MAZMUR 4:3 - Allah Wene Fano Wene Hupla Inane

³ Yago, hit afuni nen Allah enu sebelogo fugu welagep mene andi ki huli nen a'nogo nek hilingitu logogun nogo? Ka huliba hiren we hesangge mene faget enek hinendawi hundik hilingitik, eberogo lek mene faget murok lagik, hilingiti logogun nogo?

MAZMUR 4:3 ပူးပေါင်းရင်းမြစ်များ

MAZMUR 31:23

An nendawi nonghong ugunem logolik he, An he Tuhan elokhoma nen hukniikhe hea, iluk anggikhi lagi. Oba nen he, an nen At enu hombuk palogo yagatu sambul he, Aren an nane ugu mene a'nogo esanggo holi'lago.

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

MAZMUR 50:5

Aren ikhi logolik he, ”It An nagainafuri mondogat ninom wene watugusik, wam warogo omameap etugu mene andoma mondogat andogerinabini o,” iluk ikherek.

MAZMUR 56:9

An nebe leil warik nikhi lagi andi re Haren linggene ti nen iluk henggi wenago welagen, nen an neil amusu tephogo pili'lago mene andoma mondogat he Haren mondogat wenagaisogo fikhi lagen lek nogo?

MAZMUR 6:8

Nendawinggen heiselhi logolik neilenggen mondok mum ari'lago, nen it naselei mene omanogo faget he neilenggen mondok mep sagalogo ou eri'lago.

MAZMUR 62:10

Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.

KELUARAN 33:16

Haren nit lebetnisaganin lek halok, afuni nen he, Musa inom, afuni Israel mene inom, inebe at Allah oba liok ili'logo higi, iluk ninggi'nogo nen inelu asugun anggegen. Hat nit ninom mondok logogun andiba afuni kweangma welagaikharek mene ekhe hunogoat, nen nit Israel mene hunogoat, enegat asigin o,” iluk yagatikhe.

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

2 TIMOTIUS 2:19

Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

2 PETRUS 2:9

A'nogo meneat he, afuni ekhe Allah amolo mene hilingitunem inendawimo kagaligeluk wagunem, nineisena Allah Enupogoren telinafik, nen it ekhe weak hilingiri'lagwi mene halok, wene hobuk inoba feigeluk ferinarek welagik, a'nogo hilingisigin elu logoligat elok hilingisigin o.