MAZMUR 50:14 - Allah Wene Fano Wene Hupla Inane

¹⁴ Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.

MAZMUR 50:14 ပူးပေါင်းရင်းမြစ်များ

AYUB 22:27

Nen, haren samban ugu halok he At esanggo holuk onggo yagaheti logoginat, nen haren wene hinom wasugun mene a'nogo re tiphogo nek aga logogin.

MAZMUR 147:1

Tuhan fogerasuok! At fogerati logogun andi re mondok fano, nen At obaget wuni warogo fogerati logogun mene andi re ninagaiyek oba fogerati logouwok!

MAZMUR 22:25

At Allah re afuni nen sebelogo fisagarek mene andi inoba re sebelek hangge iluk anggikherek lek. Nen yi enggin ti enggin hili'lagwi andi re, se mene hili'lagwi iluk anggikherek legat. Telninabin iluk yagatunem, elokhe hebekhogo herakfisaluk lagarek legat. Oba nen he iren lebetninabin o, iluk yagatunem he Aren inane esanggo holherek.

MAZMUR 22:26

Haren yi wene ti wene hilingiti lagen mene andoma faget it afuni Hat hagainafuri inebe andogorek were'ma inanggele'ma andoma nen, an nen Hat fogethafi logogin o. It afuni Hat hane holfuluk hilingiri'lagwi mene andoma inelokhoma nen wam warogo nolhesigin iluk wene wathetigi mene a'nogo an nen warogo nolhesigin aro.

MAZMUR 27:6

Nen yogondak he naselei mene nen nabel fena-fena hobet nea weri'lagwi mene omanogo inoba nen nomame agarik he, nendawimo nagaiyek oba lebetneegen iluk At Aiba andoma nen nane hokhorogo hai wati logolik he, wam warogo noleti logogin. Neisena Tuhan wuniba fogeratu logogin.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

MAZMUR 56:12

An nen At oba nendawinggen eberogo anggikhi lagi andiba re, an nailo lek welagi o. Andi nen he afuni nen an noba ninggi'nogo ekhe hilingnobagau hak nogo?.

MAZMUR 61:8

Neisena Allah, raja andi ebe harenat wenagaisogo fesigin mene hilingi'mo re, Haren hendawi hundik hilingitik, tiphogo nek hilingitik, egendek mene a'nogoba agap laberogo fisogo logoin o. A'nogo were'ma ninhup nanhup andoma re aren enek melalinafu mondok logogin.

MAZMUR 65:1

Wuni it ekhe nen wati logouwagaluk, Daud en felalogo watikhe mene.

MAZMUR 69:32

A'nogo hilingiti logogin andiba, Hat hendawimo mondok fano asigin, meneat he an nen wam sapi ai mene ebe hokho mene, neisena Tuhan hobaget warogo nolhesumo re, elok lego.

MAZMUR 76:11

Afuni ina'mage mondok hokho mene ogore Hat fogethafi logogun, nen it ina'mage lagaluk logogun mene ogore fong warogo iluk pelagi su ikfuluk logogunat.

MAZMUR 76:12

Hiren hineisena Tuhan Allah ba hinawene waretigip mene a'nogo tibet feni. It afuni inunggulenu ekhe horok-horokwe werek mene omanogo nen yi mene ti mene Allah afuni nen inailori'lagwi mene a'nogo obaget fugu mene omanogo waluk wogosi we'ni.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

NAHUM 1:15

Yethani, ap yonggo misik ekhe o tomkwe a'lima nen waga logolik wene husumbi fano liolek logogun mene, inomame asugun mene faget waluk weri'lago a'li. Yago, hit afuni Yehuda mene yi sani, hiren he linggene hokho mene andi faget ebeti logolik, hineisena Allah ba yi'nogo hilingisugun iluk isigip mene andoma faget obaget fikhi logoni o. Ap inanini mondok weak mene re mondogat wolelenggen tagalogo lek agaikha hilingi'mo re, hit hinawi hinanggweang oba andoma afuni nen ekhe inomameba sebelhinabi wesugun lego.

NAHUM 2:1

Yago, hit Niniwe hinap yi hinesanggo holini o! Hit weaget hinabugun mene re mondogat asi wagaikha! Hiren hinaleget hinebe hinoasinogoluk waganek mene andoma fanorogo kagalek logoni! Ebekhalem kagalek logolik he, weim yabugun mene fik-fouge'ni.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

ULANGAN 23:21

Nen hiren, hineisena Tuhan Allah eilhanem yi'nogo hilingisigin iluk wene ware'luk halok he, yi'nogo nen, athe ti'nogo nen, iluk sugulhi logou fuk. At hineisena Tuhan Allah re hiren wene waresugun mene andi onggoragi'lek eberek mondok logogin. Nen hit higithogo hilingisugun lek andi nen weak hilingisugun andi.

ULANGAN 23:22

Nen hiren a'nogo hilingisugun iluk Tuhan oba wene ware'luk halok he andi re hiren weak hilingisugun lek.

ULANGAN 23:23

Oba nen he, hiren hinendawimo hinagaiyek oba a'nogo hilingisugun iluk hineisena Tuhan Allah eilhanem uluk halok he, hiren tiphogo nek hilingiti logogun.

ULANGAN 23:24

Hiren ambi it hinagaila'lak ekhe inagayo anggur awi yagokwe laga logolik halok he, inagayo enggen andoma hit hinendawimo anggogoin higithogo taganogo nogoin fanoba nen he, hinasu si ugu hangge meneba taganogo kwala fuk.

1 TESALONIKA 5:18

Allah endawimo nen he: ”Hit Kristus Yesus hinom hundik logolik yi mene ti mene mondogat faget an hai wa'nafi logoguno,” iluk anggikherek andi nen he, a'nogoat hilingiti logoino.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.