MAZMUR 48:1 - Allah Wene Fano Wene Hupla Inane

¹ It inunggulenu Korah mene inawuni.

MAZMUR 48:1 ပူးပေါင်းရင်းမြစ်များ

NEHEMIA 9:5

Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.

MAZMUR 145:3

At Tuhan andi ebe re mondok lego mene were'ma enu mondok legeisogo fagarek andi nen he, At andungdang werek mene andi re it ekhe nen iliresumo re elo'lek.

MAZMUR 147:5

Nit nineisena Tuhan andi re Mondok Hokho agun logolik elalin hilingiterek mene werek, At endawi wenggelek mene andi re huli warogo fou re elo'lek.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 30:1

Allah Awi wurik horogo kwe huti logolik wuni watu mene.

MAZMUR 42:1

Ap Korah werekwe mene nen wuni felalogo watukwa mene.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 46:4

i laut ha'labu esinggen founalek lenggalek lakfei wesigin oba nen, a'nogo hilingiti logolik tom-tom omanogo erak kwerak isagain oba nen, nit he, ninendawinggen abolok igi'lek hambukhogo mondok logogun.

MAZMUR 47:8

At Allah re o kweangma yi awi ti awi mondogat inobaget Raja werek. Andi nen he, wuni inendawinggen wanherek awuniba fogerati logoni.

MAZMUR 65:1

Wuni it ekhe nen wati logouwagaluk, Daud en felalogo watikhe mene.

MAZMUR 78:68

We Aren he it afuni inunggulenu Yehuda mene inom, nen Punu Sion At endawi hundik mene a'nogo inom enek wenakhasikhe.

MAZMUR 86:10

We Hat hamu nek Allah welagen, nen Hat he Allah hebe Lego mene logolik he, Haren hilingisu elo'lek mene omanogo nek hilingiti lagen.

MAZMUR 87:1

Nineisena Allah awi kota re onggwarek andom horek mene a'nogoba wutikhe.

MAZMUR 87:3

Hit afuni Allah aiba kota welagep mene andi hinesanggo holini o. Hit hinawene mondok fano mene ikhi logolik he, mel ili'lago:

MAZMUR 96:4

At Tuhan ebe hokho agun werek andi nen he At enu legeisogo fagarek. Ma re dewa omanogo sebelek hak hilingik kwelek, At enek he hokhorogo inailoti logogun.

MAZMUR 99:9

Nit nineisena Tuhan Allah ebe horek mondok werek andi nen he, At enek legeisogo fikhi logoni! Nen At andom horek meneba andoma nen hineindep awi yagaisogo fogerati logoni.

YESAYA 27:13

Inenggi andi sambul he afuni Israel mene re o Asyur inom Mesir inom huginabi lagaikha mene omanogo sugulogo inambotkwe wesuageluk trombet ane hokho meneba futhogoin. It wesimbik he o Yerusalem punu horek mene a'nogoba ineindep awi yagaisogo Tuhan fogerasi wesugun.

YEREMIA 31:23

Tuhan Omame Mondok Hokho mene, Allah Israel mene ineisena a'nogo nen ikhi logolik, ”An nen nagainafuri andoma attak welagaukwa hakhogo inenu legeisogo fisigi halok he, o Yehuda ba inom nen desa-desa haningisogo kwelabek mene andoma nen inom afuni nen ikhi logolik, ”Tuhan andom punu horek mene o Yerusalem oba At ebe werek oba nen mondok fano horek oba andi fanot fikhi logouwak,” ugunem holugun o.

OBAJA 1:17

Allah nen ekhe inom ikhi logolik, ”A'nogo hilinglasugun oba nen he tom Sion oba andoma nen it fenakwe nek he inagap telinabigin o, nen tom andiba re An nonggwarek nandom hilinglasigin. Andi nen he it Yakub en tagongge mene omanogo re inanggweang inonggwaregen mene omanogo hobuk ambotkwe helogoin aro.

MIKHA 4:1

O hobuk logogun oba andoma re, punu amu-amukwe andoma sebelek hak werek kwelek, punu Tuhan awi wuri'mo andi nek he, mondok mitmorengge andom wolonghogo liabek logogin. A'nogo wolongse'ma re afuni inunggulenu lombok he, andoma uluk-uluk waga logogun.

ZAKHARIA 8:3

An nebe sugulogo o An Nawi Yerusalem kota mondok horek mene a'nogoba wesimbik andoma logogin o. Nen, o Yerusalem andi re kota tiphogo hilingitu mene iluk inelu mondok logogun, nen Tuhan Omame Mondok Hokho mene Andom andi re Punu mondok Horek mene iluk ikhi logogun.

MATIUS 24:15

A'nogo yagaisasikhesik he, hobuk ekhe mel yagaisasikhe: Hiren lisu palek yi enu salhi logolik he, fanorogo futfikhi logoino o. Ap Daniel Allah ane yagaisikhi lagaikhe mene a'nogo nen ikhi logolik, Allah aiba fano hore'ma omanogo menlasi wagunem hineilenggen hambik he,

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

WAHYU 19:5

Nen, Allah kain welagarek obuluk oba a'nogo nen mel ikhi lagaikha holhi: ”Hit Allah amingmingengge kaindek mene inom, afuni we mene inom, hinebe mondogat Allah hinailorogo welagep mene nen nineisena Allah fogerati logoino o,” iluk ikhi lagaikha holhi.

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.