MAZMUR 49:7 - Allah Wene Fano Wene Hupla Inane

⁷ It afuni andi re, inangge yi mene ti mene hokhorogo werek andi nen he, inendawinggen inonggwarek inoba himbirik logolik fogerakhagarek.

MAZMUR 49:7 ပူးပေါင်းရင်းမြစ်များ

ESTER 5:11

A'nogo hurek were'ma re, at Haman eranen wene kagalogo yagaisikhi logolik he angge yi mene ti mene werek mene faget inom, amlogomi alage mene hokhorogo werek mene faget inom, raja nen yabu legoma logouwageluk wogetikhe mene faget inom, it pegawai amu mene inunggulenu sebelek kwelek at enek he unggulenu lego mene welagi iluk inom, onggwaregen leget fakhikhi logolik yagaisasikhe.

AMSAL 18:11

Oba nen ap enggi werek mene nen he endawinggen wenggel hikhi logolik angge yi mene ti mene omanogo nen fetnarek werek anggikherek, pa'leget omamerogo legeisogo o kota ba haningisogo kwelabek andi higit welagi iluk anggikherek.

YEREMIA 9:22

A'nogo inoatunem, inebe warek he wusa yogolhi logolik engga finhigik herakfisagarek hak, athe gandum enggen palhigik hele keralhi'lek hesangge herakfisagarek andi hak, inebe yugunat wathigik lakfisamo re o ekhema-ekhema ap warek enek kabok igin o. A'nogo hilinglasigin wene andi kamo igi'lek yagaisano o, iluk Tuhan nen an yaganetemo yagahisigi o,” iluk yagaisigi.

HOSEA 12:9

It inane ikhi logolik he, ”Nit yogondak ninenggi werek ago, niren lalogo helikhi lago mene andiba re ninenggi werek aga lagoma re, ap ekhe nen ninenggali wasu lekhago, ili'lagwi.

MATIUS 16:26

Ap sa nen yi mene ti mene kweangma mene mondogat eise asigin meneat he, hobuk ebe eluk faget nong asigin halok, aren he, ”An ekhe elok saburogo fakhigi ugun nogo?” Mondok lego. Ebe nong asigin andi obali'mo re, nena mene oba oasigin nogo. Elo'lego.

MATIUS 25:9

it helimenggerugwi inendawinggen wenggelek mene omanogo nen he, ”Lego. Fena minggilogo hit wokhisigik, ekhe nit heligik, umo re, legasigin o. Halok he, onggo pali'lagwiba andoma ekhe onggo pala lani o,” iluk yagaisasukwama,

MARKUS 8:37

Ebe nong asigin andi, obali'mo nena mene oba awasigin nogo. Elo'lego.

1 TIMOTIUS 2:6

At Kristus afuni mondogat weak hilingitorek andiba hele warogo fetninarek were'ma hele fikhalogo telninabigeluk onggwarek eranen, ”Nebe noasuak,” iluk wagaikhe andiba, Allah endawimo nen he: ”Afuni mondogat telinabigin,” iluk anggikherek mene andi, enegat asigin higithogoat enegat agaikhe andi.

1 PETRUS 1:18

Attak he, hinambu hinombalak hilingiti lagaukwa andi hak, it inobabut waganogo legasigin mene faget tulemat alemarogo hilingiti lagagip andi nen, hinenggi hele warek hak were'ma, Allah nen hinebe hinonggo palogo telhinafikhe andi hineluaro. Onggo andi re, legasigin mene emas oba, perak oba hinonggo palhinafikhe fuk.