MAZMUR 4:2 - Allah Wene Fano Wene Hupla Inane

² Neisena Allah an nili wo'nafu mene re Hat hamunek welagenma re, an nen Hat henu ugu halok he, Hane onggo yaganeti logoino o. An nobakhe palek were'ma Harenat lebetnafi lagenma re, yogondak an nen samban ikhi lagi mene yi nane hesanggo holfembik he hendawit nabin o.

MAZMUR 4:2 ပူးပေါင်းရင်းမြစ်များ

MAZMUR 106:20

Iren he Allah Legeisogo Mondok fagarek mene a'nogo agamhogore, no sapi engga ninggerek mene a'nogo inom higirap etukwa.

MAZMUR 14:6

Afuni weak hilingitarek mene nen he, it afuni inelagaik mene nen hilingitarek mene omanogo kwe palogo fisagarek. A'nogo hilinginafarek meneat he, At Tuhan nenat, inebe at awe a'ma fisikherek.

MAZMUR 2:1

Yi afuni ti afuni hokhorogo inane sagalek-pagalek hilingiti logolik, Afuni inunggulenu lombogen ”Yi'nogo hilingisuok,” iluk tulemat ili'lagwi andi nenahalok nogo?

MAZMUR 3:3

It inebe fena hokhorogo nen ikhi logolik he, Allah nen at lebethagain lego iluk ili'lagwi.

MAZMUR 31:6

An nebe mondok-mondogat Hat henggiba fikhi lagi o, Neisena Tuhan Allah, higithogo nek hilingiti lagen mene, Harenat an hele fikhalogo wulak nobagakhi lagen o.

MAZMUR 5:6

Hat he ap fogerakhagarek mene andi inelokhoma kwelagisa re habit welagen, nen afuni mondok weak hilingiri'lagwi mene andi faget he haren habsirit fisikhi lagen.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 57:4

At ebe pogoroba nen an nane onggo yaganetik, nen nagap telnafik, ikherek. It afuni an noba enggin-fenggin fagarek mene omanogo re Aren enek leget fisikherek. At Allah nen an noba tiphogo nek hilingiterek mene inom, nen hundik-handik endawit naferek mene inom inuk neagain logou hago.

MAZMUR 58:1

Afuni nen wuni wulak fuluk inebe seberogo ugunem yagaisugu mene faget, wuni unggulenu Leget fisa fuk, iluk agarek mene andi bene felalek mene. Daud Awuni.

MAZMUR 58:3

Mondok lego, o yomaba hiren wene weak mene nek melalogo figik, nen hinagaila'lak inangge hinenggi abisak teligik, hilingiti lagep andi.

MAZMUR 63:11

It andi inebe re weim yafi logolik inoasumo wa'lasugun, nen it inebe warek he mene olomene nen nogoin.

MAZMUR 72:2

Aren it afuni Hat hagainafuri mene andoma inawene ayo wurogo pilingiti logolik he, wene melalek werek higithogo hilingiti logogin, nen it ekhe yi enggin ti enggin hilinginafunem weak hili'lagwi mene andoma ogore inawene higithogo nek pilingisikhi logogin aro.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

AMSAL 1:22

”Afuni hinobabut mondok kembu mene yi sani! O mera nen hinobabut weak a'nogo mondok hilingitu logogun nogo? O mera nen afuni inendawinggen kagalek mene inoba hinane asegen wogisikhi lagep mene andi palfogoin nogo? Mera huli nen wene yanggulugun ninabit iluk ikhi lagep mene andi, herakfisogoin nogo?

PENGKHOTBAH 8:11

Nena mene faget afuni nen inailo anggigi'legengge weak mene nek hilingitarek nogo? Andi re unggum weak-weak wogisagarek lek andi nen hilingitarek.

PENGKHOTBAH 9:3

Arigini'mo re inebe mondogat he obabut higithogo nek inoba fagain, nen o kweangma yoma yi'nogo ti'nogo hilinglagarek mene omanogoba nen inendawinggen mondogat heiselek mene re andi nek werek. At ebe eluk logolik oba re weak mene omanogo endawinggenma peterogo welagik, wenggelherek mene agore kemburogo nek ebethaluk igik, ikherek. A'nogo hilingitila'luk ferekhogo aremnogoat at ebe wa'lagarek.

YESAYA 20:5

Afuni Sudan mene inoba himbirik mene inom Mesir faget inawonok agaikharek mene inom inendawinggen heiselambik he fanotninabigin iluk eberek logogun mene a'nogo alomat lasigin.

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

YESAYA 59:4

Hiren wene ero lek kwelek hinane hokho a'luk katokhogo hilingiti'legengge aiyo wurogo eneti lagep. Hiren he, hineranhogo wene ikhi logolik, ebe lek mene omanogoba himbirik welagep, hiren ap amu mene alomarogo fisogoin iluk wenggelogo figik, hinaniniba nek hilingitik, hilingitu welagep.

YEREMIA 2:11

Ap inunggulenu misik mene ekhe nen iren apne wanharek mene andi ebe eberogo Allah re lek oba nen, iren ilah amu mene a'nogo inom agaum eta mene ekhe werek fuk, oba nen he An nagainafuri nen An noba inendawirogo werek mene a'nogo re, yi'nogo ti'nogo hilingisu mondok elo'lek mene a'nogo inom agaum eta andi.

YEREMIA 2:5

At Tuhan ane re yi'nogo ikhe: ”It hinombawi lagen he weak ningginik mene An noba were'ma neagasik, iren An li'norogo hilingnobagakhi lagaukwa nogo? Iren tugwi kembu yi'nogo ti'nogo hilingisu elo'lek mene a'nogo murok laga lagaukwba, ambisangma it inonggwaregat nonghong ikhi lagaukwa.

YEREMIA 9:3

ineranhogo wene ugu mene faget fikfouksek logolik werek inap. O kweang yi mondogat oba re eberogo hilingitarek mene a'nogo re sagarek werek lek, Henarogo hilingitarek mene nek he yikwe tikwe mondogat sagarek. Tuhan nen ikhi logolik, ”An nagainafuri nen he inanini mondok weak mene andoma palfigi'lek hilingiri'lagwi o, iren An nobaget nineisena Allah iluk fageri'lagwi mondok lego,” iluk ikhe.

HOSEA 4:7

Hit hinebe hokhorogo sik-pik ikhi logolik, An nelokhoma weak hokhorogoat hilingirik laga lagep. Yago, hit imam hinap yoma sani! Ariginhi lagep andiba re, hit hinebe hilingik welagep mene andi re An nen agamesigin. Hit he legeisogo hinobagakhi logogun lek oba nen weaget hinobagakhi logogun.

YUNUS 2:8

It afuni ekhe tugwi kembu ebe lek meneat fogerati logouwogeluk, hoba lomborogo welagi'lek herakhobagaluk wulifukwa andi.

BILANGAN 14:11

A'nogo weinam agaikhesik, Tuhan nen he, Musa mel yagatikhe: ”Afuni oma nen inenggi miren oba An ninom weim palek hangge hilingiti logogun nogo? An nen it futfouwageluk inanggele'ma hilingisu lek mene elalin mene hokhorogoat hilingitu kwelek meneat he, huli kiba nen inendawinggen An noba himbiretfogoin inabit nogo?

KISAH PARA RASUL 24:9

A'nogo yagatikhemo, it ap Yahudi mene fena omanogo nen ogo re, wene at oba fikhi logolik he, ”At Tertulus nen ikhe andi, eberogoat ikhe o,” iluk yagatukwa.

1 KORINTUS 1:31

Andi nenat he, Allah ane lisu palogo fikhi logolik he: ”Afuni nen yi mene ti mene faget fogerakhouwogeluk halok he, ninoe Enupogot hilingitikhe andi faget fogerasugun o,” iluk isukwama lisu palogo fesukwa.

EFESUS 4:25

Nit mondogat ninebe at Kristus enggi eisok hangge ninom hundik welago andi nen he, ineranen agarek mene andi herakfisaluk he, hinerugwi hinagaila'lak hinom hinane eberogoat mene nek ikhi logoino o.

1 SAMUEL 12:21

Hiren At ebe herakfisaluk, tugwi kembu ebe lek mene andi faget, aren telhinafik, lebethisigik, ikhi logogin iluk hinendawinggen oba himbiret fuluk at faget hilingirik laga logogubo.