MAZMUR 47:6 - Allah Wene Fano Wene Hupla Inane

⁶ Afuni nen inane a'mit sup igik, pinggong ane hokhorogo aneet higik, ugu kwelek, At Allah re ebe takhta hurek welagarek oba omanogo hu'lasi lagaikherek.

MAZMUR 47:6 ပူးပေါင်းရင်းမြစ်များ

1 TAWARIKH 15:28

It afuni Israel mene inebe mondogat ogore Peti Wene warek a'nogo pia'luk o Yerusalem fei wagunem andi re inagaiyegen a'mit suphogo re trompet a'nogo futik, nafri watik, simbal pirenet engge tololang etik, kecapi kong etik, hilingirik wagalagaukwa.

1 TAWARIKH 16:9

Wuni Tuhan obaget wa'ni, e hu Aran elalin aple hilingiterek mene andoma fagesi lani, e hu

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

MAZMUR 145:1

Daud en wuniba Allah fogeratikhe mene. Allah neisena, Hat he Raja an neisena welagenma re an nen legeisogo hobagakhi logogin, Nen Hat hobaget mondok-mondok andoma fogethafu logogin.

MAZMUR 68:4

Oba nen he afuni wene melalek fanorogo futfuluk hilingitarek mene re inagaiyegen inanggiluk kwelafi logogun, iren At Allah eilhanem andoma nen he inagaiyegetik, inabunuk oba fogerakhigik ikhi logogun.

MAZMUR 89:18

Hat hobabut fano andiba nit ninomame agorek, nit ninomame asuagaluk Homame mondok hokho mene a'nogo wo'nisegendek.

KELUARAN 15:21

Wuni wati logolik, at Miryam en wuni anggup yi'nogo isikhe: ”Nineisena Henupogot homame fogethafarek mene a'nogoba, arat mabenetfisegen andi nen, hat faget wuni wasuok. Afuni Mesir mene mondogat inanggo kuda oba lagagasik wagaikha omanogo, mondogat i yenggelek a'nogoba pelaginafen o,” iluk wuni watukwa.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

MATIUS 25:34

A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,

MATIUS 27:37

Logolik he, ”Ap yi wene ero yi oba fogosigen wato o,” iluk u hak, ”Yesus afuni Yahudi mene inoe kain enupogot ebe yi aro,” iluk lisu palogo eba unggul higithogo te'merogo fesukwa.