MAZMUR 38:6 - Allah Wene Fano Wene Hupla Inane

⁶ An nen mondok nonghonghogo hilingiti lagi andi nen he, nebene noumo omanogo re kurele wulifi logolik, amben mondok palogo wulibi'logo.

MAZMUR 38:6 ပူးပေါင်းရင်းမြစ်များ

AYUB 30:28

O selek le'ma mondok mum hikhaksek werek kwelek he, kwe lagik-wagik ikhi lagi, an nebe it afuni hokhorogo kabokse'ma inelokhoma menla'luk lebetnea'ni iluk yagaisugu welagi.

AYUB 7:5

Nebene re soborenggen mondok hokhorogo tago logolik noumo alimbo nek hilingik welagi, Nagap oba re noumo hokhorogo were'ma kurele sokhigik wilibi'lago.

MAZMUR 107:17

It ekhe inonggwarek inaweak hilingiti lagaukwa andiba re inobabut kembu logolik weak mondok hugu welagaukwa. Nen it inonggwarek weak oba re inoba enggin-fenggin fikhi lagaukwa.

MAZMUR 145:14

It afuni enggin-fenggin inoba were'ma, At Tuhan nen leberisikherek. It afuni sebelek hak werek mene re Aren legeisogo fisili'lago.

MAZMUR 31:10

Tuhan neisena, an nebe mondok weakhogo welagimo re hendawi nean o. Nale nek yakhugu-yakhugu re neilenggen mondok ou agunem welagi o, nebe re we nagupsak higit welagi.

MAZMUR 35:14

Ap inagaila'lak inamep mene inom, it inagaila'lak ekhe inom hundik mene inobaget samban agarek higit ikhi lagi. An nonggwarek nagaisa faget obaget le aga logolik hakhogo, an nunggul somarek logolik it inobaget le yaginafu welagi.

MAZMUR 42:5

O attak afuni inebe hokhorogo andogosuogeluk lagunem, At Tuhan Awi wuri'mo laga logolik, it afuni esa logalogo lagu kwelek attak laga logolik, wuni At fogeratarek awuni watik, nagaiyegetik, hilingirik laga-lagagi mene aremnogo ebet haluk he, an nendawimo mondok heiselhi lagi o.

MAZMUR 42:9

Andi nen he, o hubanggo an nen Allah eluk ero a'nogoba wuni watik, samban igik, ikhi logogin nen he, We At Tuhan nen enek o linggene werek kwelek endawi hundik hilingnaferek mene a'nogo inuk niikhi logouwago.

MAZMUR 43:2

Neisena Allah, hawe a'ma fetnarek welagen mene, nenahalok haren herak nobagakhi lagen? An naselei mene nen he, yi enggin ti enggin noba fugunem, nendawimo le agu logouwagaluk, nenahalok it inenggiba nobagakhi lagen?

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

MAZMUR 6:6

A'nogo hilingnabigin andi re ap wa'la'luk lagaikharek oba andoma nen he Hat hoba ekhe ebet heogoin lego, nen, ap fili salfisagarek oba andoma nen ogore afuni nen ekhe Hat fogethabugun legaro.

MAZMUR 88:9

Haren he, an nori nagaila'lak ninom fano mene omanogo ninom eil uanet nobagegendik he, An noba it kwelagisaluk hebaknafe asuageluk hilingnobagegen. An nebe kwe sou yagarogo kwelaknobagegenma logolik he,

YESAYA 38:14

An nane re mondogat wonghogo pilagarik omame le'lek lagunemen, sue mulugen ane nginuk ane ugunem hangge hilinglagari'mo nen. An neilenggen pogoroba liabek-liabek he neil ou nabi'logo o, Tuhan neisena enggin mene ariba nen fikhalogo nobagain o.