MAZMUR 42:6 - Allah Wene Fano Wene Hupla Inane

⁶ An nenahalok nendawimo warikhi logolik weak logogin nogo? Haren telnabigin iluk, hoba eberek mondok logogin o. A'nogo telnafunem, hobuk neisena Allah telnafendek mene hai wathafik fogethafik, iginat anggikhi lagi o.

MAZMUR 42:6 ပူးပေါင်းရင်းမြစ်များ

2 SAMUEL 17:22

A'nogo yagatukwama, at Daud agoromi inom i Yordan palogo wulibi lagaukwasik, i aik elikwe wulifukwa hak he, o hil arat lakfei wagaikhe.

2 SAMUEL 17:27

Nen, at Daud o Mahanaim lagunem he, ap Nahas aiba o Amon kota Raba mene andi amlogo enu Sobi andi inom, nen, ap Amiel aiba Lodebar mene andi amlogo enu Makhir andi inom, ap Barsilai aiba Rogelim o Gilead mene andi inom, inomen Daud ebe wanhukwa.

MAZMUR 133:3

athe lilengge tom Hermon oba nen o Sion punukwe pi wagarek higit werek. Andoma mondogat he ineluk mondok-mondok logogun mene faget At Tuhan nen fanot fisikherek.

MAZMUR 22:1

Afuni nen wuni wulagaisogo inebe seberogo ugu kwelek yagaisugu mene faget, wuni rusa o wei igiluk ugu kwelek agarek awuni a'nogo higithogo: At Daud awuni.

MAZMUR 43:4

An nebe Hat faget mezbah wam yi mene ti mene warogo nolhetarek oba andoma nen an nendawimo nagaiyek higirek mene re, Hat hebeat welagen andi nen he nendawimo hokhorogo nagaiyek hikhi lagi mene andi, pinggong aneba fogethafi logogin o. A'nogo hilingiti logolik, neisena Allah, neisena Allah, iluk hai wathafik, fogethafik, ikhi logoigeluk yagaheti lagi o.

MAZMUR 43:5

An nendawimo warikhi logolik, fenggekhugu mondok logogin andi re nenahalok nogo? Haren telnabigin iluk hoba eberek logogin. A'nogo telnafunem hobuk neisena Allah telnafendek mene hai wathafik, fogethafik, iginat anggikhi lagi o, iluk wuni watikhe.

MAZMUR 61:2

Neisena Allah an nane kwetu welagi mene yi hesanggo holin o, Nen an nen samban ikhi lagi mene andi fut nobagakhi logoin o.

YUNUS 2:7

Nendawimo nen, an arat wa'lasigin higi iluk anggigirigen, hat hoba ebethiigirik he hayonggo figimo, hat hebe honggwarek hawi wuri'mo hore'ma logolik, nane hesanggo holhen.

MATIUS 26:39

at ale'ma horogat lagaikhesik elokhe sagaum weing lagaikhesik he, Allah ayonggo fikhi logolik, mel yagatikhe: ”Neisena! An weagetnabugun andi telnabigin halok he, telnabino,” iluk u hak, ”Amusu hinago noageluk wo'nesugun andi, wokhagain halok he, wokhano. Nen, lek halok he, an nendawimo anggigi mene andi lego. We, hat hendawimo anggegen mene andiat hilingnabino o,” iluk samban isikhe.

MATIUS 27:46

Mum werek kwelek, jam 3 arat asi lagaikhemo re, at Yesus nen, Eisena Allah yagati logolik, nit ninaneba re, ”Allah Neisena! Allah Neisena! An nenahalok heraknobagegen,” iluk u hak it inaneba ”Eli eli lama sabakhtani,” iluk ane hokhorogoat yagatikhe.