MAZMUR 5:5 - Allah Wene Fano Wene Hupla Inane

⁵ Hat Allah re weak kwanirek mene andomaba re habit mondok welagen, ap weak hilingitarek mene re Hat hoba wesu lek hak.

MAZMUR 5:5 ပူးပေါင်းရင်းမြစ်များ

MAZMUR 1:5

Allah nen he wene afuni inoba figik kotik ikhi logolik, it inobabut higithogo hilingiti'lek kwanirogo nek hilingitarek mene andi wene inoba fuluk weagerinafik, nen Allah againafuri mene inanggele'ma nen lisogo wulak fisigik igin o.

MAZMUR 10:3

It ap weak hilingitarek mene nen he iren weak hilingisugun iluk anggagarek mene omanogo nek legeisogo fakhagarek, ap an enek anggagarek mene andoma nen he inane hombuk palogo Tuhan ninabit iluk herakhobagali'lagwi.

MAZMUR 11:5

At Tuhan nen he afuni weak hilingitarek mene inom, fano hilingitarek mene inom inobabut palherek, nen afuni inobaharoba hilingitarek mene andi re Aren he mondogat abit isikherek.

MAZMUR 130:3

Nineisena Tuhan, niren weak hilingiti lago mene andoma, hendawimo eberek mondok welagen halok he, sa hagen endawinggen sebel fakhaluk, kamo u hak nogo?

MAZMUR 14:1

Afuni inobabut kembu mene inendawimo nen he, ”At Allah ebe re werek lek,” iluk anggikhi logolik he, inobabut weak mene nek hilingitik, ina'meilo mene nek hilingitik, hilingitu logolik he. Fano mene ekhe hilingiterek mondok lek.

MAZMUR 75:4

Kweang inom afuni kweang amboloba werek mene mondogat inom leigesigin, oba nen he, timuk warogo liabek mene andi re An nenat omamet fikhi logogin, ikhe.

MAZMUR 92:6

Tuhan neisena, Haren ekhe mene ekhe mene hilingiti lagen mene andoma re mondok hokhorogo hilingik, Haren wenggelhi lagen mene andoma re mondok uanhogo wenggelhi lagen!

MAZMUR 94:8

Yago hit afuni an nunggulenu mene nen he mondok kembu ariginik mene andi re hilingisu fuk, hinungguloa'ma nen fanorogo wenggelhugu mene andiat yanggulhi logoni!

AMSAL 1:22

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?

AMSAL 1:7

Nen ninelu mondok asuageluk halok, attak-attak he, hineisena Tuhan along anggikhi logolik, At oba nek hinailo anggikhi logoino o. Afuni kembu mene re, inendawinggen kagalek mene andi inabit welagik, yagaisugunem inabit mondok welagik agarek andi.

AMSAL 15:9

Tuhan he, ap obabut weak hilingitarek mene andi abit isikherek. A'nogo meneat he, it ekhe at Allah endawimo amolo anggikherek mene faget inomamerogo hilingitarek mene andi nek he endawirinaferek.

AMSAL 8:5

Hit hinendawinggen oan wenggelek lek welagep mene re hinendawinggen wenggelasuageluk yanggulikhi logoni, nen hit futfou elo'lek mene re hinelu asuageluk futfikhi logoni.

PENGKHOTBAH 5:4

Wene wasigin oba nen higithogo hilingisigin lek andi re mondok weak, oba nen he wene wasigin lek andi nek he mondok fano.

HOSEA 9:15

Tuhan nen ikhi logolik, ”Iren weak mondok hokhorogo hilingiri'lagwi mene andoma re, o Gilgal en eroratukwa. A'nogo hilingitukwa andem huli nen An nen it inoba nabit anggugu mene a'nogo eroratigi. Nen, iren ina'mageba hilingitarek mene andi nen An nen o An nanggweang oba yoma nen mugisogo wulaginabigin, An nen it inoba nendawi hundik hilinginabigin lek; it inogogwi ferinarek mene andoma mondogaren he, An nane oak sagalogo mondok hilingiri'lagwi.

IMAMAT 20:23

It afuni o andoma werek mene nen he An nendawimo nabit mene nek hilingitu nen hit it inaiba andoma kwi lobagaigeluk it mugusogo wulaginafigi. Enggere hiren it afuni andoma inetokhogo werek aple inom, iren hilingiti lagaikha aple hilingitu mene inom, inobabut waganogo hilingiti logogun lek.

HABAKUK 1:13

A'nogo meneat he, it ap inobabut mondok weak logolik, ning-nanghogo lalinafarek mene andi inoba heilenggen isikhi logolik meneat he nenahalok hafe morogo welagen nogo? Hat hebe horek mondok logolik, it ekhe weak hilingitunem heilenggen logou hak nogo? Nen it ekhe higithogo hilingitu le'ma, Haren hebak hafe asu lek hak nogo? Andi nen he, it ap inobabut weak mene andi nen it inobabut fano mene omanogo weagerinafu kwelek meneat he, nenahalok hafe morogo welagen nogo?

ZAKHARIA 11:8

An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 7:23

an nen fakhogo yi'nogo yagaisagain: Hit hinebe an nonggoro. Weak mondok hilingirik nikhi lagep mene andi nera'lu ya logogubo. Pugulakhani, iluk yagaisagain o,” iluk yagaisasikhe.