MAZMUR 47:1 - Allah Wene Fano Wene Hupla Inane

¹ It ekhe nen wuni wati logouwagaluk, ap Korah werekwe mene nen wuni felalogo watukwa mene.

MAZMUR 47:1 ပူးပေါင်းရင်းမြစ်များ

2 SAMUEL 6:15

At Daud ebe inom, afuni Israel mene mondogat inom, nineisena Tuhan nen Peti Wene Warogo wo'ninafikhe iluk hilingik mene a'nogo waluk o Yerusalem waga logolik, inane a'mit suphogo wuni watik, pinggong ineleage futhugunem ane hokho ikherek mene anethigik, ilik wagaukwa.

2 RAJA-RAJA 11:12

A'nogo mondogat hilingfesikhesik Yoyada wulibi wagaikhesik he Yoas unggul oba mahkota kware-kware hak mene a'nogo ungguloba fuget fesike, nen buku Tuhan awene melalek a'nogo enggin figik isikhe. A'nogo hilingfuluk he at imam Yoyada inom at againafuri inomen he linggene at raja menfesukwa sambul a'nogo re amusu oba kweisal fesukwama, it afuni mondogat a'nogo nen inagaiyegen inenggi taphogo inane a'mit sup ikhi logolik ”Nineisena hat raja logogin o!” ikhi lagaukwa. At Yoas raja logouwageluk iren a'nogo menfesukwa andi.

2 TAWARIKH 13:15

It Yehuda inap a'nogo re weim ami'mit sup isukwasik he, it a'nogo hun Abia nen woginarek he, At Allah nen Yerobeam inom, it Israel inap inom omanogo inomame leget fisasukwama re,

MAZMUR 106:47

Tuhan Allah neisena, Haren nit ninagap telninabin, niren Hat hai wathafik, nen Hat henu mondok fano horek mene andi fogethafik, hilingiti logogun nen he, nit afuni amu mene inaggelekwe andoma were'ma Haren andogorogo ninobagakhi logoin o.

MAZMUR 42:1

Ap Korah werekwe mene nen wuni felalogo watukwa mene.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 47:5

Nit Yakub en tagongge mene re, Aren nit ninebe endawit ninafesik, nit ninanggweang eise a'luk logouwagaluk he, wenagaisogo wo'nisasikhemo ninalonghogo welagorek andi o.

MAZMUR 98:4

Yago, hit afuni o kweangma yoma welagep mene mondogaren he At Tuhan obaget a'mit suphogo hinagaiyegeti logo'ni! Hiren hinagaiyegeti logolik wuniba Tuhan ebe fogerati logoni.

MAZMUR 98:8

I lagu agai andoma ogore inenggi abolok tabeti logouwak, nen tom-tom andoma re At Tuhan elokhoma nen inagaiyegesuak.

YESAYA 55:12

Hit he, o Babel herakfuluk hinendawimo hinagaiyek oba hinagap telogo wokhinarek wulibugun. Tom inom punu inom he inagaiyegen inanggilukhogo hilingiti logogun, e yabukwe wulibik mene re inenggi tabeti logogun.

YEREMIA 31:7

Tuhan nen ikhi logolik, ”An nagainafuri Israel mene andoma re hinagaiyekhogo wuni wati logoni o, afuni inunggulenu ekhe re abelma hangge meneat he hit hinunggulenu Israel mene andi nek he esin mondok andi nen he, nineisena Tuhan nen it Israel mene abu'nengge ineluk werek mene omanogo inagap telinafe iluk wuni warogo fageti logoino o.

ZEFANYA 3:14

Yago, hit afuni Israel mene re hinagaiyegeti logolik wuni wati logoni o! Hit Yesusalem hinap he, hinendawimo nen mondogat hinagaiyegeti logoni!

ZAKHARIA 4:7

Nen, hat helokhoma andoma tom hokho mene kwe palek logogin oba nen ogore, higilogo laga logogin o. An Nawi a'nogo re haren wusigin, harenat helep attak-attak mene ubule fagain sambul andi re afuni nen ikhi logolik, ’Mondok fani-fanorek agi!’ ikhi logogun.” iluk yaganetunem higi.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

1 SAMUEL 10:24

A'nogo hilinglagaikhemo, at Samuel en he, afuni omanogo mel yagaisasikhe: ”Ap nineisena Tuhan nen wenagaisogo menfikhe mene ebere yi aro. Nit ap Israel mene mondogat at ninom higit mene ekhe lego,” iluk yagaisasikhe. A'nogo yagaisasikhemo, it afuni omanogo mondogat inane ami'mit suphogo re, ”Wa, wa, wa, ninoe kain henupogot hat aro,” iluk elokhe wanhukwa.