MAZMUR 5:12 - Allah Wene Fano Wene Hupla Inane

¹² It afuni Haren hawea'ma fisaluk ferinarek werek mene re inagaiyek haluk, mondok-mondok inanggilugeti logouwak. It afuni Hat hoba inendawi hundik anggaluk hilingiri'lagwi mene andoma re Haren ma'murogo ferinarek logoin, iren Hat faget enek inagaiyegeti logouwak.

MAZMUR 5:12 ပူးပေါင်းရင်းမြစ်များ

MAZMUR 112:1

It afuni wene melalek futfuluk hilingitik, Tuhan awene melalek inamolorogo hilingitik, hilingitarek mene andoma re inagaiyek hikhi logouwak.

MAZMUR 115:13

Hit afuni nineisena Allah hinailorogo welagep mene yi, hinenu werek mene inom, hinenu lek sebelek welagep mene inom, At Allah nen higithogo nek fanothinafi logogin o.

MAZMUR 118:15

Nineisena Tuhan, At omame mondok hokho mene a'nogo At againafuri inoba hilingfikhemo inomame agaikhasik, inawi su mene wuri'mo o silikwe omanogo inagaiyegen wuni wari'lagwi andi hinesanggo holini!

MAZMUR 119:132

Haren afuni Hat hoba inendawi hundik hilinghafarek mene hendawi hundik hilinginafi lagen andi hak he, An nebikhit helokhe hebela'luk hendawi hundik hilingnabin o.

MAZMUR 29:11

We At Tuhan nen enek againafuri inomame wogisigik, it inoba mondok fanorogo hilingfisigik, ikhi logouwak.

MAZMUR 3:3

It inebe fena hokhorogo nen ikhi logolik he, Allah nen at lebethagain lego iluk ili'lagwi.

MAZMUR 3:8

Tuhan neisena o, it ap an naselei mene andoma re Haren yei tamugethigik inoa'luk he wene inoba fuluk an nebe nek he nagap telnabime o.

MAZMUR 32:10

Afuni weak hilingitarek mene re, yi enggin ti enggin inoba hokhorogo wagarek. A'nogo meneat he, it ekhe inendawinggen nineisena Tuhan oba himbirik welagaikharek mene re, inebe endawi nen he, ferinarek mondok werek.

MAZMUR 32:7

An nebe hinak lagirek oba re, hat hebe aro. An weak were'ma re, telnafendek andi nen, nane hokhorogo hai wathafi lagi o.

MAZMUR 68:4

Oba nen he afuni wene melalek fanorogo futfuluk hilingitarek mene re inagaiyegen inanggiluk kwelafi logogun, iren At Allah eilhanem andoma nen he inagaiyegetik, inabunuk oba fogerakhigik ikhi logogun.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.