MAZMUR 45:9 - Allah Wene Fano Wene Hupla Inane

⁹ Hat hasu ugu mene re amusu mur inom, gaharu inom, cendana inom, amben mondok fano mene sangeri'lago. Nen hat hawi istana gading andimuk oba nek wuri'mo, hat hebere it pinggong watu inaben watunem hagaiyegeti lagen.

MAZMUR 45:9 ပူးပေါင်းရင်းမြစ်များ

1RAJA-RAJA 10:11

(Nen, raja Hiram en e so at meneba emas o Ofir en waluk waga logolik, helep enggen hombonundek onggo hokho mene enu permata ebe hokhorogoat inom, e fano mene enu cendana inom, Salomo wogosi waga lagaikheat.

1RAJA-RAJA 2:19

Andi isikhesik at Batsyeba a'nogo re Adonia awene a'nogo faget yagasiogen iluk lagaikhe. Lagaikhemo re, at raja a'nogo agaisa hai warogo iluk menlagaikhesik he eindep awi yagaisogo hai watikhesik nekhengge at hurek oba takhta a'nogoba hu'lagaikhe. Andi nen aren agaisa hu'lasigin oba faget at ebe werek oba nen enggi pikhit fikhit a'nogo hu'lasuageluk obalik fougerasuageluk yagaisasikhe.

1RAJA-RAJA 2:9

A'nogo meneat he at weak hilingiti'lek, iluk wene oba koti logogun o. Hat hendawinggen mondok kagalek welagen andi an nelu o. Andi nen he, at ebe yaman iluk herakfigi'lek wa'no,” iluk yagatikhe.

1 TAWARIKH 1:23

Ofir inap inom, Hawila inap inom, Yobab inap inom, andoma inombawi taginafukwa.

AYUB 22:24

Hat hangge emas eil mondok wurik fano mene andi re hugisano, i ebe yenggelek lek meneba mali'ma pelak fisano o.

MAZMUR 45:13

It afuni o Tirus mene nen he, hat hobaget yi mene ti mene waluk kabogesi waga logolik, it inenggi werek inaben he hat hendawinggen wanugun iluk hilingisugun o.

MAZMUR 72:10

It ap raja-raja o Darsis oba werek mene nen inom, nen it i alonggen kwe werek mene nen inom at obaget yi mene ti mene wogosuogeluk waluk waga logogun. Nen raja o Arab mene inom Etiopia mene inomen ogore at obaget waluk we'luk fei waga logogunat.

AMSAL 7:17

A'nogo figirik he, amben fano mene e mur amusu inom, amusu ekhe alek mene inom, kami inom, warogo fuluk wagi o.

KIDUNG AGUNG 7:1

Hele heil alili mondok fano mene yi re, Hat he mondok hunikhogo hilingik welagen, Heisok sandal ugu welagen mene andem he ibi-eberek welagen. Hagosolit punurek oba andem he elokhe fanorogoluk inalilengge wanharek andi higit hilingik welagen, nen ap ekhe nen yi mene ti mene enggi nen hesesengge waganogo puguneterek andi hak welagen.

YESAYA 49:23

It raja-raja omanogo re hineisugwi higit asugun nen ratu-ratu omanogo re hinagaisawi higit asugun. Iren hat legeisogo hobagakhi logolik inendep awi yagaisogo foget habimbik hawe a'ma sebe ugun. Ariginugun andiba re haren An nebe Tuhan welagirek mene a'nogo helu asigin o, ap inendawinggen An noba tibet fuluk werek mene re inendawimo weak asuageluk ekhe hilingfisagain lego,” ikhe.

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

WAHYU 19:7

A'nogo logolik, Domba Eak agwe ikhageluk awi arat wei ikhemo, at agwe a'nogo onggwaregen arat lombologo fakhikhemo andi nen he, ebe arat isigiluk logolik ninendawimo ninagaiyegen ninanggilukhogo at fogerati logouwogo.

WAHYU 21:2

A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.

WAHYU 21:24

A'nogo amulit hokhorogo werek kwelek andi nen he, afuni kweangma mene inunggulenu lombok ekhe amulit andiba nikhi logogun. Nen, it ap kaindek inenupogot kweangma mene inagarek yi mene ti mene onggo hokho mene were'ma fogerinafarek mene andi waluk o kota a'nogo fei kwikhi logogunat.

WAHYU 21:9

A'nogo yaganetesi'mo nen ombo'ne re, Allah nen wurep kobokhogo afuni weagerinabuageluk, it malaikat inebe 7 nen Allah a'mage i hak hinago waluk kweisali wagaikha mene omanogo mene ekhe wagasik mel yaganete: ”Domba Eagen agwe ikhikhe mene andi ebe yagahesumo heilenggen yethanogen eme o,” iluk yaganete.