolhi lagaukwa mene omanogo Tuhan nen endu lakfei wagaikhemo endu nen nasikhe.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

ULANGAN 9:3

A'nogo meneat he, yogondak at nineisena Tuhan Allah ebe endu nen yi mene ti mene felelenghogo nilik lagarek andi hak, hinelokhoma attagat laga logolik it afuni andi mondok mabenetfisilik lagunem hineilenggen tomok hogoin aro. A'nogo mabenetfisilik lagunem, At nineisena Tuhan Allah nen, hobuk yi'nogo hilingisugun, iluk wene wathisasikhe higithogoat, hiren it afuni andi weak-weagat mugisigik legetfisigik, ugun o.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.