MAZMUR 50:23 - Allah Wene Fano Wene Hupla Inane

²³ Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

MAZMUR 50:23 ပူးပေါင်းရင်းမြစ်များ

MAZMUR 120:1

Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

MAZMUR 22:23

Haren hilingiti lagen mene andoma re an nen nerugwi nagaila'lak yagaisikhi logogin o. Hagainafuri andogorek were'ma andoma, an nen fogethafi logogin o.

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

MAZMUR 27:6

Nen yogondak he naselei mene nen nabel fena-fena hobet nea weri'lagwi mene omanogo inoba nen nomame agarik he, nendawimo nagaiyek oba lebetneegen iluk At Aiba andoma nen nane hokhorogo hai wati logolik he, wam warogo noleti logogin. Neisena Tuhan wuniba fogeratu logogin.

MAZMUR 34:5

An nailo hokho logolik, telnabuagaluk Tuhan ayonggo fugunem, Aren fano telnaferek.

MAZMUR 85:13

At Tuhan obabut fano nen hilingninobagagu halok he, andiba nit ninanggweang oba nen enggen ugu fano mene wo'nisikherek.

MAZMUR 85:9

Niren ninambotkwe sugulogo weak hilingisi lago lek halok he, hit hinendawi serogo logobagaigen hinobagagin iluk Aren nit againafuri ninoba wene watnisikhe. Arigini'mo an he, At nineisena Tuhan Allah ane ili'lago mene andi nek nesanggo holek logoile namolo welagi o.

MAZMUR 86:12

Tuhan Allah neisena, an nendawinggen abirenggeba nenat Hat hai wathafu mondok logogin, nen Hat henu hokho welagen mene andi faget fogethafu mondok logogin.

MAZMUR 86:9

Tuhan neisena, afuni yi inunggulenu ti inunggulenu Haren walhogo fisegen mene omanogo, Hat handungdang welagen mene andi faget foget hobagagik, hapne wanhik, hilingiti logogun nen waga logogun.

MAZMUR 91:16

An nen at ebe umur uanhogo wogotunem, at eluk ekhe inomat welagik, nen ebe telogo figik, ugunem ikhi logogin o,” iluk isikhe.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

KISAH PARA RASUL 11:14

Aren hat hebe inom, hoe hagot inom, hagainafuri inom, Allah nen telhinabuageluk, wene yagahisagain mene werego, iluk yaganete, iluk at Kornelius nen ikhe.

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

ROMA 15:9

nen, it afuni endakwe mene Allah nen endawirinafikhe andi nen fogeratik, uageluk, Yahudi mene inawe a'ma kwisikhe andi. Wene andi faget Allah aneba lisu yi'nogo iluk palek werek: ”Andi nen he, an it afuni endakwe mene inanggele'ma logolik, hat fogethafik, wuni wati logolik hapne wanhik, ikhi logogin o,” iluk isikhemo lisu palogo fesukwa.

GALATIA 1:24

A'nogo holhi logolik, an faget he, Allah fogerati lagaukwa.

GALATIA 6:16

An wene komorogo yagahisigi mene yi, higithogo hilingiti logogun mene halok. Allah nen he: ”An nagainafuri Israel mene aro,” iluk, arenat hinendawinggen hambukhogo hinobagagik, hinebe endawithinafik, ikhi logouwago.

FILIPI 1:27

Wene fano wene Kristus nen hilingitikhe wene a'nogoba: ”Yi'nogo hilingiti logoino o, ti'nogo hilingiti logoino o,” iluk yagahisagarek meneat hilingiti logoino o. A'nogo hilingiti logolik, hinebe lambulogo hilingiti logoumo, it afuni ekhe nen hinabok ikhi logolik he: ”It inobabut he, fano wene yagaisugunem holi'lagwi higithogoat inendawinggen Allah oba himbiret fuluk ninghogo mendek werego,” iluk, an nebe yatma were'ma yaganesugun hea? Hinoba wesimbik neilenggen hisagain hea? Wene Fano wene yagahisogorek hak, hinom lambulogo logolik, weim yafi logolik ninghogo yafarek hak, wene andi faget ninghogo hilingiti logoino.

YAKOBUS 3:13

Hit ekhe hinendawimo kagalek logolik, yi wene ti wene hokhoat hinelu halok he, afuni nen enegat futhinobagauwageluk hinobabut enago logolik, hinendawinggen kagalogo fanorogo hilingiti logoino o.

1 PETRUS 1:15

At Allah nen he, ”An nobabut weak hilingiti'lek tegelek mondok welagirek andi nen, hit ogo re, an faget hinobabut tegelek mondok logoino o,” iluk isikhemo lisu palogo fesukwa andi nen, hiren yi mene ti mene hilingiti logolik, hinobabut at Allah hinayonggo fesikhe mene obabut hanggeat tegelek mondok logolik hilingiti logoino o.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.