MAZMUR 46:4 - Allah Wene Fano Wene Hupla Inane

⁴ i laut ha'labu esinggen founalek lenggalek lakfei wesigin oba nen, a'nogo hilingiti logolik tom-tom omanogo erak kwerak isagain oba nen, nit he, ninendawinggen abolok igi'lek hambukhogo mondok logogun.

MAZMUR 46:4 ပူးပေါင်းရင်းမြစ်များ

MAZMUR 23:2

Aren an nebe wo'narek, o leimo engga mulire'ma fanoma andoma weing nobagaikherek. Arenat i abolo'lek were'ma andoma wo'narek lagarek.

MAZMUR 43:3

”An nambotkwe honggwarek handom Sion oba, Hat hawi wuri'mo welagen oba andoma lagen he, Hat hobabut fano enago a'nogo nen, hebe esage hangge seleget nabi wesimbik wo'narek lanogen,” iluk hayonggo fikhi lagi.

MAZMUR 48:1

It inunggulenu Korah mene inawuni.

MAZMUR 48:8

it a'nogo omanogo nen inoak leigetu logolik inailo nek a'luk ou hikho welagaikharek.

MAZMUR 65:9

Yi afuni ti afuni, o yi awi ti awi welagaikharek mene, Haren elalin hilingitendek mene andi, it ineilenggen healuk he, inailo mondok a'luk, agaukhogo yagahetarek. Afuni kweang ero-ero, welagaikharek mene mondogaren he, wuni endawi sogophogo wati logouwageluk, hilinginafendek andi.

MAZMUR 87:3

Hit afuni Allah aiba kota welagep mene andi hinesanggo holini o. Hit hinawene mondok fano mene ikhi logolik he, mel ili'lago:

MAZMUR 91:1

It afuni At Lego Mondok welagarek mene a'nogo awe a'ma werek mene inom, At Omame Mondok Hokho mene a'nogo nen sebelinarek were'ma werek mene inomen,

MAZMUR 92:1

Linggene Sabat sambul kabogeti logolik wuni wulakfuluk agarek awuni.

MAZMUR 92:8

It afuni Allah ane holda-holda hilingitarek mene andoma re engga heiselogo wuliferek andi hak hilingik welagik, nen afuni ina'mage weak mene omanogo re inenggi werek a'luk inangge mondok hokho pokhorogo hilinglagik, agarek. Oba nen he ariginik kwelek Hat Tuhan he hetok mondok logoginmo re,

MAZMUR 93:3

Tuhan neisena, i laut yenggelek mene andi ane houwalanghogo liabi wagik, esinggen founalogo liafi logolik ane hokhorogo ugu mondok welagik, ikherego, neisena.

PENGKHOTBAH 5:8

Nen o kerajaan ekheba wene obabut ariginik mene were'ma at raja nen afe halogo fugunem he, afuni mondogaren agaukhogo leget fagarek.

YESAYA 48:18

An nen nawene melalek yagahisigirek mene andoma hiren futfikhi logoumo nen he, fanot hinobagagu mene andi re i firitok igi'lek lagu mondok welagarek andi hak hilinghinobagakhi logou hago, nen haren ambisangma hilingirik lagain kwe andoma re i laut agum aloget figi'lek founalhu-lenggalhu mondok welagarek andi hak logou hagaro.

YESAYA 60:14

Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.

MIKHA 6:6

Niren nineindep awi yagaisogo nineisena Tuhan Allah pogoroba mene a'nogo obaget hilingisuogeluk he, nena mene wogosi waga logogun nogo? Niren At obaget endawimo agaiyek hoageluk wam warogo noleti logolik he, wam sapi ket kotorek mene warogo nolesu hak anggegep?

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

WAHYU 21:10

A'nogo yaganetu kwelek, Allah Areagun noba louk i wagama re, at malaikat a'nogo nen wo'narek tom hokho uan meneba lagaikhesik, Allah onggwarek awi o kota Yerusalem pogoroba Allah nen pelabi waga mene a'nogo yaganetemo yethigi.