MAZMUR 39:12 - Allah Wene Fano Wene Hupla Inane

¹² Afuni re it inaweak hilingitarek onggo Haren unggum inoba figik, kotik, ikhi lagen, eberogo nen he nit afuni andi re heleage futhugunem hangge welago. Nen, Haren mumlel alperel isagarek higit perelisamo nen he, at oba elokhe pugunsek mene ekhe logou hak nogo? Elo'lego.

MAZMUR 39:12 ပူးပေါင်းရင်းမြစ်များ

KEJADIAN 21:34

A'nogo hilingitikhesik at Abraham o Filistin inanggweangma andoma aninurogoat welagaikhe.

KEJADIAN 47:9

Heinok wokhasikhemo, at Yakub en he, ”An hamingmingengge yi, o fuluk pugulogo nikhi logolik, huli yogondak nebe umur 130 tahun welagi. An nombalak o pugulogo nikhi logolik inebe umur uanat welagaukwa andi, an welagirek mene emberek walhamo re, an mondok wiik-weakhogo nikhi logolik, nebe umur horogat welagi o, noe,” iluk yagatikhe.

2 SAMUEL 16:12

We At Tuhan eilenggen werek kwelek a'nogo yaganeri'logo halok, Arenat onggo fikhi logolik, homan nobagaikhe mene andi onggo fano hilingnabigin weregat anggigi o,” iluk yagaisasikhe.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

1 TAWARIKH 29:15

Nineisena Tuhan, Hat he mondogat helu o, nit ninambu ninombalak hakhogore nit ogo nineluk welago yi re ap pok hakhogo inom nogoukmo lagaikharek hakhogo inom welago. Nit nineluk yi re afumagengge attak hilinglagu mene wenggelhagarek andi higit hilingi'mo re, wa'lagu meneba nen hobuk ineluk asu lek hak.

AYUB 13:28

Andiba re an a'nogo e mondok fili agarek mene hakhogo mondogat fubut agi, su kain mumlel en palhunem hakhogo an a'nogo hilinglagarik welagi.

AYUB 16:20

An nagaila'lagen noba weagerogo puliap nobagakhi logolik endo ya'nafunem he, le yakhikhi logolik At Allah nen lebetneoageluk oba yagati lagi.

MAZMUR 102:1

It afuni inoba enggin-fenggin ugu mene nen inoba lebelekhogo logolik inane elagaikhogo Tuhan oba samban agarek mene.

MAZMUR 116:3

Paik hele fugunem ke'nok ikherek hak, an nebe wa'lasigin horogat agunem, na'manggen mondok hokho mene laluk, nailo nen nendawinggen firogo welagi.

MAZMUR 119:19

An he we elama faget o kweangma yoma welagi hilingi'mo re, Hat hawene melalek andi an nelokhoma nen hinak fugun o.

MAZMUR 119:54

An nebe kweangma eil horogat neluk logolik ya re, aren wene melalek menfesigin mene andoma re an nen wuni Hat fogethafu mene hilingfigi.

MAZMUR 56:8

Neisena Allah, iren weak mene nek hilingiri'lagwi andiba it inebe telinabu hak mene ekhe werek nogo? Hat ha'mageba nek it inebe legetfisan o!

MAZMUR 90:9

Hat ha'mage nit ninoba fikhi lagen andiba re, tahun nit nineluk logou mene a'nogo re, set wulafi lago andi hak lek agarek.

IMAMAT 25:23

Ekhe inom ikhi logolik, ”Kweang andoma Allah onggwarek mene hilingi'mo re, hit he ap pok mene higit logolik kweang amboloba nek yagaisogo ninggi logouwageluk yagahisikhe. Nen kweang andoma hit hinanggweang logouwageluk mondok-mondok onggo palegep hanogo.

2 KORINTUS 5:6

A'nogo logolik, hobuk fano asigin, iluk ninendawimo se welago. Afuni o hobuk wuri'mo logouwogeluk attak wuri'mo welagaikharek hak, ninagap yi meneba logolik he, ninoe Enupogot awiba ninom logogun oba andi yatma welago, iluk ninelu.

IBRANI 11:13

It afuni inenu ilik waga lagi andi mondogaren, ”At Allah eberogoat,” iluk inendawinggen at oba himbiret fuluk welagaukwa andiba, Allah nen abok yagaisasikhe andi ebe wanhi'lek meneat he, afuni nen yi mene ti mene yatma were'ma ineilenggen yethaluk, inendawimo inagaiyek anggagarek andi hak, it inendawinggen oba nen, ”Eberogoat wanugun mene werego, iluk anggikhi lago andi nen, kweangma yoma it ekhe mene inawilokwe pugulogo laluk ap pok hak welago,” iluk fakhogo ikhi logolik inebe wa'larik lagaukwa.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

1 PETRUS 1:17

At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lego. We, inobabut hilingitarek lombok higithogoat wene inoba figik, kotik, ikherek andi nen, hiren he, ”Allah nineisena,” iluk ayonggo fikhi logolik, kweangma yoma elama faget hinebe ap pok hak logolik, at ebe hinailorogo hilingiti logoino o.

1 PETRUS 2:11

Nerugwi nagaila'lak. Hinebe nendawi e. Hit hinebe ap pogat afuni inawilokwe pugulogo laluk andoma logolik he, yi mene ti mene hinendawimo nen kagalogo lagai wagunem, hinendawinggen en nunggunem namolo anggikhi lagep mene andi re, selei mene nen inoatarek andi hak hinebe weagethinabigeluk, hinendawimo nen kagalogo lagai wagarek mene andi herakfisikhi logobagaigeluk yagahisikhi lagi andi o.