MAZMUR 49:6 - Allah Wene Fano Wene Hupla Inane

⁶ O obabut weak agu sambul afuni nen weak mene noba fuluk noasuogoluk an nebe haningisogo kwelaknobagagunem, nailo lekhogo logolik nendawinggen hambukhogo logogin.

MAZMUR 49:6 ပူးပေါင်းရင်းမြစ်များ

ESTER 5:11

A'nogo hurek were'ma re, at Haman eranen wene kagalogo yagaisikhi logolik he angge yi mene ti mene werek mene faget inom, amlogomi alage mene hokhorogo werek mene faget inom, raja nen yabu legoma logouwageluk wogetikhe mene faget inom, it pegawai amu mene inunggulenu sebelek kwelek at enek he unggulenu lego mene welagi iluk inom, onggwaregen leget fakhikhi logolik yagaisasikhe.

MAZMUR 112:7

Aren Tuhan oba lombokhogo logolik endawinggen hambukhogo werek andiba re, wene obabut weak mene esanggo holigin oba nen he aren ailo asigin mondok lek.

MAZMUR 112:8

It aselei mene omanogo mabenet fisagain iluk endawimo anggikhi logolik he, aren endawimo ailo anggigik, endawi hokho mene fitik, hilingiti logogin mondok lek.

MAZMUR 52:7

Oba nen he, At Allah nen hit hinebe mondok-mondok leget hinobagagin o. Nen hit hinebe hinailoba nen lisogo wulak hinobagai wesimbik he, afuni ineluk werek oba yoma nen hineiloak leget hinobagagin o.

MAZMUR 56:5

An he Aren abok wene watnete andiba re, At Allah nek fogerati lagi o. An nen At oba nendawinggen eberogo anggikhi lagi andiba re an nailo lek welagi o, andi nen he afuni nen an noba ninggi'nogo ekhe hilingnobagau hak nogo?.

MAZMUR 56:7

It inebe hinagokwe omanogo nek linglong lagaikharesik he, an nen hilingiti lagi mene omanogo ineil wo'nabi laluk, ebe ka nen wasugun iluk ineilenggen wo'nabik nikho.

MAZMUR 62:10

Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.

AMSAL 10:15

Ap angge hokhorogo werek mene andi re angge yi mene ti mene omanogo a'ma along palogo fakhaluk werek, oba nen inangge lek andi nen he it inenggi lek mene andi weagerinafarek.

AMSAL 11:28

Ap ekhe angge yi mene ti mene logogin meneba endawinggen himbirik logogin halok, engga puk mene lologo pikherek hak pigin ap eberogo anggagarek mene re e asimit ket wuliferek mene hak logogin.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

HOSEA 12:8

Tuhan nen it inunggulenu Israel mene inoba ikhi logolik he, ”It afuni Kanaan mene nen weak hilingiti lagaukwa hak hiren ogo a'nogoat hilingiti lagep. Hiren mene hinangge onggo palhik, hunitik ikhi logouwageluk fisikhi lagep mene omanogo nen he it ekhe inom kam warogo yi mene ti mene inoba hunitarek mene omanogo inoba re ilirengge taganhogo walet hagaresik lalogo wogisili'lagwi.

MARKUS 10:24

wene yagaisasikhe andiba inailo agaukwa. Inailo agaukwama, at Yesus nen hobuk mel yagaisasikhe: ”Nagoromi. Allah nen awe a'ma fisikhere'ma andoma ninggi'nogo ku he aro.

LUKAS 12:19

A'nogo fakhambik werek kwelek he, nonggwaregen komorikhi logolik, Yogo. Mo lagagik, pigik, ugu kwelek yi tahun ti tahun faget nagarek hokhorogo higithogo fakhigiri'mo fano. Yogondak set walogo logolik, sumburu ninggik, enggen amusu ninggik, ninggi logolik he, nendwimo nagaiyek hikhi logogin o, iluk, nonggwarek komorikhi logogin, iluk anggikhi lagaikhemo,

1 TIMOTIUS 6:17

Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.