MAZMUR 50:16 - Allah Wene Fano Wene Hupla Inane

¹⁶ Oba nen he, ap weak hilingiri'lagwi mene inoba re At Tuhan nen ikhi logolik, ”Hiren An Nawene Melalek a'nogo pilingisogo yanggulhik, nen An nagainafuri wene warisasigi mene a'nogo ugu mondok welagik, hilingiti lagep andoma re hiren hilingisuageluk weregen a? Elo'lego.

MAZMUR 50:16 ပူးပေါင်းရင်းမြစ်များ

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

AMSAL 26:7

Ap eisok kwanirek mene nen eisok otorogo filik lagarek hak, ap kembu mene nen komo wene ikherek mene re andi higit ikherek.

YESAYA 29:13

Tuhan nen ikhi logolik, ”Afuni andi re An noba inendawinggen yatma logoligen it inaneba enek he An foget nabi'lagwi. Iren hilingiri'lagwi mene andoma re afuni inawene melalek omanogo nek eberek logolik hilingiri'lagwi.

YESAYA 48:22

Tuhan ane ikhi logolik he, ”Ap inobabut weak enek hilingiri'lagwi mene andi it inobaget inagap telherek mene ekhe werek lego,” iluk isikhe.

YEHEZKIEL 18:27

Oba nen he, ap weak hilingitarek mene nen, weak mene hilingiti'lek logolik, fano hilingitu mene erora'luk hilingirik lagu halok, at ebe agap telek logogin.

YOHANES 4:24

Allah ebe re, Areagun mene andi nen he, at fogerasuageluk Areagun inom hundik logolik eberogoat fogerasugun meneat fogerasugun o,” iluk yagatikhe.

1 KORINTUS 9:27

It afuni ekhe fano asuageluk fano wene yagaisilik nikhi lagi meneat he, nonggwarek heraknobagaumo nongagi hanogoluk, nonggwaregen nebe wara hak, nendawinggen ninghogo sebeligik, afuni inawe a'ma logolik inane hologo welagaikharek hak, an nebe nane awe a'ma logoigeluk komorigik, ikhi lagi o.

IBRANI 8:9

An nen hit hinombalak o Mesir en nenggi fagaisogo woginarek wulibi wesigeluk ikhi logolik, Yi'nogo hilinghinabigin, iluk wene warisasigi andi hak fuk. Hunogo aro. An nen it wene warisasigi mene andi hologo higithogo hilingiti'lek andi nen he, it inebe nabit, iluk kobokhogo fisasigi andi.

2 PETRUS 2:15

It andi re, kwe higithogo lagaikharekwe andi herakfisaluk he, attagat at Bileam Beor amlogo kwe kwanirogo lagaikhe andi kwe laga logogun andi. At Bileam endawimo nen he, ”An weak hilingitunem onggo wo'nesuak,” iluk endawimo amolo anggasikhemo,