MAZMUR 41:13 - Allah Wene Fano Wene Hupla Inane

¹³ An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

MAZMUR 41:13 ပူးပေါင်းရင်းမြစ်များ

1RAJA-RAJA 1:36

A'nogo yagaisasikhemo, at Yoyada amlogo Benaya nen he, mel isikhe, ”Noe. Wene andi eberogoat hilinglasuak! Wene haren egen andi heisena Tuhan Allah anggikhebaat egen o.

1 TAWARIKH 16:36

Allah afuni Israel mene ineisena andi nek fogerati logoni, Yogondak inom hobuk inom mondok-mondok Arenek fogerati logoni o. A'nogo yagaisasikhemo it afuni Israel mene mondogaren he ”Amin”, iluk Tuhan fogeratukwa.

1 TAWARIKH 29:10

It afuni hokhorogo ineilhanem a'nogo re at raja Daud en Tuhan fogerati logolik he, yi'nogo isikhe, ”Tuhan Allah ninomba Yakub en fogethafi laga mene, neisena. Hat he hundik-handik fogethafu mondok logogun!

MAZMUR 106:48

Yogondak huli nen hobuk mondok-mondok andoma huli re it afuni Israel mene ineisena Allah andi nek fogerati logouwak, nen it afuni mondogaren he, ”Amin!” ikhi logouwak.

MAZMUR 147:6

Afuni sebelogo fisagarek mene re Aren legeisogo fisikherek, oba nen he afuni inobabut weak mene re sebelogo kweangma pelaginaferek.

MAZMUR 150:6

Yi mene ti mene ineluk werek engge andoma mondogaren he, At Allah nek fogerati logouwak! Tuhan fogerasuok!

MAZMUR 89:52

Tuhan neisena. Haselei mene nen ap raja Haren wenaten mene a'nogo inane asegen wokhili'lagwi o. Nen, at ebe yikwe tikwe lagunem he iren li'noratu mondok werego,” iluk Allah ayonggo fesikhe.

YEREMIA 28:6

”Fano egen o! Haren yi'nogo ti'nogo asigin iluk egen mene andi ebe eberogo tiphogo nek asigin logouwak, nen Tuhan nen eberogo yi mene ti mene o Tuhan aiba a'nogo mene inom, nen afuni inebe inom seberogo huginabi lagaukwa mene omanogo inom, nekhengge woginarek fisa wesigin logouwak.

BILANGAN 5:22

I homan ugu ari halabutmo kwikhi logolik, halabut puak igik, houwak ilugun kelok igik, igin.” iluk yagati logogin. A'nogo yagatunem, at he a'nogo nen onggo ikhi logolik he, ”An nen ogo Tuhan nen hilingnabuak anggikhi lagi,” iluk igin.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

1 KORINTUS 14:16

Andi hagat he, hat ekhe nen Allah Areagun nen yagahetu kwelek inane honggot mene elalinat ikhi logolik, ”Allah neisena,” iluk hai wasigin halok he, at ekhe onggot mene nen futfigi'lek logolik, ”Wene ikhe andi ebe asuak,” iluk u hak, ”Amin,” iluk ugun nogo? Wene hat igin andi re, at onggoren, a'nogo ugun elo'lek andi o.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

WAHYU 11:17

”Allah Nineisena, Hat homame hokho mene, Attak welagagindik yogondak inomat welagen andiba, Yogondak hat hebe kain Henupogot logolik, Afuni mondogat hawe a'ma arat fisegendik, Ferinarek mondok welagen andi nen, Hai wathafi lago.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.

WAHYU 4:8

It andi inebe enggaminogo mene re, inebe lombok inogolabi falfaligen were'ma re, inomak abel endakwe inom, a'makwe inom, ineilenggen mondok hokhorogo welaga, were'ma re, inane kamo igi'lek, lingge hundik, hup hundik, Allah apne wanhi logolik he, ”Nineisena Tuhan Allah omame hokho mene, Attak tegelek welaga, Yogondak tegelek werek, Hobuk tegelegat logogin,” iluk fogeratu mondok welagaikha.

WAHYU 7:12

A'nogo fogerati logolik, anggup yi'nogo ikhi lagaikha: Wa u wai a ”Ebe asuak u hak, Amin, Nineisena Allah halegat hokho, Yi wene ti wene helu mondok logolik, Hat homameba fetninarek were'ma, Hai wathafik, fogethafik, Agaugwethafik, esinethafik, Ugu mondok logogun andi, Ebe asuak u hak, Amin,” iluk wuni wati lagaikha isigi.