MAZMUR 39:13 - Allah Wene Fano Wene Hupla Inane

¹³ Neisena Tuhan, an nen samban ikhi lagi nane hesanggo holin o, an nen Hat hoba kino yagaheti lagi mene andi fut nobagain o, an le agunem Hat he aloksek logou fuk. It ninambu ninombalak we elama faget welagaukwa hakhogo, an ogore we elama faget Hat hoba hobalek welagi o.

MAZMUR 39:13 ပူးပေါင်းရင်းမြစ်များ

KEJADIAN 42:36

Inailo nek agaukwasik ineisena nen it yagaisikhi logolik, ”Namlogo Yusuf ogo legat, Simeon ogo legat, nen yogondak at Benyamin ogore wanuogeluk ikhi lagepma, namlogomi hiren hilingiti lagep oba an nagainafuri omanogo longgo nek ugunem an hineisena anggolo hurane hikhi lagi yi re, ninggi'nogo nen agi,” iluk isikhe.

KEJADIAN 47:9

Heinok wokhasikhemo, at Yakub en he, ”An hamingmingengge yi, o fuluk pugulogo nikhi logolik, huli yogondak nebe umur 130 tahun welagi. An nombalak o pugulogo nikhi logolik inebe umur uanat welagaukwa andi, an welagirek mene emberek walhamo re, an mondok wiik-weakhogo nikhi logolik, nebe umur horogat welagi o, noe,” iluk yagatikhe.

KEJADIAN 5:24

At Henokh Allah inom horokhogo hundik werek aple nen Allah nen wanhikhemo ebe hobuk hasukwa mondok lek.

2 RAJA-RAJA 20:3

”Yegei, Tuhan neisena, an nen Hat Hoba eberek logolik, nendawinggen hoba lakfuluk tiphogonek hilingitu welagi. An nen he Hat hendawimo anggegendek mene nek hilingiti lagi mene a'nogo ebethan o,” iluk samban isikhesik at Hizkia a'nogo le mondok filirogo agaikhe.

1 TAWARIKH 29:15

Nineisena Tuhan, Hat he mondogat helu o, nit ninambu ninombalak hakhogore nit ogo nineluk welago yi re ap pok hakhogo inom nogoukmo lagaikharek hakhogo inom welago. Nit nineluk yi re afumagengge attak hilinglagu mene wenggelhagarek andi higit hilingi'mo re, wa'lagu meneba nen hobuk ineluk asu lek hak.

AYUB 7:19

Nenahalok an namu logouwageluk oboget niikhi lagen lek nogo? Nelemak endep ekhe pilhoageluk oboget niikhi lagen lek?

MAZMUR 119:19

An he we elama faget o kweangma yoma welagi hilingi'mo re, Hat hawene melalek andi an nelokhoma nen hinak fugun o.

MAZMUR 18:7

An nebe mondok nonghonghogo logolik neisena Tuhan oba nane yagati lagi, an lebetnabuageluk neisena Allah ba nane hum etunem he, At ebe awiloba omanogo nen an nane holnobagaluk he fut nobagali'lago.

IMAMAT 25:23

Ekhe inom ikhi logolik, ”Kweang andoma Allah onggwarek mene hilingi'mo re, hit he ap pok mene higit logolik kweang amboloba nek yagaisogo ninggi logouwageluk yagahisikhe. Nen kweang andoma hit hinanggweang logouwageluk mondok-mondok onggo palegep hanogo.