MAZMUR 42:4 - Allah Wene Fano Wene Hupla Inane

⁴ Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

MAZMUR 42:4 ပူးပေါင်းရင်းမြစ်များ

2 RAJA-RAJA 18:30

Aren yagahisikhi logolik, Tuhan oba hinendawinggen himbirik were'ma elok telninabigin iluk yagahisili'lagwi mene andoma inane holhubo. Nen hit hinendawimo nen he, Tuhan nen elok telninafik, ninawi kota Asyur sebelinogo iluk mugusogo lakfisigik, igin iluk hinendawimo anggagubo.

2 RAJA-RAJA 18:32

A'nogo nunggu were'ma, an nen hobuk hit o ekhema hinonggwarek hinawi hanggeat hilingi'mo hinobagai lagain o. O andoma re, kweang anggur yabu mondok muli fanoma anggur enggen hokhorogo itunem paligik, gandum yabu enggen hokhorogo itunem tepung sagalogo fuluk ninggik, ikhi logogun o. O andoma re, e zaitun ero mondok hokhore'ma, enggen amusu inom, kin amusu inom, hokhorogo ninggi logogun o. Hiren an yagahisigi mene andi nane hinesanggo holimbik, hat egen mene andiat hilingisugun o, iluk ugun halok, hit hinebe wa'lagi'lek hineluk logogun o. Ma re, at Hizkia nen eranhogo lalhinafi logolik, Nineisena Tuhan nen telninabigin o, iluk yagahisili'lago mene andi ane hinesanggo holu fugo.

2 TAWARIKH 7:10

Ohealekwe re tanggal 23 bulan sabit meneba werek kwelek he it afuni omanogo inaiba loageluk at Salomo nen yagaisasikhemo, inaiba lagaukwa. Nen, iren he Tuhan nen againafuri inunggulenu Israel mene inoba inom, at Daud oba inom Salomo oba inom, mondok fano mene nek hilingfisasikhe andiba re, inagaiyegerik lagaukwa.

AYUB 29:2

”An nebe attak Allah nen fetnarek logolik halnafunem welagagi aremnogo hakhogo, nebe a'nogo logoile ago iluk anggikhi lagi.

MAZMUR 100:4

Hit hinebe nineisena awi ambe palek oba andoma kwikhi logolik he wuni hai watu awuniba ilik kwi waga logoino, At awi solombon ambe palogo wurik oba andoma kwikhi logolik he Wuni fogeratarek awuni warik kwikhi logoinoat. Hiren he At enek legeisogo fikhi logolik fogerati logoino.

MAZMUR 102:10

An he wul omanogo namburu higit agunem nunggu welagirek, neilamusu re nagai higit agunem nunggu welagirek.

MAZMUR 115:2

It afuni inunggulenu lombogen he, ”It ineisena Allah ebe koma werek,” iluk nenahalok agarek nogo?

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

MAZMUR 122:8

Nerugwi nagaila'lak, nogogwi nagoromi, hit hinalisikhogo, ”Fano liokhogo logobagaigen iluk,” an nen yagahisikhi lagi.

MAZMUR 55:14

Oba nen hat he an nagailak, namep mene, ninom horokhogo welago mene a'nogo nenat an eil nafi lagen o.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

MAZMUR 79:10

It afuni inunggulenu amu mene nen nit faget ikhi logolik he, ”It ineisena Allah andi ebe koma werek?” iluk heinok wani nogo. At he nirogo it ap inunggulenu inap andoma nen Hat hamingmingengge inoata mene omanogo inunggulmo hilingfisugunem hogoin aro.

MAZMUR 80:6

Haren he nit ninamburu nahak he, le aga lago mene andi wo'nisigik, nen ninagai nahak he nineilamusu mondok hokho pokhorogo waga logouwageluk hilingninobagagik, ikhi lagen.

YESAYA 30:29

Oba nen he hit Allah againafuri mene re linggene hokho meneba fogerati logolik, hubanggo wuni watarek hakhogo hinagaiyegeti logolik wuni wati logogun. Hit he afuni nen inanggilukhogo pinggong seruling oba futhilik lagunem he, uluk-uluk Tuhan Israel mene inalong palinaferek mene a'nogo awi wuri'mo andoma lagaikharek mene nen hilingitarek hak hilingiti logogun.

RATAPAN 2:19

Hit hinendawimo anggikhi lagep mene andoma Tuhan oba fakhogo yagati logobagaigen he enu hombuk palhi logolik, ekhe sambul ekhe sambul hup enggen tulem hineluk aga logoino o. Hit hinagainafuri sumburu nele nen kwe unggut-unggut andoma inafe mori'lagwi andi faget he Aren endawit hinabuageluk, oba kinoti logoni o.

RATAPAN 4:1

Emas eil tibelenggeri'lago mene yi nogo re hobuk eil lombugikhe, helep o Allah Awi wuri'mo omanogo molulukhogo ebekhe kwe telfol ikhe.

YEHEZKIEL 46:10

Ap enu werek mene ogore Tuhan awi wuri'mo kwi waga logolik, afuni inom seberogo kwi laluk, wilibuogeluk ogore ambine seberogoat wilifi logogun.

YOEL 2:17

Nen it ap Allah eisewerek logolik, At faget hilingiri'lagwi mene andoma re, mezbah honggolek, solombon elokhoma mene honggolek tulem andoma nen le asuak. A'nogo le aga logolik, mel uak: Allah henupogot mene, neisena. Hagainafuri hendawirinabin o. Hat honggwarek hangge mene andoma afuni nen weagerinafunem he, it inunggulenu amu mene nen inane asegen wogisikhi logolik, It ineisena Allah re ebe koma werek? iluk ikhi logoinogo,” iluk ayonggo fouwagaluk yagaisasigi.

NAHUM 1:15

Yethani, ap yonggo misik ekhe o tomkwe a'lima nen waga logolik wene husumbi fano liolek logogun mene, inomame asugun mene faget waluk weri'lago a'li. Yago, hit afuni Yehuda mene yi sani, hiren he linggene hokho mene andi faget ebeti logolik, hineisena Allah ba yi'nogo hilingisugun iluk isigip mene andoma faget obaget fikhi logoni o. Ap inanini mondok weak mene re mondogat wolelenggen tagalogo lek agaikha hilingi'mo re, hit hinawi hinanggweang oba andoma afuni nen ekhe inomameba sebelhinabi wesugun lego.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

RUT 1:21

An nebe o yoma nen lagagi re, nenggi werek hogoat lagagi, meneat he, yogondak neisena Tuhan nen nambotkwe nenggi lekhogo wo'narek waga. Andi nen he hiren an nenu Naomi re ikhi logou fuk, an he ”Tuhan Omame Mondok Hokho mene a'nogo nen enggin-fenggin hokhorogo hilingisogo nobagaikhemo welagarik waginggere,” iluk yagaisasikhe.