MAZMUR 47:8 - Allah Wene Fano Wene Hupla Inane

⁸ At Allah re o kweangma yi awi ti awi mondogat inobaget Raja werek. Andi nen he, wuni inendawinggen wanherek awuniba fogerati logoni.

MAZMUR 47:8 ပူးပေါင်းရင်းမြစ်များ

1 TAWARIKH 16:31

Hit pogot inom kweang inom he hinagaiyege'ni! Tuhan andi ebe re raja o, iluk he afuni inunggulenu lombok omanogo inoba yagaisikhi logoni!

MAZMUR 110:6

Aren afuni inunggulenu lombok wene inoba fuluk inebe mondok inoatunem, inebe warek enek fitfat ikhi logogin. Aren he afuni kweangma mene inogogwi kaindek o yi awi ti awi welagaikharek mene inebe mondogat leget fisagain.

MAZMUR 48:1

It inunggulenu Korah mene inawuni.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

MAZMUR 9:4

Hat helokhoma nen he, an naselei mene omanogo sugulogo inambotkwe heise lagunem, ineisok tunghogo waraluk inebe wa'lari'lagwi.

MAZMUR 93:1

At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

MAZMUR 94:20

Hat he it ap hakim ina'mage weak inap andoma inom mangoti lagen lek, It ap wene melalek oba higithogo iluk weak mene faget enek hilingitarek inap andoma hinom sebeti lagen legat.

MAZMUR 96:10

Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.

MAZMUR 97:1

At Tuhan andi re ebe Raja hilingi'mo re kweang en agaiyegetik, i alonggen kwe andoma nen inanggilugetik, ikhi logouwak.

MAZMUR 99:1

Tuhan andi re Raja werek. Yi afuni ti afuni inunggulenu lombogen inoak leik etarek. At ebere kerub amboloba hurek were'ma, kweang yelandit-kwelandit hili'lago.

MAZMUR 99:2

At Tuhan ebere o Sion oba andoma andungdang hokho agun werek, nen yi afuni ti afuni inunggulenu lombok omanogo inoba nen Arenek he lego mondok werek.

ZAKHARIA 14:9

Andiba re, Tuhan ebe yi afuni ti afuni o kweangma welagaikharek mene inebe mondok faget inoe raja logolik melalinafi logogin. Nen, afuni inebe lombogen At Allah amu oba inendawinggen himbirek fuluk logogun, nen, we At amu Enu nek inelu logogun.

MALEAKHI 1:14

An Hineisena re, Raja Lego Mondok welagimo re, yi afuni ti afuni inunggulenu lombok o kweangma welagaikharek mene An nenu agaukhogo fogetnafarek andi nen he, ap sa nen anggo ai mene agambut palek lek mene An nobagaikhe mene werek kwelek meneat he, munenogo herakfikhi logolik weak mene nobagaikhe halok, eranenat lalnafe andi nen he, homan ugu logouwago,” iluk ikhe.

IBRANI 4:16

Andi nen he, nit weak asu hak were'ma, fanoasuak, nineisena Allah obabut fano nen endawitninafik, lebetnisigik, uageluk, at Allah kain welagarek oba logolik obabut fanoba heanerogo hilingiterek andi nen, ninailo legat oba horokhogo kwikhi logouwogo.

WAHYU 19:6

A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.