MAZMUR 42:2 - Allah Wene Fano Wene Hupla Inane

² Allah neisena, no rusa agai nele nen endawimo age lagagunem heinet watherek andi hak, an nendawinggen Hat hoba nunggunem welagi o.

MAZMUR 42:2 ပူးပေါင်းရင်းမြစ်များ

AYUB 23:3

We an At Allah ebe werek oba andoma nelu logoilepma nen he, an lelesik At ninom ambi asu mene agwi.

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 43:4

An nebe Hat faget mezbah wam yi mene ti mene warogo nolhetarek oba andoma nen an nendawimo nagaiyek higirek mene re, Hat hebeat welagen andi nen he nendawimo hokhorogo nagaiyek hikhi lagi mene andi, pinggong aneba fogethafi logogin o. A'nogo hilingiti logolik, neisena Allah, neisena Allah, iluk hai wathafik, fogethafik, ikhi logoigeluk yagaheti lagi o.

MAZMUR 63:1

Daud ebe o Yehuda leimo logolik wuni watikhe mene.

MAZMUR 63:3

Hat hebe hawi wuri'mo omanogo were'ma, an neilenggen tukhumhogo hebe kumut hiigik, nen Homame welagen mene a'nogo inom, fogethafarek mene a'nogo inom kumut hiigik, ikhi logogin o.

MAZMUR 84:10

Hat neisena Allah nen he, nit ninoe raja enggiba welagorek mene, Haren wenatigin mene andi at ebe fanot fikhi logoino. Hawe a'ma fikhi logoino.

MAZMUR 84:2

Neisena Allah, Homame Mondok Hokho mene! Hat hebe welagen oba andoma re nendawinggen yamukhogo werek oba welagen o.

MAZMUR 84:4

Neisena Tuhan, Homame Mondok Hokho mene, An neisena Raja re, Allah Hat hebeat welagen, Neisena sue ulue inom, helalimbo inom mene ogore, eak tagaisogo feigeluk he mezbah era'lu horokhogo andoma ineagwi tago fisouwogoluk inawi wurogo welagaikharego.

MAZMUR 84:7

O Baka tonggwe iringik weakwe andoma laga logolik, iren i elesi wulifukwe yenggelhigik fouwogeluk hilingitunem, attak meiso oba heilarogo pelagisa wagunem inendawimo fanorinafi lagagin andi.

KELUARAN 23:17

Tahun hundik-hundik oba hiren seni ero henagan mene andem faget isati logolik he, ap mene nek inebe mondogat he, An ineisena Tuhan Allah nambit andogosi waga logogun.

YESAYA 26:8

Tuhan nineisena, nit he Haren wene tekhogo ikhi lagen mene omanogoba higithogo hilingiti lagolik, Hat hebe nenangot hafu welago. Nit ninendawinggen ma nen fogethafik, ninagaiyegetik ugu mene re Hat hebeat welagen.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

DANIEL 6:26

A'nogo arat hilingi'luk, at raja Darius nen he, lisu palogo afuni inunggulenu lombok, ineisok erokwe lombok, inane lombok, o yi awi ti awi welagaikharek mene inoba lakfikhi logolik: ”Hinendawinggen hambukhogo fano logobagaigiluk he, hai wathinafi o,” isikhe.

YOHANES 5:26

Ineluk mondok welagaikharek mene ero an neisena onggwarek eise welagarek andi hak, an amlogo nenggiba fikhemo eisewerek welagi o.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

YOSUA 3:10

Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,