MAZMUR 40:9 - Allah Wene Fano Wene Hupla Inane

⁹ Allah neisena, an he Hat hamolo anggikhi lagen mene andoma hilingitu mene faget he nagaiyek anggikhi lagi o, Hat hawene melalek a'nogo an nendawimo fakhigirik welagi o,” iluk ikhi lagi.

MAZMUR 40:9 ပူးပေါင်းရင်းမြစ်များ

MAZMUR 119:13

Hat hawene melalek wo'netigin mene andomaba, an nambeba nen tindelhi lagi.

MAZMUR 139:2

An nobabut hilingitirek mene mondogat he Hat helu welagen, Hat hebe yatma nen he, an nen ebetirek mene futnobagakhi lagen.

MAZMUR 22:22

An he nomame lek welagimo re no kambing andimuk hanggeba inom, singa aik werelek kabuk hanggeba inom, noasuogoluk ili'lagwi mene andomaba nentelnabime o.

MAZMUR 22:25

At Allah re afuni nen sebelogo fisagarek mene andi inoba re sebelek hangge iluk anggikherek lek. Nen yi enggin ti enggin hili'lagwi andi re, se mene hili'lagwi iluk anggikherek legat. Telninabin iluk yagatunem, elokhe hebekhogo herakfisaluk lagarek legat. Oba nen he iren lebetninabin o, iluk yagatunem he Aren inane esanggo holherek.

MAZMUR 35:18

Andiba re an nen it hagainafuri hokhorogo kabokse'ma andoma ineilhanemen, Hat hai wathafik, Nen it inebe andogotukwe andoma nen fogethafik, ikhi logogin.

MAZMUR 37:31

It andi re wene Tuhan Allah nen komotninafikhe wene a'nogo inendawino mondok peterogo were'ma re, ebekhalem ineisok peikhogo warigi'lek fanorogo lagaikharek.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

IBRANI 2:12

Aren Allah yagati logolik: ”An nen Hat hebe faget nerugwi nagaila'lak yagaisigik, againafuri andogotarek mene omanogo inanggele'ma logolik, fogethafik, ikhi logogin o,” iluk yagatikhesik,

YOSUA 22:22

At Tuhan andi re Omame Mondok Hokho mene werek! At Allah andi re Lego Mondok werek! Athe niren ebetosik hilingito mene andi re elurek, nen hiren ogo ninggi'nogo hilingita iluk andire hinelu asuak anggikhi lago! Niren ambi Tuhan ane sagalogo fogoin iluk hilingito halok a, athe niren At oba eberogo angga mene werek legen a'nogo hilingito halok a, nit yogondak ya nen wa'lasugun fano aro!