MAZMUR 5:6 - Allah Wene Fano Wene Hupla Inane

⁶ Hat he ap fogerakhagarek mene andi inelokhoma kwelagisa re habit welagen, nen afuni mondok weak hilingiri'lagwi mene andi faget he haren habsirit fisikhi lagen.

MAZMUR 5:6 ပူးပေါင်းရင်းမြစ်များ

KEJADIAN 34:14

”Ap inagap inenggalimo mene palek lek mene inom nit ninagot andi lomboletu aplere ninenggali o.

2 SAMUEL 16:8

Haren at Saul en ferinarek welagaikhe mene andi telogo wanhigindik, ap Saul oe agot inebe mondok hokhorogo inoatigin andi nen, nineisena Tuhan nen afuni haren ferinarek welagen mene andi hamlogo Absalom en ferinarek logouwagaluk arat wogetemo o. Ma re, yogondak hat arat nongagen o. I'hii! Afuni inoare mene yi. Nongagen,” iluk wenagetikhe.

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

MAZMUR 11:5

At Tuhan nen he afuni weak hilingitarek mene inom, fano hilingitarek mene inom inobabut palherek, nen afuni inobaharoba hilingitarek mene andi re Aren he mondogat abit isikherek.

MAZMUR 4:2

Neisena Allah an nili wo'nafu mene re Hat hamunek welagenma re, an nen Hat henu ugu halok he, Hane onggo yaganeti logoino o. An nobakhe palek were'ma Harenat lebetnafi lagenma re, yogondak an nen samban ikhi lagi mene yi nane hesanggo holfembik he hendawit nabin o.

MAZMUR 43:1

It inobabut weak mene nen, ”At weak hilingitemo,” iluk wene noba fugunem he, neisena Allah Haren he, ”At weak hilingiti'lek,” iluk wene noba korogo wokhano o. It afuni inobabut weak hilingitarek mene nen he, an nebe lalnabuogoluk weagetnafik, ineranen wene yaganetik, ugu halok he, Hat hebe an werekwe asimbik telnabino o.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

YESAYA 26:21

Afuni kweangma mondogat weak hilingitu werek andiba Tuhan ebe pogoroba nen pi wesimbik unggum wogisagain o. Ap hinagaisogo inoari'lagwi mene andoma re mondogat weinam asigin. Ap warogo hinakfisagarek mene andoma re kweang en hinakfisagain mene ekhe werek mondok lego.

ROMA 1:29

A'nogo hilingirikhi logolik, it inendawimo yi weak ti weak kwanirek mene peterek logolik, inami'mik weak hilingitik, afuni ekhe weagerinafik, agarek. Ariginhi logolik, afuni inapsiritfisigik, inebe inoatik, wene serep agik, afuni lalinafik, wene ambumet fuluk welagik, agarek andi meneat inendawimo mondok peterogo welagaikharek. Logolik, inabok hinagaisogo nabok-habok igik,

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.