MAZMUR 50:11 - Allah Wene Fano Wene Hupla Inane

¹¹ Yirue tirue tomkwe welagarek mene andoma ogore An mene nek, nen yi mene ti mene o leikwe eluk welagarek andoma mondogat he An meneat welagarego.

MAZMUR 50:11 ပူးပေါင်းရင်းမြစ်များ

AYUB 38:41

Sue pim hangge mene enu gagak andi amburu nele nen, at ninggerek mene herarik yugunat lagik, wagik ugunem, sa nen lebethikherek nogo? At eagwi amburu wogosuagaluk inane hokhorogo kino yaganetunem sa nen wogisikherek nogo?

MAZMUR 104:12

A'nogo hilingfesiginmo i esanggokwe horok horokwe andoma, sue inawi wusi we'luk, engga anggelekwe omanogo nen inane agarek.

MAZMUR 147:9

Arenat he yi wam ti wam amburu nunggu mene wogisikherek, nen sue ket-ket sue eagwi nen inane sin etarek mene ogore inamburu wogisikheregat.

YESAYA 56:9

Tuhan nen At againafuri hokhorogo pilisoageluk it inunggulenu pok mene miminginabumore, olomene aik anini weak mene higit wesugun.

MATIUS 6:26

Sue pogoroba kwe tarogo nikherek mene andi hineilenggen yethikhi logolik hinendawimo ebe'ni. It sue andi yi mene ti mene awi yatik, enggen itunem palogo obali'mo fagarek oba figik, agarek lek meneat he, Hineisena pogoroba mene nen hinamburu wogisikherego. Mene re, Allah nen it sue andi endawirinaferek nogo? Lego. We, hit hinebeat endawithinafi logolik, hinamburu wokhisagain lek nogo? Wokhisagain aro.

LUKAS 12:24

At sue ponggiet en hilingiterek mene andi futfeni. Aren he, yi mene ti mene awi yatik, enggen palhik, ikherek mondok lek. Nen, hobuk nagain mene faget enggen palogo o wuri'mo fakhikherek oba mondok lek meneat he, at Allah nen amburu wogeterek. Mene re, at Allah nen sue andi esineraterek nogo? Lego. We, hit hinebeat esinethinafi logolik hinamburu wokhisagain lek nogo? Wokhisagain aro.