MAZMUR 4:1 - Allah Wene Fano Wene Hupla Inane

¹ Afuni nen wuni wulak fuluk pinggong kecapi watu kwelek inebe seberogo ugunem melalinafarek mene faget Daud awuni yi.

MAZMUR 4:1 ပူးပေါင်းရင်းမြစ်များ

AYUB 36:16

Hat hebe mondok wiik-weakhogo were'ma At Allah nen fikhalogo hobagaikhemo re, hebe fani-fanorogo logolik, hagayo meja talek oba andoma hangge nunggungge mondok hoporogo welaga andi.

MAZMUR 11:7

At Tuhan andi re katokhogo nek hilingitunem he, afuni fanorogo nek hilingitarek mene re Aren endawi hundik hilinginaferek, nen afuni higithogo hilingitarek mene re Tuhan ebe ineilenggen haluk inelu agarek.

MAZMUR 116:16

An yi neisena Tuhan hamingmingengge mene o. Nagaisa nen Hat faget hilingiti lagaikhe hak, an ogo Hat fagerat hilingitirego. Nebe hele warek were'ma, Haren hele fikhalnafigin.

MAZMUR 116:6

At Tuhan nen he it afuni inenu lek mene fanorogo ferinarek welagarek. An nomame mondok lek logolik, nebe tela elo'lek were'ma, Aren an nebe telnafikhe.

MAZMUR 119:132

Haren afuni Hat hoba inendawi hundik hilinghafarek mene hendawi hundik hilinginafi lagen andi hak he, An nebikhit helokhe hebela'luk hendawi hundik hilingnabin o.

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

MAZMUR 17:6

Allah neisena, Hat he an nen yagaheti lagi mene andoma nane hesanggo holfuluk onggo yaganeti lagenma re, an nen Hat henu hombuk palhi lagi o. An nane ikhi lagi mene andoma hesanggo holnobagaluk he, heilenggen futnobagakhi logoin.

MAZMUR 22:1

Afuni nen wuni wulagaisogo inebe seberogo ugu kwelek yagaisugu mene faget, wuni rusa o wei igiluk ugu kwelek agarek awuni a'nogo higithogo: At Daud awuni.

MAZMUR 24:5

Inobabut ariginik mene re nineisena Tuhan nen telinabimbik, fanorinabigin werego. A'nogo fanorinafi logolik At Allah nen yagaisikhi logolik, ”Hit he weak hilingiti'lego,” iluk yagaisagain aro.

MAZMUR 25:16

An nane tingi tongorogo logolik mondok wiik weakhogo welagimo re, Hat heilenggen neambik hendawitnabin o.

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

MAZMUR 41:12

Nen an nebe it naselei mene nen mabenet nobagagu lek halok he, andiba Haren an hendawi hundik hilingnarek welagen mene a'nogo nelu asigin o.

MAZMUR 42:1

Ap Korah werekwe mene nen wuni felalogo watukwa mene.

MAZMUR 45:1

Wuni it inunggulenu Korah mene nen inendawi hundik hilingiti logolik watu mene faget felalhukwa mene. Afuni nen wuni wulak fuluk inane seberogo ugunem yanggulinafu mene faget, unggut seberogo agarek wuni enu Bunga Bakung iluk ikhi lagaukwa.

MAZMUR 56:1

Afuni nen wuni wulak fuluk inebe seberogo ugunem yagaisugu mene faget. Wuni sue merpati o yatkwe e bene afe mogol arue iluk ikhi lagaukwa mene andi faget apne waganogo felalhukwa mene. Daud ebe it afuni Filistin mene nen o Gat omanogo nen fakfesukwama, at Daud en isikhe awuni.

MAZMUR 57:1

Afuni nen wuni wulakfuluk inebe seberogo ugu kwelek yanggulinafarek mene faget, wuni unggulenu mondogat leget fisa fuk agarek mene andi bene felalek mene, at Daud ebe Saul agaiserogo oumo lagaikhesik isikhe awuni.

MAZMUR 6:1

Afuni nen wuni wulak fuluk pinggong kecapi watu kwelek inebe seberogo ugunem melalinafu mene faget, wuni asiok siregen mene, Daud awuni a'nogo.

MAZMUR 67:1

It ekhe nen Allah fogerati logolik pinggong oba wuni wati logouwagaluk felalogo watukwa mene.

MAZMUR 76:1

Afuni nen wuni wulak fuluk pinggong kecapi kongetu kwelek inebe seberogo ugunem yanggulinafu mene faget, Asaf Awuni.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YEREMIA 23:6

Nen, aren melalinafunem he afuni Yehuda mene re inagap telek logogun, nen afuni Israel mene re inailo lekhogo logogun. Raja andi faget he Tuhan nit ninagap telherek mene ikhi logogun.

HABAKUK 3:19

Tuhan Allah neisena, Harenat nomame wo'neti lagen. Wam rusa eisok wurikhogo fuluk lagarek andi hak, an neisok wurigetnafik, an nebe tomkwe lagunem fanorogo loageluk Harenat wo'narek lagik, ikhi lagen o, neisena,” iluk samban isikhe.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

2 KORINTUS 1:10

Nit ninebe mondogat ninoasugun iluk anggasugusi'mo nen, at Allah nenat telninafikhesik he hobuk telninabigin aro. Nit faget hit ninomat samban ikhi lago a'nogoba, hobuk telninafo logogin aro, iluk he ninendawinggen at oba himbiret fuluk welago. Hiren, nit faget samban ugu mondok logogun andiba, at Allah obabut fano nen nit telninafunem he, it afuni ekhe hokhorogoaren ineilenggen nisambik Allah hai wasugun aro.

2 KORINTUS 1:8

Nerugwi nagaila'lak. Nit o propinsi Asia a'lima nen yi enggin ti enggin hilingninafi lagaukwa mene andi hinonggot logoinogoluk yagahisak. A'nogo hilingninafi logolik, enggin mondok hokho niren hilingisu elo'lek mene ninoba fesukwama, ”Nit nineluk logogun lek higi,” iluk ninendawinggen na lagaikhe.

1 SAMUEL 17:37

Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.