MAZMUR 4:6 - Allah Wene Fano Wene Hupla Inane

⁶ Tuhan faget fano mene nek wogosi we'luk, hinendawinggen At oba tibet fuluk logoni.

MAZMUR 4:6 ပူးပေါင်းရင်းမြစ်များ

MAZMUR 119:135

Hat helokhoma nen an fanoabet nobagain, Haren wene melalek fesigin mene andi an hundik-handik yaganeti logoino.

MAZMUR 21:6

Haren lebethuguba nek at ebe ap lego mene hilinglaga, Harenat at ebe enu lego logolik anggiluk werek mene logouwageluk hilingisogo fegen.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

MAZMUR 42:5

O attak afuni inebe hokhorogo andogosuogeluk lagunem, At Tuhan Awi wuri'mo laga logolik, it afuni esa logalogo lagu kwelek attak laga logolik, wuni At fogeratarek awuni watik, nagaiyegetik, hilingirik laga-lagagi mene aremnogo ebet haluk he, an nendawimo mondok heiselhi lagi o.

MAZMUR 44:3

It Hat hagainafuri mene it ekhe inunggulenu amu mene inanggweang oba andoma logouwageluk he, Harenat mugusogo wulak fisasigin o. It afuni inunggulenu amu mene re Haren it inebe alomat fisikhi lagagin oba nen he, it hat hagainafuri mene nek he inebe saga ilik laga logouwageluk hilinginafi lagagin.

MAZMUR 67:1

It ekhe nen Allah fogerati logolik pinggong oba wuni wati logouwagaluk felalogo watukwa mene.

MAZMUR 80:19

A'nogo fisogo logogin halok, nit Hat hebe herakhobagaluk ale'ma kwanirogo logoin mondok lego. Nit nineluk logolik, Hat fogethafu logouwagaluk, fanorogo fetninarek logoino o.

MAZMUR 80:7

It afuni inunggulenu lombok, nit horok horokwe werek mene omanogo nen he, nit ninanggweang sebeluogeluk inane sagalhunem, it ninaselei mene omanogo nen endo ya'ninafi logolik inagaiyek asuageluk hera'ninobagegenma welago andi.

MAZMUR 89:15

Hat hebe raja mendek logolik melalinafu welagendek oba andi ebe ero re, Hat hawene melalek inom, higithogo hilingiti lagen mene inom andi aro. Haren hendawirinafendek mene andi inom, tiphogo nek hilingiti lagen mene andi inom he Hat hobabut hilingiti lagen mene andiba weinam agarek.

YESAYA 55:2

Yi mene ti mene hinoba homot hinobagaikherek lek mene faget huniti lagep andoma re ninggi nogoluk nogo? Nen hinoba homothinobagaikherek lek mene faget yabu hilingirik hobalik laga lagep andoma re nenahalok nogo? An nen hilingi'ni iluk yagahisikhi lagi mene andi higithogo hilingisugun halok, hiren fano mene nek ninggi logogun o, nen enduk fano fanonggeba isagongge ninggi logogunat.

MALEAKHI 3:3

Aren it a'nogo ayo wurogo hilinginabi waga logolik he, aben perak endu oba elokhe pugunhogo hilingitarek hak hilingisigin. Nen, afuni nen logam meneba emas inom perak inom endu oba elokhe pugunhogo hilingitarek hak Tuhan nen yonggo lakfei wesigin mene andi re, it imam omanogo nen Tuhan obaget wam yi mene ti mene warogo noletu mene omanogo At endawimo anggikherek higithogo fikhi logouwageluk pugunet fisagain.

BILANGAN 6:26

Tuhan nen endawirogo logolik, hinendawinggen hambugethinafi logouwago, iluk yagaisikhi logoino,” iluk yagaisoageluk yagatikhe.

LUKAS 12:19

A'nogo fakhambik werek kwelek he, nonggwaregen komorikhi logolik, Yogo. Mo lagagik, pigik, ugu kwelek yi tahun ti tahun faget nagarek hokhorogo higithogo fakhigiri'mo fano. Yogondak set walogo logolik, sumburu ninggik, enggen amusu ninggik, ninggi logolik he, nendwimo nagaiyek hikhi logogin o, iluk, nonggwarek komorikhi logogin, iluk anggikhi lagaikhemo,

LUKAS 16:19

A'nogo yagaisasikhesik he, hobuk at Yesus nen wene ekhe mel yagaisasikhe: ”Ap ekhe kain angge mondok hokhorogo logolik he, asu onggo hokho fano mene nek laberaluk, yi mene ti mene fano mene anggele'ma heakhogo logolik, hundik-handik endawimo agaiyekhogo nek welagaikhe.

ULANGAN 33:19

A'nogo logolik, afuni inunggulenu ekhe mene inayonggo foumo, it Zebulon mene inandom oba andogosi we'luk, wam yi mene ti mene hat hobaget nolheti logogun obaat eberogoat nolhesi waga logouwago. Nen, it Zebulon mene andi re, yi mene ti mene fano mene, i laut oba mene heligik, ial laut era'lukwe welagarek andoma mene heligik, ikhi logolik, ineilmo wulalhak aga logouwago,” iluk yagatikhe.

YAKOBUS 4:13

Hit ekhe nen he, ”Yogondak he a? Ohealekwe he a. O ale'ma lambik he, tahun misigat hangge logolik, yi mene ti mene onggo wanhik, saburigik, ikhi logogin,” iluk ikhi lagep andi ri!