MAZMUR 50:22 - Allah Wene Fano Wene Hupla Inane

²² Hit Allah hinonggot a'luk hilingitu welagep mene andoma re futfakhikhi logoni o. An nen hit hinebe alomat hinobagagi hanogo re, it afuni ekhe mene nen hinagap telhinabugun lek hilingi'mo re, kagalek logoni o.

MAZMUR 50:22 ပူးပေါင်းရင်းမြစ်များ

2 SAMUEL 22:42

Iren inane kweri'lagwi mene at he, ap ekhe nen ogo leberisagarek legaro. Nen, iren Tuhan oba hombuk palharek mene at he, Aren onggo yagaisikherek legaro.

AYUB 10:7

An eberogo nen weak hilingiti'lek mene andi re, Hat he afe hebelek logoligenat a'nogo hilingnafi lagen. Nen an nebe Hat enggiba welagi mene yi ap ekhe nen telogo wo'nabu lek hak a'nogo re Harogo helurek.

AYUB 8:13

It afuni Tuhan inonggot engge werek mene andi re a'nogoat werek, aren Allah ba endawi eberek legengge hilingitu halok he, aren hilingisigin mene iluk endawimo wenggelogo hilingiterek mene a'nogo ogo sugwi asi lagarek.

MAZMUR 10:4

It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 7:2

Tuhan Allah neisena, an he, Hat hoba nagap telek welagimo re, it afuni an mu'narek mondok nikho mene oma inoba nen Haren fikhalogo wulak nobagagik, nagap telnafik, hilingnabin o, neisena.

MAZMUR 9:17

At Tuhan ebe weinam aga logolik he, Aren wene mondok katokhogo palherek andiba, it afuni weak hilingitarek mene re it inonggwaregen hilingituba ambisangma saburagarek.

MAZMUR 9:18

It afuni weak hilingitarek mene inom, yi afuni ti afuni inebe mondogat Allah ane sagalogo hilingitarek mene omanogo inom andoma re, it inebe wa'lagaikharek oba omanogo kugun oba arat horogasi wagama werek.

PENGKHOTBAH 7:14

Andi nen he hat hoba fano mene ekhe agu halok he hagaiyek anggikhi logoino. Oba nen hat enggin mene hoba agu halok he, fano mene inom weak mene inom andoma re Allah nenat wokheri'lago hilingi'mo re honggorasu fuk. Nit afuni re hobuk asigin mene andi re ninggi'nogo hilinglasigin iluk ninonggot welago hilingi'more.

YESAYA 51:13

Haren he Tuhan elalogo hobagaikhe mene oba inom, pogot tiaganet figik, kweang ubule warogo figik isikhe mene a'nogo oba inom honggoragendik hilingiti lagen nogo? Nenahalok hat he lingge inukhogo hoak leigeti logolik afuni inoba weak beakhogo hilingfisigik, inaniniba weagerinafik agarek mene omanogo inoba hailorinafi lagen nogo? Ibi-eberogo nen he iren ina'mage lagaluk hit hinoba hilingisugun mene andi re omame werek lego.

YEREMIA 2:32

Helime yenggerugwi inalilingge wanhi'lek halok inonggoragarek nogo? Athe, su hemi iginafi logolik labet fisagarek mene labet fisigi'lek halok, inonggorasu hak nogo? A'nogo hilingitare'lek meneat he, hit o attagen An noba hinonggoret nobagagipsik welagep andi hinenggi wenasumo re elo'legat andi.

YEHEZKIEL 18:28

Aren yi weak ti weak hilingiti laga mene omanogo faget an weak hilingiti lagimo higi iluk futfikhesik, weak hilingiti laga mene omanogo herakfisikhemo, at hobuk wa'lasigin lek, meneba nen eluk mondok logogin.

HOSEA 13:8

An nen he, no beruang eak longgot fuluk hilingiterek hak herogo hinoba sagali imbik, hinebe libik-labakhogo hinoatik, singa nen hilingiterek hak hit hinebe welagep oba andoma nen senggelhinafik, nen olomene aik anini mene nen hilingiterek hak hinebe senggel fogathogo hilinghinabigin o.

HOSEA 4:6

Hit imam hinap omanogo nen An noba tibet figi'lek hilingiti lagep, andiba re afuni An nagainafuri nen ogo An noba fut figi'lek hilingitunem, it inebe alomat fakhili'lagwi andi. Hit he wene An nen yagahisikhi lagi mene omanogo filikhogo lakfisikhi lagep. Ma re, An nen ogo hit filikhogo lakhinobagagin aro. Nen hit hinagainafuri mene ogore An nobaget imam logogun iluk fagesigin legaro.

HOSEA 5:14

Ma re mene singa nen afuni inoaterek andi hak, An nen hit afuni Israel mene inom, Yehuda mene inom, hinom hinoasigin aro. Hit hinebe An nonggwaregenat libi'labakhogo hinoasimbik he, herakhinobagagin o. An nen hinebe lisogo wokhinarek lagunem afuni ekhe nen telhinabugun mondok lego.

AMOS 2:14

A'nogo hilinghinafunem, hit ekhe hineisok werek mene re weak-weak siakhogo wulibugun mondok lego. Nen, hit afuni ekhe hinomame hokho mene ogore hinomame legagik, nen ap inobabut hibilik-hebelek mene ogore inonggwaregen inebe teligik, ugun mondok legaro.

MIKHA 5:8

Hobuk it Israel mene nen he it inaselei mene mabenet fisaluk inebe mondogat legetfisogoin.

HAGAI 1:5

Hit hinebe hilingik welagep mene andem fut fakhikhi logoni! An Tuhan pogot kweang yi mene ti mene elalhigi mene a'nogo nen nane ikhi lagi yi.

LUKAS 15:17

weat logolik obabut hebel lagaikhesik he, eigo! An neisena a'nogo aiba amingmingengge mene eabu hilingitarek mene omanogo inebe hokhorogoat sumburu hokho tindelogo figik nunggu kwelegat he, an yi nek he, sumburu nele nen wa'lasigin yi!

ULANGAN 32:18

Iren nineisena Allah, ninebe telninaferek mene, at ebe herakfisasukwa, It inelugerinafikhe mene, at oba inonggoret fesukwa.

ULANGAN 32:39

Yethani, Allah an namunek, Allah amu mene ekhe werek lek, An nen inebe inoatik, inelugerinafik, igirek mene, Inoumo asuagaluk, inoatirek mene, fano asuagaluk hilinginafirek mene, An nen hilingitunem, it ekhe nen an nane ugunem, sebelumo re mondok elo'lek.