MAZMUR 41:2 - Allah Wene Fano Wene Hupla Inane

² Afuni nen it ekhe inenggi lek were'ma fut fisagarek mene andi re, inagaiyek hikhi logouwak. At Tuhan nen he ap andi oba nonghonghogo were'ma lebethikhi logogin.

MAZMUR 41:2 ပူးပေါင်းရင်းမြစ်များ

MAZMUR 27:12

Naselei mene ina'mage lagaluk ineranen wene lalogo weak hilingisogo nobagauwogoluk hilingiri'lagwi mene andi inenggiba re, nobagagun o.

MAZMUR 33:19

A'nogo ferinarek logolik it inebe wa'lasinogoluk Aren fanorogo telinafik. Sumburu ouwak were'ma ineluk fanorogo logouwagaluk ferinarek welagik, ikherek.

MAZMUR 37:22

Afuni Tuhan nen fanorinabigin mene re hobuk o abok yagaisasikhe mene andi, eise asimbik logogun. A'nogo meneat he afuni Allah nen homan fisagain mene andi re, o andoma nen mugusogo wulakfisagain.

AMSAL 11:17

Afuni inendawinggen sebelfakhaluk hilingitarek mene andi re inonggwarek fanoabet fakhagarek, afuni ina'mage weak mene andi re weak mene hokhorogo andogorogo fakhagarek.

AMSAL 14:21

Ap ekhe nen ap amu mene inabok palogo abiret fisikhe halok he andi aweagat hilingite, ap ekhe endawimo nen ap enggi lek meneba endawi hundik hilingite halok he agaiyekhogo logouwak.

AMSAL 19:17

Afuni inenggi lek mene leberisagarek andi re inangge Tuhan oba elama faget wogotarek, hobuk At Tuhan nen it leberisogoin mene a'nogo inangge oak waganogo wogisagainat.

AMSAL 31:20

It afuni ekhe yi mene ti mene werek lek halok, at angge mene endawinggen petethigi'legat wogisigik, inangge lek inelagaik mene lebekhogoat wogisigik, ikherek.

YEREMIA 39:17

Oba nen he hat hebe re An heisena Tuhan nen nawe a'ma fetharek logogin. Hat hebere ap haren hailorinafi lagen mene andoma inoba wogisogoin lego.

ULANGAN 14:29

Kabogesi wagunem, nunggu mene andi re it afuni Lewi mene it inanggweang le'ma it faget inom, afuni pok mene faget inom, omalik suarek mene inom, hemi sogwe hit hinawi kota andoma werek mene faget inom fisugunem, iren inendawimo anggikhi logogun higithogo hela waga logogun. Nen hiren a'nogo hilingiti logogun halok he, At hineisena Tuhan Allah nen hiren ekhe mene ekhe mene hilingitunem Aren fanoabet hinobagakhi logogin.” iluk yagaisasikhe.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.

RUT 2:19

A'nogo wogosi wagaikhemo, at Naomi nen he, mel yagatikhe: ”Yoma mondogat he, hat koma nen andogoten. O yogondak ap sa eabumo andogoten. Ap ekhe hat oba liok ikhesik fano wokhete mene andi Allah nen fanotfouwago,” iluk yagatikhe. A'nogo yagatikhemo, at Rut en he, ”Ap enu Boas eabukwe mene andogoti o,” iluk yagatikhe.