MAZMUR 38:4 - Allah Wene Fano Wene Hupla Inane

⁴ Hat ha'mage an noba fugunem he an noba ou mondok weakhogo hugu welagi, an naweagen he nebeba mondogat selek ekhe werek lek.

MAZMUR 38:4 ပူးပေါင်းရင်းမြစ်များ

EZRA 9:6

A'nogo liak figirik, an nen ikhi logolik he, ”Neisena Allah, nit ninaweak he lagaikhe-lagaikhe ninunggul horok-horok pogot fakha hak hilingi'mo re, an nen Hat heilhanem nelokhe legeisogo liak hea aplere nenggali mondok hokho ari'lago o.

AYUB 33:19

At Allah nen afuni komorinabigiluk he ou weak mene inoba fikherek, andiba re it inagap oba ou mondok elo'lekhogo hili'lagwi.

MAZMUR 107:17

It ekhe inonggwarek inaweak hilingiti lagaukwa andiba re inobabut kembu logolik weak mondok hugu welagaukwa. Nen it inonggwarek weak oba re inoba enggin-fenggin fikhi lagaukwa.

MAZMUR 40:12

Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

RATAPAN 1:14

Aren he an naweak omanogo abirengge waganogo misi'mo yelfikhesik, an nalonggopma kelfikhemo enggin nen he nomame mondogat lek hilingisogo nobagaikhe. Tuhan nen he an nebe it naselei mene inenggiba wogisikhemo re, it andi ninom walhaluk nebe ogalare elo'lek aga.

IMAMAT 7:18

Oba nen he, wam kurik omanogo ando were'ma inenggi henaganek meneba asigin oba nen nunggu halok he, iren warogo nolugun mene a'nogo Tuhan nen wanigin lek andi nen at onggwarek oba weaget fakhagain andi. Nen at nagain agun andi re weak enek hilingisiginmo re, at hilingisigin onggo ambisangma hagain enek.

MATIUS 11:28

Hit hinoba enggin-fenggin hikhi logolik set kwil-kwalhogo hilingiti lagep mene andi, an nen hinoba korogo hinobagagin enggere noba we'ni o.

1 PETRUS 2:24

Nit ninobabut weak hilingiti lagagu mene andi, afuni wa'la'luk yi mene ti mene hilingitarek lek andi hak, nit weak mene herakfisaluk, nineluk logolik Allah amolo mene hilingiti logouwageluk, nit weak hilingiti lagagu mene korogo, at Kristus oba fakhasikhemo, ebe eba menogo fuluk watukwa andi. At ebe hit faget oumo agambut telerogo watukwa andiba, hit fanothinafikhe andi.