MAZMUR 46:9 - Allah Wene Fano Wene Hupla Inane

⁹ At Tuhan nen elalin mene o kweangma yoma hilingiterek mene andi kwelakha we'ni!

MAZMUR 46:9 ပူးပေါင်းရင်းမြစ်များ

MAZMUR 66:5

Hit hinebe we'luk he At Allah nen hilingiterek mene andoma hineilenggen ha waga logoino, Aren afuni inanggelekwe yi mene ti mene elalogo fesikhe mene andoma re mondok wesa polanhogo elalogo fesikhe.

YESAYA 10:23

Tuhan yi wene ti wene hilingisu hagenek mene a'nogo nen o kweang andiba mondogat wolelenggen isagain iluk ikhe mene andi re eberogo nen ikhe, At Tuhan amu nen hilingisigin iluk tekhogo ikhemo re sugwi asigin lek.

YESAYA 11:9

Allah andom Sion fano Horek meneba andoma re inaninirogo hilingitarek mene inom, weak hilingitarek mene inom, logogin lek. O kweang andiba mondogat he, i nen laut agum hopot fikherek andi hak, Allah inelu agaikharek mene andi nen hoporek logogin.

YESAYA 2:4

Aren a'nogo yanggulinafi logolik afuni inunggulenu lombok inawene lombok ayo wurogo pilingisigik, nen afuni andi mene inawene inoba were'ma pilingisogo leget fisigik, ikhi logogin. A'nogo hilingitunem he karok weim yafarek mene andi re yabu kiam oba tagalharek mene hangge hilinglagik, nen sige posiemanggen mene andi re pisok engga palhu mene hangge hilinglagik igin o. A'nogo hilinglasumo re afuni inunggulenu lombogen he weim yabuogeluk sali laluk sinelogo inoasi kwigik, weim yi'nogo yafarek iluk milil-melalhogo yanggulinafik, ekhe ikhi logogun mondok lek.

YESAYA 60:18

Nen o kweang hat haiba andi re, ap ina'mage nen hilingita iluk ugunem ekhe holhi logogun lek, wilayah hiren meneba andoma nen o meisalhigik lakfisugu mene inom, weagerogo fugu mene inom, ariginha ugunem ekhe holhi logogun legat. An nebe re, leget pa'leget hakhogo fetharek were'ma re, hiren An hineisena nen telninabi'lago o, iluk fogetnafi logogun o.

YEHEZKIEL 39:3

Andoma nen An nen asikhe yei payuk oba fouthugunem enggi harekwe fisogo logogin engge a'nogo helelarogo pigin, nen An nenat andok herap palek omanogo re enggi pikhit fikhiren telogo pelabigin.

MIKHA 5:10

A'nogo legetfisikhi logolik hinawi kota ekhema-ekhema wurik mene andoma mondok meisak langgukhogo lakfisagain. Nen hinaselei mene kwi wesinogo iluk leget pa'leget waganek mene andoma meisalogo potfisagain.

YOSUA 11:6

A'nogo wagaukwama Tuhan nen Yosuaba ikhi logolik he, ”Haren it inoba hailorinabu fugo. It Israel mene inili waganogo ohealek o ya higiroba An nen inebe mondogat inoasigin. It mene inangge kuda andoma re haren eisok ombambi a'makwe tegerisilik lano, nen iren inangge kereta weim yabik lagaikharek mene omanogo re haren endu nolino,” iluk yagatikhe.

YOSUA 11:9

Yosua nen he Tuhan nen hilingi'no iluk melalfesikhe higithogo hilingitikhe. Aren he it inangge kuda omanogo eisok ombambi palfisigik, it mene kereta omanogo endu oba nolfisilik lagaikhe.

1 SAMUEL 2:4

Ap kain mene inasikhe obakhe lilibuk ugu kwelek oba nen he, afuni inomame lek mene inomame ekhe inom ari'lago.