MAZMUR 5:7 - Allah Wene Fano Wene Hupla Inane

⁷ Hat he afuni ineranhogo wene lalinabi'lagwi mene andoma re mondogat leget fisikhi lagen, Nen, afuni lalinafarek mene inom, inebe pinggi inoatarek mene inom andoma inoba re Haren sebel fisikhi lagen.

MAZMUR 5:7 ပူးပေါင်းရင်းမြစ်များ

1RAJA-RAJA 8:35

Nen, Hat hagainafuri nen hane sagalogo hilingitunem, Haren wene inoba fuluk, meiso pelabi wagi'lek kamo ugunem, iren he, Nit weak hilingitoma, iluk inobabut hebela'luk, Nineisena Tuhan he, Hat aro, iluk fogethapluk, o Hat faget hilingiti logogun oba yi we'luk, samban hoba kino yagahetu halok,

1RAJA-RAJA 8:38

inane yagahetunem hesanggo holhi logoino o, neisena. Hagainafuri Israel mene ekhe nen inendawimo weak a'luk, inenggi o Hat faget hilingiti logogun oba yi higit lakfei we'luk kino yagahetu halok,

MAZMUR 101:7

Ap ineranen wene agarek mene re An nailoba logogun mondok lek, afuni inane nomo-nomo mene re An nelokhoma aninurogo logou lek hak.

MAZMUR 130:4

A'nogo meneat he afuni Hat hebe inailorogo, hawe a'ma logouwagaluk inaweak sebelogo leget fisugu mene andi nek he, Haren hamolo welagen andi.

MAZMUR 132:7

Nineisena Tuhan welagen oba andoma, nit wesuogoluk ikhi lago. Wesimbik, Hat welagen oba andoma, helokhoma nineindep awi yagaisogo, hai wathafik, fogethafik ugun o.

MAZMUR 138:2

Haren tiphogo nek hilingiti logolik hendawi hundik hilingninarek welagen mene andi faget he, an nen Hat henu fogethafi logolik, Hat hawi Mondok fano Horek oba andoma fikhit liago logolik neindep awi yagaisogo fogethafu welagi. Haren he afuni nen Hat hebe faget ili'lagwi mene andoma re sebelek hak hilingfisaluk, Haren wene warogo isigin mene andi faget enek he lego hangge anggikhi lagen.

MAZMUR 28:2

An lebetnean iluk Hoba kinosi waga logolik nane kwetu halok ogo, nen Hat Hawi Mondok fano horek mene a'nogo wurik fikhit andoma nenggi liakfuluk werek halok ogo, Haren nane hesanggo holnabin o.

MAZMUR 34:17

Oba nen he, it ekhe inobabut weak hilingitarek mene re elokhe age warisikherek. It inebe wa'lagu halok he, inoba eberek logoinogo iluk, inoba inonggoret fisaluk logouwagaluk hilingfikherek.

MAZMUR 51:1

It ekhe nen wuni wati logouwagaluk, at Daud en he Batsyeba pailak hilingitikhemo, at Natan Allah ane yagaisikhi lagaikhe mene a'nogo nen he, ”Hat weak hilingiten,” iluk yagatikhesik oba nen Daud en wuni felalogo watikhe mene.

MAZMUR 52:8

A'nogo hilingitunem ineilenggen hisaluk he, ap Allah ane hologo hilingitarek mene omanogo inailo nen, endo yakhafi logolik, yi'nogo ikhi logogun:

MAZMUR 55:16

Andi nen he, it an naselei mene andoma re inaiba inom, it inanggelekwe inom weak mene nek were'ma re, it afuni an ninom weim palek mene andoma re inebe ineluk oan werek kwelek wa'lagik, nen inebe inelugengge wa'la'luk lagaikharek oba andoma pi lagik, ikhi logouwago.

MAZMUR 69:13

Afuni andogori'lagwi kwe omanogo nen he, an nabok palhu mondok werego. It afuni anggur amusu naluk he, an hilingitirek mene andi faget, kelem wuniba yaganetu werego.

MAZMUR 69:16

An nebe i esinggen fonyalik waga logolik sebelnafik, nen i laut elema ma'lima inom athe kweang habuli'mo inom pela'nabinogoluk he Harenat telnafi logoin o.

AMSAL 6:16

Wene ero 7 nen Tuhan abit anggikherek mene aren herakfagain mondok lek mene re yi: Obabut wonoget fakhikherek mene inom, eranen wene lalinaferek mene inom, enggiba ap weak hilingiti'le'maat inoatarek mene inom, ungguloa'ma nen wene weak mene lenggalogo wulaferek mene inom, weak hilingisigiluk eisok atni weak lagarek mene inom, hundik-hundik eranen wene ikhi logolik, eberogoat neilenggen isigirik iluk agarek mene inom, inagaila'lak inom fano mene weak asuageluk hilingitarek mene inom andoma re At Tuhan nen he mondogat abit.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YESAYA 64:11

Hat Allah honggwarek hawi horek mene nit ninombalagen fogethafi lagaukwaba a'nogo endu nen arat ningge o. Nen, o nit ninamolo mene mondogat meisak lambukhogo potfisagama werego, neisena.

DANIEL 6:10

A'nogo yagatukwama, at raja Darius nen wene melalek a'nogo, lisu palogo enggi amusu fesikhesik he wulafikhe.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

KISAH PARA RASUL 9:31

A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.

IBRANI 4:16

Andi nen he, nit weak asu hak were'ma, fanoasuak, nineisena Allah obabut fano nen endawitninafik, lebetnisigik, uageluk, at Allah kain welagarek oba logolik obabut fanoba heanerogo hilingiterek andi nen, ninailo legat oba horokhogo kwikhi logouwogo.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.