MAZMUR 45:2 - Allah Wene Fano Wene Hupla Inane

² An nane pugun paganhogo nendawimo nen lagai wagunem ikhi lagi mene andoma re, at raja faget ikhi lagi o. Ap wuni kogalek awuni felalhi lagaukwa mene mondok inendawi kagalek mene nen lisu palu hak, an namelinggen oba nen kogalek awuni nek foukhogo welagi o.

MAZMUR 45:2 ပူးပေါင်းရင်းမြစ်များ

MAZMUR 21:6

Haren lebethuguba nek at ebe ap lego mene hilinglaga, Harenat at ebe enu lego logolik anggiluk werek mene logouwageluk hilingisogo fegen.

AMSAL 22:11

Ap ekhe ane fano higithogo ikherek mene inom, ane amusu palogo ikherek mene inom andi hobuk he raja inom enggawe fano mene asugun.

AMSAL 5:2

A'nogo hilingisigin obare hat hebe hendawinggan kagalek logolik, wene ane agarek mene helu agik, afuni inelokhoma welagaikharek mene helu agik, igin o.

KIDUNG AGUNG 2:3

Enggama nen e apel engga anggele'ma nen wiliferek hangge, An nendawi hundik mene andi ogore alage inanggele'ma andi higit werek. An he at a'ma sebe ikugu mene faget nagaiyek welagi, Nen, enggen ugu mene re enduk mit-mirengge hilingik.

YESAYA 33:17

Hobuk higit asi wesigin oba re o kweang wurep-wurep unggut uan tiagansek mene ariba mondogat he ap raja misik ekhe nen mondok anggilukhogo melalinafunem hineilenggen hogoin o.

YESAYA 50:4

Tuhan Lego Mondok welagarek mene a'nogo nen an nane ugunem, ap inoba lebelekhogo welagaikharek mene inomamet fisikhi logouwageluk yanggulnafe. O hubet hundik-handik he, Aren an yaganetu mene omanogo nagaiyekhogo holfuluk, an nendawimo hilingiti logou mene nek hilingnobagauwageluk nomame kwelaknobagali'logo.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

ZAKHARIA 9:17

An Tuhan nanggweang andi re, ibi ebema elokhe mondok fanore'ma hilingik logogin, Andoma re, anggur inom, gandum inom, hokhorogo legeisogo fikherek hak, it ap sogwe inom, helime silerik inom inomamet fisikhi logogin,” Iluk ugunem holhi o.

MATIUS 17:2

at ebe it ineilhanem, hunogoat hilinglaga logolik he, elokhonggen mo eil hangge hilinglagik, asu laberek mene kut mondok amulit hokhorogo hilinglagik isikhe.

LUKAS 4:22

it afuni omanogo nen he, mel isukwa: ”At yi ap Yusuf amlogo a'nogo lek nogo? Araro. Meneat he, aren wene fano mondok yaganisikhe andi nailo e,” iluk fogeratukwa.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 7:46

iren he, mel yagaisasukwa: ”Eige! Wene aren ili'logo andi hak he, it ap ekhe nen wene a'nogo ugunem isogorek lek meneat he, aren wene hunogoat ili'logo andi nen ebe herakfogo o,” iluk, yagaisasukwama re,

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.