MAZMUR 4:5 - Allah Wene Fano Wene Hupla Inane

⁵ Hinailo nen hinoak leigesugun oba nen he weak ekhe inom hilingisu fugo. Hit hinebe nogokhi lagep oba wengik logolik he, hinane igi'lek logolik hinendawimo nenat fanorogo ebeti logoni.

MAZMUR 4:5 ပူးပေါင်းရင်းမြစ်များ

2 SAMUEL 15:12

At Absalom a'nogo lagaikhesik Allah anggo warogo noleti logolik, ap ekhe inayonggo fesikhesik, it ap Daud agoromi kaindek, ”Wene andi weak, yi higit,” iluk yagati lagaukwa mene ekhe enu Ahitofel, o Gilo were'ma wolesi loagaluk lakfisasikhe. A'nogo hilingiti logolik, Absalom en afuni inendawimo kagalhi logolik, ”Nit ninoe raja Daud he ninabit, at he Absalom andi aro,” iluk uageluk inendawimo kagalik nikhi lagaikhe re, andi. A'nogo inendawimo kagalhunem, afuni at Absalom ebikhit mene re inebe hokho arik hokho arik mondok hokhorogoat hilinglagaukwa.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 26:1

Tuhan neisena, an he nendawinggenma nen mondok higithogo welagimo re, Haren katokhogo nek hilingnobagain o. An he Tuhan hoba nek nendawimo eberek mondok logolik he, we endebengge iluk ogo nendawinggen ekhe pire pare ili'lago mondok lek.

MAZMUR 37:3

Hinendawinggen Tuhan oba himbirik logolik he, fano mene nek hilingiti lo goino. Hinebe hinawi welagep oba andiat logolik he, hinobabut higithogo nek hilingiti logoino.

MAZMUR 50:14

Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.

MAZMUR 51:19

Allah hobaget wam warogo nolhesu hak he, nit weak hilingito halok, nit weak hilingito iluk, ninendawinggen warugu logolik, ninafe hebela'luk Hat hoba wagunem, Haren he,” It hilingita andi weak hilingita iluk obokhogo herakfisigi'lek, hilingiti lagen mene andi aro.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

MAZMUR 77:7

O hubanggore nendawimo wenggelhugu logolik he, nonggwarek nendawimo heinok wanhu welagi.

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

YESAYA 61:8

Tuhan nen he, mel ikhe: ”An he, afuni inobabut weak logolik, yi enggin ti enggin hilinginafarek andi re mondok nabit logolik, higithogo hilingiti logogun andiat namolo welagirego. An he, nebe hit hinoba lomborogo logolik, onggo fano mene wokhisigik, wene mondok logogin mene warogo wokhinafik, ninom hundik welagik, igin o.

MALEAKHI 1:8

Hiren an nobaget wam ekhe eil puk mene inom, oba ou mene inom, eisok weak mene inom, nobagegep halok he, andi an nobagau higit oba nobagegep nogo? Andi mondok weago. Hiren wam ariginik mene gubernur faget fisogoin halok, at endawimo fano asimbik hinebe fanorogo wokhinabu hak nogo? Mondok elo'lego,” iluk ikhe.

MATIUS 5:23

Halok he, hat sa nen hangge fano mene waluk Allah awe a'ma fei laga logolik, hendawimo nen he, ”Nagailak a'nogo nen, at weak hilingitemo, wene noba fili'logo, iluk honggwaregen hendawinggen ebetlasi waga halok he,

ULANGAN 33:19

A'nogo logolik, afuni inunggulenu ekhe mene inayonggo foumo, it Zebulon mene inandom oba andogosi we'luk, wam yi mene ti mene hat hobaget nolheti logogun obaat eberogoat nolhesi waga logouwago. Nen, it Zebulon mene andi re, yi mene ti mene fano mene, i laut oba mene heligik, ial laut era'lukwe welagarek andoma mene heligik, ikhi logolik, ineilmo wulalhak aga logouwago,” iluk yagatikhe.

1 PETRUS 4:19

Hit Allah endawimo anggasikheba at hinoba yi enggin ti enggin a'nogo hikhi lagep halok he, hinendawimo nen he, ”At ninebe elalninafikhe mene andiat oba himbirik logogun he, fano,” iluk hinendawinggen at oba eberogoat himbirik logolik hinobabut fano hilingiti logoino.