MAZMUR 42:5 - Allah Wene Fano Wene Hupla Inane

⁵ O attak afuni inebe hokhorogo andogosuogeluk lagunem, At Tuhan Awi wuri'mo laga logolik, it afuni esa logalogo lagu kwelek attak laga logolik, wuni At fogeratarek awuni watik, nagaiyegetik, hilingirik laga-lagagi mene aremnogo ebet haluk he, an nendawimo mondok heiselhi lagi o.

MAZMUR 42:5 ပူးပေါင်းရင်းမြစ်များ

AYUB 13:15

An nen nendawinggen mondok warikhi logolik he, a'nogo hilingisigin anggigirik hilingiti lagi. Nen, At Allah nen an pinggi noasigin anggili'lago halok ogore noasuageluk herakfagain, oba nen he an nobabut hilingiti lagi mene faget he, At elokhoma andoma nen ogo nalong palagain.

MAZMUR 35:14

Ap inagaila'lak inamep mene inom, it inagaila'lak ekhe inom hundik mene inobaget samban agarek higit ikhi lagi. An nonggwarek nagaisa faget obaget le aga logolik hakhogo, an nunggul somarek logolik it inobaget le yaginafu welagi.

MAZMUR 37:7

Hit hinendawinggen hambuget haluk logolik hineisena Tuhan serogo logoino, Aren hilingisigin mene oan werek kwelek hinafe morogo serogo logoino. Afuni nen hilingitunem ambisangma fano asigin mene faget hinendawinggen abolok u fuk.

MAZMUR 38:6

An nen mondok nonghonghogo hilingiti lagi andi nen he, nebene noumo omanogo re kurele wulifi logolik, amben mondok palogo wulibi'logo.

MAZMUR 42:11

It naselei mene nen, an hundik-hundik yaganeti logolik he, ”Allah haren fogerati lagen mene a'nogo koma werek?” iluk yaganetu mondok were'ma re, an nendawinggen warikhi lagi o.

MAZMUR 43:5

An nendawimo warikhi logolik, fenggekhugu mondok logogin andi re nenahalok nogo? Haren telnabigin iluk hoba eberek logogin. A'nogo telnafunem hobuk neisena Allah telnafendek mene hai wathafik, fogethafik, iginat anggikhi lagi o, iluk wuni watikhe.

MAZMUR 44:3

It Hat hagainafuri mene it ekhe inunggulenu amu mene inanggweang oba andoma logouwageluk he, Harenat mugusogo wulak fisasigin o. It afuni inunggulenu amu mene re Haren it inebe alomat fisikhi lagagin oba nen he, it hat hagainafuri mene nek he inebe saga ilik laga logouwageluk hilinginafi lagagin.

MAZMUR 56:11

At Allah nen abok wene wa'nete andiba re, At ebe hundik-hundik fogerati lagi o.

MAZMUR 56:3

Linggene hundik-hundik he it an ninom seleirogo welago mene omanogo nen alperelnabi weri'lagwi o, Neisena Allah Hebe Lego welagen mene, it inebe hokhorogo nen he, an it inaselei mene hilingnobagali'lagwi o.

MAZMUR 61:2

Neisena Allah an nane kwetu welagi mene yi hesanggo holin o, Nen an nen samban ikhi lagi mene andi fut nobagakhi logoin o.

MAZMUR 71:14

Oba nen he, an enek he Hat hoba nendawinggen eberek mondok logolik, Hat hobaget ekhe inom hokho pokhorogo fogethafu welagirego.

MAZMUR 77:3

An noba nonghonghogo logolik At Allah ba samban ikhi lagi, nenggi senap higi'lek At oba liabek mondok welagi, oba nen he nendawimo kon nobagali'lago lek.

YESAYA 30:29

Oba nen he hit Allah againafuri mene re linggene hokho meneba fogerati logolik, hubanggo wuni watarek hakhogo hinagaiyegeti logolik wuni wati logogun. Hit he afuni nen inanggilukhogo pinggong seruling oba futhilik lagunem he, uluk-uluk Tuhan Israel mene inalong palinaferek mene a'nogo awi wuri'mo andoma lagaikharek mene nen hilingitarek hak hilingiti logogun.

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

BILANGAN 6:26

Tuhan nen endawirogo logolik, hinendawinggen hambugethinafi logouwago, iluk yagaisikhi logoino,” iluk yagaisoageluk yagatikhe.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

MATIUS 26:38

”An nendawinggen mondok weak agasik wa'lasigin hangge hilingnabi'logo o. Halok, hit ya logolik he, ninomat ninebe hebelogo logouwok,” iluk yagaisaluk he,

1 SAMUEL 30:6

At Daud agoromi omanogo re ninagagwi, ninagainafuri nalagaikhama iluk he inendawinggen heiselhi lagaukwa. Andiba re iren at Daud huk helep wasugun iluk hilingiti lagaukwa. A'nogo hilingitunem Daud oba enggin-fenggin mondok hokhorogo hikhi lagaikheba nen he, at endawinggen eisena Tuhan Allah nen omamet fikhi lagaikhe.