MAZMUR 50:1 - Allah Wene Fano Wene Hupla Inane

¹ Asaf Awuni. Tuhan Allah Omame Mondok Hokho mene a'nogo ane ili'lago o, Aren he yi afuni ti afuni o kweangma mo ero fikhit welagaikharek mene huli nen he mo ubuk ikherek huli welagaikharek mene inoba ane humeri'lago.

MAZMUR 50:1 ပူးပေါင်းရင်းမြစ်များ

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

1RAJA-RAJA 18:21

A'nogo lagasukwama, at Elia ebe afuni omanogo inoba horokhogo wagaikhesik he, mel yagaisasikhe: ”Huli ki huli nen hinendawinggen pire logogun anggegep. Nineisena Tuhan andi ebe Allah halok, nineisena Tuhan Allah andiat fogerasugun o. Nen, tugwi kembu Baal andi ebe Allahat halok, tugwi kembu Baal mene andiat fogerasugun o,” iluk yagaisasikhemo, it afuni andoma andogotukwa mene omanogo inane endebat halok ogo ekhe igi'lek kamo isukwa.

1 TAWARIKH 15:17

It wuni wulafu aple faget kepala mene andi ineisok erokwe nen he, iren pinggong simbal perunggu ba hilingik mene a'nogoba warik wesuageluk ap wenagaisogo fisasukwa mene inebe re yi: Heman hun Yoel amlogo a'nogo agaila'lak inenu re Asaf hun Bereknya amlogo a'nogo inom he, Etan hun Kusaya amlogo unggulenu Merari mene a'nogo inom. Iren watu mene a'nogo inom laga logolik pinggong kecapi andi ane legeisogo watu mene faget iluk he, it Lewi inap wenagaisogo fisasukwa mene inenu re yi: Zakharia, Yaaziel, Semiramot, Yehiel, Uni, Eliab, Maaseya, Benaya inom andem fisasukwa. It pinggong kecapi a'nogo ane sebelogo watu mene faget iluk he, it Lewi inap omanogo wenagaisogo fisasukwa mene inenu re yi: Matica, Elifele, Mikneya, Azazya, inom he, it Tuhan awi wuri'mo kagalek welagaukwa mene Obed-Edon inom, Yeiel inom, andem fisasukwa.

1 TAWARIKH 16:37

A'nogo hilingitukwasik he, at raja Daud en he, it hun Asaf inom, ap Lewi inap fena inom he Peti Tuhan nen wene warek a'nogo o fisogo were'ma andoma nen Tuhan fogerati logolik hilingitu mene faget hundik-handik halhi logouwageluk menfisasikhe.

1 TAWARIKH 25:2

Hun Hasaf amlogomi inebe enggaminogo aremnogo inenu re yi: Zakur inom, Yusuf inom, Netanya inom, Asarela inom andem. It andi re Allah nen ugu mene a'nogo waluk, at raja nen hilingi'ni iluk fisuguba yagaisikhi logouwageluk welagaukwa, nen it melalinafi lagaikhe mene re Asaf andi.

1 TAWARIKH 25:6

Hun Heman againafuri inebe mondogat andi re iren pinggong enu simbal, kecapi, gambus inom, andoma it ineisena nen melalinafu kwelek, Tuhan Awi wuri'mo omanogo Tuhan faget wene kabogetunem wati lagaukwa. It Asaf inom, Yeturun inom, Heman inom, andem he at raja nen ikhi logolik, ”It yabu yi'nogo hilingiti logogun,” iluk ugu mene omanogo higithogo nek hilingiti lagaukwa.

1 TAWARIKH 6:24

Tahat, Uriel, Uzia, Saul, inom andem.

2 TAWARIKH 29:30

It afuni holhu mene inogogwi omanogo inom, at raja inomen he wuni at raja Daud en felalhikhe mene inom, hun nabi Asaf en felalhikhe mene inom, wuni Tuhan obaget fogeratu awuni omanogo it ap Lewi inaben wulabuageluk yagaisasukwama iren wuni omanogo wulagaisogo watu kwelek he, it ap mondogat a'nogo re wuni inagaiyek oba wati logolik he, ineindep awi yagaisogo Allah apne wanhi lagaukwa.

NEHEMIA 9:32

Hat Allah homame mondok hokho, elalin inailo mene hilingitendek mene, neisena. Hebe ninoba lombokhogo logolik, yi'nogo hilinghinabigin, iluk wene Watnisasigin mene andi sagalasinogo, iluk higithogo hilingninafendek andi, neisena. Afuni Asyur mene inogogwi raja nen nit ninoba yi enggin ti enggin hilingninafi lagaukwa andi huli nen yogondak huli re, yi enggin ti enggin mondok weak hugu welago, neisena. Andi nen he, nit ninogogwi raja inom, ap imam inom, hane yaganisagarek mene inom, ninogogwi kaindek inom, ninombalak inom, afuni mondogat inom, yi enggin ti enggin andi mondogat hugu welagorek, neisena. Ma re, nit yi enggin ti enggin hogorek mene andi mondogat ninoba hendawimo nen honggoragi'lek eberek mondok logoino o, neisena.

NEHEMIA 9:6

A'nogo isukwama, it afuni Israel mene nen Allah ayonggo fikhi logolik mel isukwa: ”Nineisena hat hami-hamuat Henupogot welagendego, neisena. Haren hesagal pogoroba welagarek mene elalhik, tulem huli warek welagarek mene mondogat elalhik, isigin. A'nogo isigindik he, i laut yenggelek ebe elalogo fesigindik elema welagarek mene mondogat elalhik, kweang ebe elalhigindik, oba welagarek mene mondogat elalhik, isigin. A'nogo elalogo fesigindik, eluk logouwagaluk hilingisogo figik, fisogo welagik, egendek andi, neisena. A'nogo elalogo fesiginmo, inomame hokhorogo pogoroba welagaikharek mene mondogaren inot soma iluk ineindep awi yagaisogo fogethafarek mene o, neisena.

MAZMUR 113:3

Mo ero lagai wagarek oba nen pikhit ubuk ikherek huli andoma nen he, At Tuhan enu nek fogeratu mondok logogun.

MAZMUR 73:1

Ibi eberogo nen he, At Allah re againafuri At oba inendawinggen tibetfuluk welagaikharek mene re fanorogo nek hilingfisikherek.

MAZMUR 74:1

At Asaf en yanggulinafi lagaikhe awuni. Neisena Allah, Haren he mondok mondogat oboget nisegen a? Nenahalok Hat honggwarek hagainafuri mene inoba ha'mage fugu mondok logogin nogo?

MAZMUR 75:1

Afuni nen wuni wulak fuluk inebe seberogo ugunem yanggulinafu mene faget, wuni unggulenu, Mondogat unggul wasu fuk, iluk agarek mene andi bene felalek mene. At Asaf Awuni.

MAZMUR 76:1

Afuni nen wuni wulak fuluk pinggong kecapi kongetu kwelek inebe seberogo ugunem yanggulinafu mene faget, Asaf Awuni.

MAZMUR 77:1

Afuni nen wuni wulak fuluk inebe seberogo ugunem yanggulinafu mene faget. Yedutun awuni bene. Asaf Awuni.

MAZMUR 78:1

Wuni ap Asaf en yanggulinafi lagaikhe awuni. Yago, afuni an nunggulenu mene yoma, an nen yanggulhinafi lagi mene yi hinesanggo fanorogo holfuluk, nane ikhi lagi mene andoma futfikhi logoni,

MAZMUR 79:1

Asaf Awuni. Nineisena Allah, it afuni inunggulenu inap Hat inonggot mene omanogo re kweang Hat honggwaregen mene a'nogoba sebeli kwi wagaikhasik, iren he Hat hawi wurik mene a'nogo emetfigik, o Yerusalem a'nogo meisak langgukhogo lakfigik, hilingiri'lagwi o.

MAZMUR 80:1

Afuni nen wuni wulak fuluk inebe seberogo ugunem yanggulinafu mene faget wuni unggulenu Bunga bakung ebene felalek mene higithogo, Ap Asaf en fagetikhe awuni.

MAZMUR 81:1

Afuni nen wuni wulak fuluk inebe seberogo ugunem yanggulinafarek mene faget, wuni unggulenu: Gitit andi bene higithogo. Asaf Awuni.

MAZMUR 82:1

Asaf Awuni. At Allah nen pogoroba andoma wene it legoma werek mene inom kabogetasik he, Aren wene yi'nogo tekhogo menfikhe.

MAZMUR 83:1

Wuni misik ekhe hun Asaf Awuni re yi.

YESAYA 1:2

Hit pogot inom kweang inom yi sani, Tuhan ane igin enggere furogo holini. Aren ikhi logolik, ”An nagainafuri kulinafik, yanggulinafik, isigi mene omanogo nen An nawe a'ma logou inabiren nane oaksagalhu werek.

YESAYA 37:20

Nit nineisena Tuhan Allah, afuni kweangma inunggulenu lombok werek mene andoma nen he we Hat hamu nek Tuhan welagen mene a'nogo inelu asuageluk, ap Asyur mene andiba nen nit telogo ninobagain o,” iluk samban isikhe.

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

YESAYA 9:6

At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.

YEREMIA 10:6

Tuhan Hat he esin mondok welagen, Hat hinom higit mene ekhe werek lek, Hat henu re mondok lego were'ma homame hokho mene welagen.

AMOS 3:8

Mene singa ane kouwatu halok, sa hagen ailo'lek hambuk haluk logou hak nogo? Nen At Tuhan Lego Mondok welagarek mene ane ikhe halok, sa nen it afuni ekhe yagaisigi'lek kamo u hak nogo?” iluk isikhe.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

MATIUS 25:32

ap ekhe anggo eisewerek mene nen, domba mene halok ale'ma tegelogo figik, kambing mene halok ale'ma tegelogo figik, tegelinaferek andi hak, it malaikat andi nen afuni inunggulenu lombok an neilhanem andogorogo fisa wagunem he, an nen a'nogoat tegelinabigin o.

YOSUA 22:22

At Tuhan andi re Omame Mondok Hokho mene werek! At Allah andi re Lego Mondok werek! Athe niren ebetosik hilingito mene andi re elurek, nen hiren ogo ninggi'nogo hilingita iluk andire hinelu asuak anggikhi lago! Niren ambi Tuhan ane sagalogo fogoin iluk hilingito halok a, athe niren At oba eberogo angga mene werek legen a'nogo hilingito halok a, nit yogondak ya nen wa'lasugun fano aro!